ନିଜ ପ୍ରିୟ ଠାକୁରଙ୍କୁ ପ୍ରସନ୍ନ କରିବା ପାଇଁ ଏହି ଫୁଲ ଅର୍ପଣ କରନ୍ତୁ

ଶନିଦେବଙ୍କୁ ନୀଳ ରଙ୍ଗର ଫୁଲ ଭାରି ପ୍ରିୟ, ତେଣୁ ନୀଳ ଅପରାଜିତା ଶନିଦେବକୁ ଅର୍ପଣ କଲେ ଶନିଦେବଙ୍କ କୃପାରୁ ମୁକ୍ତି ମିଳେ ।

ମା କାଳୀଙ୍କର ପ୍ରିୟ ଫୁଲ ହେଉଛି ମନ୍ଦାର, କିନ୍ତୁ ନାଲି ମନ୍ଦାର ହେଉଛି ସବୁଠୁ ପ୍ରିୟ ।

ମା ସ୍ୱରସ୍ୱତୀଙ୍କୁ ପ୍ରସନ୍ନ ପାଇଁ ଆପଣ ଧଳା ଗୋଲାପ, ଧଲା କନିଅର ଓ ଧଳା କଇଁ ଇତ୍ୟାଦି ଅର୍ପଣ କରିପାରିବେ ।  

ମା ଲକ୍ଷ୍ମୀଙ୍କର ସବୁଠୁ ପ୍ରିୟ ଫୁଲ ହେଉଛି ପଦ୍ମ ଫୁଲ । ଏହାଛଡ଼ା ଗେଣ୍ଡୁ ଫୁଲ ଏବଂ ଯେକୌଣସି ନାଲି ଓ ଗୋଲାପ ଫୁଲ ମଧ୍ୟ ଅର୍ପଣ କରିପାରିବେ ।

କଦମ୍ବ, ମଲ୍ଲୀ, କରବୀର, ବଉଳ, ଇତ୍ୟାଦି ଶ୍ରୀକୃଷ୍ଣ ଭଗବାନଙ୍କର ପ୍ରିୟ ଅଟେ  ।

ପଦ୍ମ, କଦମ୍ବ, ଚମେଲି, ଅଶୋକ, ମାଳତୀ, ତରାଟ, ଇତ୍ୟାଦି ଭଗବାନ ବିଷ୍ଣୁଙ୍କର ଅତ୍ୟନ୍ତ ପ୍ରିୟ ଫୁଲ ଅଟେ । କିନ୍ତୁ ତୁଳସୀଙ୍କ ବିନା ବିଷ୍ଣୁ ଭଗବାନଙ୍କ ପୂଜା ଅଧୁରା ରହିଥଏ । ତୁଳସୀ ଅର୍ପଣ ଦ୍ୱାରା ଭଗବାନ ବିଷ୍ଣୁ ଶୀଘ୍ର ପ୍ରସନ୍ନ ହୋଇଥାନ୍ତି ।

ପ୍ରଭୁ ଶିବ ଶଙ୍କରଙ୍କୁ ଯେଉଁ ସବୁ ଫୁଲ ପ୍ରିୟ, ସେହି ସବୁ ଫୁଲ ମା' ପାର୍ବତୀଙ୍କୁ ମଧ୍ୟ ପ୍ରିୟ ଅଟେ । ଏହାଛଡ଼ା ନାଲିଫୁଲ, ଧଳା ପଦ୍ମ, ଚମ୍ପା ଓ ପଳାସ ଫୁଲ ମା ପାର୍ବତୀଙ୍କର ଅତି ପ୍ରିୟ ଅଟେ ।

ମହାଦେବଙ୍କୁ ଦୁଦୁରା ଫୁଲ, ବେଲ ପତ୍ର, ମଣିନାଗେଶ୍ୱରୀ ଫୁଲ, ଧଳା ନାଗ କେଷରୀ ଫୁଲ, କନିଅର ଫୁଲ, ଚମ୍ପା ଫୁଲ, ଅରଖ ଫୁଲ, ଗଇସ ଫୁଲ ଓ ପଦ୍ମ ମଞ୍ଜି ଇତ୍ୟାଦି ଅତ୍ୟନ୍ତ ପ୍ରିୟ ଅଟେ । ଭୁଲରେ ବି କେବେ ଭଗବାନ ଶିବଙ୍କୁ କିଆ ଫୁଲ ଅର୍ପଣ କରିବେ ନାହିଁ  ।

ଗଣେଶ ଭଗବାନଙ୍କୁ ଅଗ୍ରପୂଜ୍ୟ କୁହାଯାଏ । ଯେକୌଣସି ବ୍ରତ କି ପୂଜାପାଠରେ ପ୍ରଥମେ ଗଣେଶଙ୍କୁ ଆରାଧନା କରାଯାଏ । ପ୍ରଭୁ ଗଣେଶଙ୍କର ପ୍ରିୟ ହେଉଛି 'ଦୁବ' ।  ଯଦି ଆପଣ ଗଣେଷଙ୍କୁ ପ୍ରତିଦିନ ପୂଜା କରୁଛନ୍ତି, ତେବେ ପ୍ରତ୍ୟେକ ଦିନ ୩ କିମ୍ବା ୫ଟି ଦୁବ ଅର୍ପଣ କରନ୍ତୁ । କେବଳ ତୁଳସୀ ପତ୍ରକୁ ଛାଡ଼ି ଦୁବ ସହିତ ଯେ କୌଣସି ବି ଫୁଲ ଗଣେଷଙ୍କୁ ଅର୍ପଣ କରିପାରିବେ ।