IND Vs ENG: ବର୍ତ୍ତମାନ ଏହି ଖେଳାଳି କରିପାରନ୍ତି ଟେଷ୍ଟ ଡେବ୍ୟୁ, ବୁମ୍ରାଙ୍କ ସ୍ଥାନରେ ପାଇବେ ଏକ ସୁଯୋଗ
IND Vs ENG: ଇଂଲଣ୍ଡ ବିପକ୍ଷ ଚାଲିଥିବା ଟେଷ୍ଟ ସିରିଜରେ ଭାରତ ପାଇଁ ଅନ୍ୟ ଜଣେ ଖେଳାଳି ଟେଷ୍ଟ ଡେବ୍ୟୁ (Test debut) କରିପାରନ୍ତି। ତାଙ୍କୁ ଜସପ୍ରୀତ ବୁମ୍ରାଙ୍କ ସ୍ଥାନରେ ଏକ ସୁଯୋଗ ମିଳିବ ବୋଲି ଆଶା କରାଯାଉଛି। ଏହି ଖେଳାଳି ଆକାଶ ଦୀପଙ୍କ (Akash Deep) ବ୍ୟତୀତ ଅନ୍ୟ କେହି ନୁହଁନ୍ତି।
IND vs ENG 4th Test: ଇଂଲଣ୍ଡ ବିପକ୍ଷରେ ଚାଲିଥିବା ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ପ୍ରଥମ ତିନୋଟି ମ୍ୟାଚରେ ତିନି ଜଣ ଖେଳାଳି ଭାରତ ପାଇଁ ଟେଷ୍ଟ ଡେବ୍ୟୁ (Test debut) କରି ସାରିଛନ୍ତି। ପ୍ରଥମ ମ୍ୟାଚ୍ରେ ଭାରତ ପାଇଁ କେହି ଡେବ୍ୟୁ କରି ନଥିଲେ, କିନ୍ତୁ ଏହାର ପରବର୍ତ୍ତୀ ମ୍ୟାଚ୍ରେ ରଜତ ପାଟିଦାରଙ୍କୁ ଟେଷ୍ଟ କ୍ରିକେଟରେ ଡେବ୍ୟୁ କରିବାର ସୁଯୋଗ ମିଳିଥିବାବେଳେ, ତୃତୀୟ ମ୍ୟାଚରେ ସରଫରାଜ ଖାନ ଏବଂ ଧ୍ରୁଭ ଜୁରେଲଙ୍କୁ ଟେଷ୍ଟ କ୍ୟାପ ମିଳିଥିଲା। ଏହା ପରେ ଏବେ ଖବର ଆସିଛି ଯେ ଅନ୍ୟ ଜଣେ ଖେଳାଳି ଚତୁର୍ଥ ଟେଷ୍ଟ ମ୍ୟାଚରେ ଟିମ୍ ଇଣ୍ଡିଆ ପାଇଁ ଟେଷ୍ଟ ଡେବ୍ୟୁ କରିବାକୁ ଯାଉଛନ୍ତି। ଏହି ଖେଳାଳି ବଙ୍ଗେଲ ଟିମର ଦ୍ରୁତ ବୋଲର ଆକାଶ ଦୀପଙ୍କ (Akash Deep) ବ୍ୟତୀତ ଆଉ କେହି ନୁହଁନ୍ତି।
ରାଞ୍ଚିରେ ଖେଳାଯିବାକୁ ଥିବା ଭାରତ ବନାମ ଇଂଲଣ୍ଡ ଚତୁର୍ଥ ଟେଷ୍ଟ ମ୍ୟାଚରେ ଆକାଶ ଦୀପ ଡେବ୍ୟୁ କରିବା ପ୍ରାୟ ନିଶ୍ଚିତ କୁହାଯାଉଛି। ଏହା ପଛରେ ଦୁଇଟି କାରଣ ଅଛି - ଗୋଟିଏ ହେଉଛି ଜସପ୍ରୀତ ବୁମ୍ରାଙ୍କୁ ଏହି ଟେଷ୍ଟ ମ୍ୟାଚରୁ ବିଶ୍ରାମ ଦିଆଯାଇଥିବାବେଳେ, ଦ୍ୱିତୀୟ କାରଣ ହେଉଛି ମହମ୍ମଦ ସିରାଜଙ୍କ ବ୍ୟତୀତ ଅନ୍ୟ କୌଣସି ଦ୍ରୁତ ବୋଲର
ସେତେଟା ପ୍ରଭାବିତ ହେଉନାହାଁନ୍ତି। ଦ୍ୱିତୀୟ ଟେଷ୍ଟ ମ୍ୟାଚରେ ମୁକେଶ କୁମାର ଦଲରେ ସାମିଲ ହୋଇଥିଲେ ମଧ୍ୟ ସେତେଟା ପ୍ରଭାବଶାଳୀ ପ୍ରମାଣ କରିନଥିଲେ। ଏପରି ପରିସ୍ଥିତିରେ ଆକାଶ ଦୀପଙ୍କ ପାଇଁ ଟେଷ୍ଟ ଦଳର ଦ୍ୱାର ଖୋଲିପାରେ। ରେଡ୍ ବଲ୍ କ୍ରିକେଟ୍ ରେ ଆକାଶ ଦୀପଙ୍କର ଅନେକ ଅଭିଜ୍ଞତା ଅଛି। ସେ ୩୦ଟି ମ୍ୟାଚରେ ୧୦୪ଟି ୱିକେଟ୍ ନେଇଛନ୍ତି।
ଇଣ୍ଡିଆନ୍ ଏକ୍ସପ୍ରେସରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ବୁମ୍ରାଙ୍କୁ ବିଶ୍ରାମ ଦିଆଯିବା ପରେ ଚୟନକର୍ତ୍ତାମାନେ ଆକାଶ ଦୀପଙ୍କୁ ତାଙ୍କ ସ୍ଥାନ ଭାବରେ ବିଚାର କରୁଛନ୍ତି, ଯେହେତୁ ସେ ଇଣ୍ଡିଆ-ଏ ପାଇଁ ଚମତ୍କାର ପ୍ରଦର୍ଶନ କରିଥିଲେ। ଇଂଲଣ୍ଡ ଲାୟନ୍ସ ବିପକ୍ଷ ୩ଟି ମ୍ୟାଚ୍ରେ ସେ ୧୩ଟି ୱିକେଟ୍ ନେଇଥିବାରୁ ଶେଷ ତିନିଟି ଟେଷ୍ଟ ମ୍ୟାଚ୍ ପାଇଁ ଆକାଶ ଦୀପଙ୍କୁ ଦଳରେ ଚୟନ କରାଯାଇଥିଲା। ମୁକେଶ କୁମାର ମଧ୍ୟ ଏକ ବିକଳ୍ପ, କିନ୍ତୁ ତାଙ୍କ ଫର୍ମ ଯୋଗୁଁ କେବଳ ଆକାଶ ଦୀପ ଡେବ୍ୟୁ କ୍ୟାପ ପାଇବେ ବୋଲି ଆଶା କରାଯାଉଛି। ମୁକେଶ କୁମାର ତିନୋଟି ଟେଷ୍ଟ ଖେଳିଛନ୍ତି, କିନ୍ତୁ ତାଙ୍କ ବୋଲିଂ ସେତେଟା ପ୍ରଭାବଶାଳୀ ନଜର ଆଶିନଥିଲା।