Shubman Gill ସମେତ ପୂରା ଗୁଜୁରାଟ ଦଳ ଉପରେ ଜରିମାନା ଲଗାଇଲା ବିସିସିଆଇ, ଜାଣନ୍ତୁ ଏହା ପଛର କାରଣ
IPL 2024 Shubman Gill Fined: ବିସିସିଆଇ ଗୁଜୁରାଟ ଟାଇଟାନ୍ସର ଅଧିନାୟକ ଶୁବମନ ଗିଲଙ୍କ ସମେତ ଦଳର ସମସ୍ତ ଖେଳାଳି ଉପରେ ଜରିମାନା ଲଗାଇଛି। ଗିଲଙ୍କ ଉପରେ ୨୪ ଲକ୍ଷ ଟଙ୍କା ଜରିମାନା କରାଯାଇଛି।
IPL 2024 ର ୫୯ ତମ ମ୍ୟାଚରେ ଚେନ୍ନାଇ ସୁପର କିଙ୍ଗ୍ସ ଉପରେ ୩୫ ରନ୍ ବିଜୟ ପଞ୍ଜିକରଣ କରି ଶୁବମନ ଗିଲଙ୍କ ନେତୃତ୍ୱାଧୀନ ଗୁଜୁରାଟ ଟାଇଟାନ୍ସ ନିଶ୍ଚିତ ଭାବରେ ସେମାନଙ୍କର ପ୍ଲେ ଅଫ୍ ଆଶାକୁ ଜୀବନ୍ତ ରଖିଛି, କିନ୍ତୁ ଗୋଟିଏ ଭୁଲ ଯୋଗୁଁ ବିସିସିଆଇ ଅଧିନାୟକ ସମେତ ସମଗ୍ର ଦଳ ଉପରେ ଭାରି ଜରିମାନା ଲଗାଇଛି। ସିଏସକେ ବିପକ୍ଷରେ ଜିଟି ଦ୍ୱିତୀୟ ଥର ପାଇଁ ସ୍ଲୋ ଓଭର ରେଟକୁ ନେଇ ଦୋଷୀ ସାବ୍ୟସ୍ତ ହୋଇଛି, ଯେଉଁଥିପାଇଁ ଅଧିନାୟକ ଶୁବମନ ଗିଲଙ୍କ ଉପରେ ୨୪ ଲକ୍ଷ ଟଙ୍କା ଜରିମାନା ହୋଇଥିବାବେଳେ, ଏଥିସହିତ ପ୍ଲେଇଂ-11 ରେ ଖେଳୁଥିବା ଇମ୍ପାକ୍ଟ ପ୍ଲେୟାର ଓ ଅନ୍ୟ ଖେଳାଳିଙ୍କୁ ୬ ଲକ୍ଷ ଟଙ୍କା ଅର୍ଥାତ୍ ମ୍ୟାଚ୍ ଫି ର ୨୫ ପ୍ରତିଶତ ଜରିମାନା କରାଯାଇଛି, ଯାହା କମ୍ ଅଟେ।କହିରଖୁଛୁ ଯେ ଗୁଜୁରାଟ ପ୍ରଥମ ଥର ପାଇଁ ଚେନ୍ନାଇ ବିପକ୍ଷରେ ସ୍ଲୋ ଓଭର ରେଟକୁ ନେଇ ଭୁଲ କରିଛି।
ଆଇପିଏଲ୍ ୨୦୨୪ ରେ ସ୍ଲୋ ଓଭର ରେଟରେ ଶୁବମାନ ଗିଲଙ୍କର ଏହା ଦ୍ୱିତୀୟ ଭୁଲ, ଯେଉଁଥିପାଇଁ ସେ ବର୍ତ୍ତମାନ ଗୋଟିଏ ମ୍ୟାଚ୍ ପାଇଁ ବ୍ୟାନ ହେବାର ବିପଦରେ ଅଛନ୍ତି। ଯଦି ଗୁଜୁରାଟ ଟାଇଟାନ୍ସ ପୁନର୍ବାର ପରବର୍ତ୍ତୀ ମ୍ୟାଚରେ ସ୍ଲୋ ଓଭର ରେଟରେ ଦୋଷୀ ସାବ୍ୟସ୍ତ ହୁଅନ୍ତି, ତେବେ ଶୁବମନ ଗିଲଙ୍କୁ ୩୦ଲକ୍ଷ ଟଙ୍କା ଜରିମାନା କରାଯିବ ଏବଂ ଗୋଟିଏ ମ୍ୟାଚ୍ ପାଇଁ ମଧ୍ୟ ବ୍ୟାନ କରାଯିବ, ଯାହା ପରେ ସେ ସିଜିନର ଶେଷ ମ୍ୟାଚ୍ ଖେଳି ପାରିବେ ନାହିଁ।
ବିସିସିଆଇ ଦ୍ୱାରା ଜାରି ଏକ ପ୍ରେସ ବିଜ୍ଞପ୍ତି ଅନୁଯାୟୀ, "ସ୍ଲୋ ଓଭର ରେଟ୍ ଅପରାଧ ସହ ଜଡିତ ଆଇପିଏଲ୍ ଆଚରଣ ସଂହିତା ଅନୁଯାୟୀ ଏହା ତାଙ୍କ ଦଳର ଦ୍ୱିତୀୟ ଅପରାଧ ହୋଇଥିବାରୁ ଗିଲଙ୍କୁ ୨୪ ଲକ୍ଷ ଟଙ୍କା ଜରିମାନା କରାଯାଇଛି। ବାକି ଖେଳୁଥିବା ଏକାଦଶ ସମେତ ଇମ୍ଫାକ୍ଟ ପ୍ଲେୟାର, ଖେଳାଳିଙ୍କୁ ବ୍ୟକ୍ତିଗତ ଭାବରେ ୬ ଲକ୍ଷ ଟଙ୍କା ଅର୍ଥାତ୍ ନିଜ ନିଜ ମ୍ୟାଚ୍ ଫିସର ୨୫ ପ୍ରତିଶତ ଜରିମାନା କରାଯାଇଛି, ଯାହା କମ୍ ଅଟେ।”
ଏହି ମ୍ୟାଚ୍ରେ ପ୍ରଥମେ ବ୍ୟାଟିଂ କରି ଗୁଜୁରାଟ ଟାଇଟାନ୍ସ ଶୁବମନ ଗିଲ ଓ ସାଇ ସୁଦର୍ଶନଙ୍କ ଶତକ ଆଧାରରେ ବୋର୍ଡରେ ୨୩୧ ରନ୍ କରିଥିଲା ଓ ଏହି ସ୍କୋରକୁ ପିଛାକରି CSK ଧାର୍ଯ୍ୟ ୨୦ ଓଭରରେ ୮ ୱିକେଟ୍ ହରାଇ ମାତ୍ର ୧୯୬ ରନ୍ ସ୍କୋର କରିପାରିଥିଲା। ୧୨ଟି ମ୍ୟାଚରେ ଚେନ୍ନାଇର ଏହା ହେଉଛି ଷଷ୍ଠ ପରାଜୟ। ଏହି ପରାଜୟ ଦଳର ପ୍ଲେ ଅଫ୍ ପାଇଁ ଟିକେ କଷ୍ଟସାଧ୍ୟ କରିଛି।