IPL Final: ଚେନ୍ନାଇ ବିଜୟରେ ସାମିଲ ୫ ବଡ଼ ଖେଳାଳି, ବୟସ ୩୦ ଛୁଇଁଥିଲେ ବି ଖେଳିଥିଲେ ବଡ଼ ଇନିଂସ

IPL Final: ନୂଆଦିଲ୍ଲୀ: ଚଳିତ ବର୍ଷ ଖେଳାଯାଉଥିବା ଆଇପିଏଲ ଶେଷ ହୋଇଛି। ଏମଏସ ଧୋନିଙ୍କ ଅଧିନାୟକତ୍ୱରେ ଚେନ୍ନାଇ ସୁପର କିଙ୍ଗ୍ସ ରେକର୍ଡ ୫ମ ଥର ପାଇଁ ଆଇପିଏଲ ଟାଇଟଲ ହାସଲ କରିଛି। ରୋମାଞ୍ଚକର ମ୍ୟାଚରେ ସିଏସକେ ଗୁଜୁରାଟ ଟାଇଟାନ୍ସକୁ ୫ ୱିକେଟରେ ପରାସ୍ତ କରିଛି। ଟସ୍ ହରାଇବା ପରେ ପ୍ରଥମେ ଖେଳି ଟାଇଟାନ୍ସ ୪ ୱିକେଟ୍ ପାଇଁ ୨୧୪ ରନ୍ ସ୍କୋର କରିଥିଲେ। ଏହା ପରେ ବର୍ଷା ହେଲା। ଏଭଳି ପରିସ୍ଥିତିରେ ଚେନ୍ନାଇ ଡକୱର୍ଥ-ଲୁଇସ୍ ନିୟମ ଦ୍ୱାରା ୧୫ ଓଭରରେ ୧୭୧ ରନ୍ ସଂଗ୍ରହ କରିଥିଲା। ଶେଷ ଦୁଇ ବଲରେ ଚୌକା ଓ ଛକା ମାରି ରବିନ୍ଦ୍ର ଜାଡେଜା ଦଳକୁ ବିଜୟ ପ୍ରଦାନ କରିଥିଲେ। ଜିତିବା ପାଇଁ CSK କୁ ଶେଷ ୨ ବଲରେ ୧୦ ରନର ଆବଶ୍ୟକ ରହିଥିଲା। ବୋଲର ଥିଲେ ମୋହିତ ଶର୍ମା। ଧୋନିଙ୍କୁ ଜିତିବାରେ ସାହାଯ୍ୟ କରିଥିବା ୫ ଖେଳାଳିଙ୍କ ବିଷୟରେ କହିବାକୁ ଗଲେ ସେମାନଙ୍କ ମଧ୍ୟରୁ ୪ ଜଣ ୩୦ରୁ ଅଧିକ ବୟସର। ଅର୍ଥାତ୍ ପୁରୁଣା ଖେଳାଳିମାନେ ଟି-୨୦ରେ ନିଜର ଦବଦବା ବିସ୍ତାର କରିଥିଲେ। ଆସନ୍ତୁ ସେମାନଙ୍କ ବିଷୟରେ ଆପଣଙ୍କୁ କହିବା…

ଡେଭନ କନଓ୍ୱ: ନ୍ୟୁଜିଲ୍ୟାଣ୍ଡର ୩୧ ବର୍ଷୀୟ ଡ୍ୟାସିଂ ବ୍ୟାଟ୍ସମ୍ୟାନ୍ ଡେଭନ୍ କନୱେ ଫାଇନାଲରେ ମ୍ୟାଚରେ ଚୂଡ଼ାନ୍ତ ଏକାଦଶରେ ସାମିଲ ହୋଇଥିଲେ। ସେ ୨୫ ବଲରୁ ୪୭ ରନର ଏକ ଇନିଂସ ଖେଳିଥିଲେ। ୪ଟି ଚୌକା ଓ ୨ ଛକା ସାହାଯ୍ୟରେ ଏହି ବଡ଼ ଇନିଂସ ଖେଳିଥିଲେ।  ଷ୍ଟ୍ରାଇକ ହାର ୧୮୮ ଥିଲା। ପ୍ରଥମ ୱିକେଟ୍ ପାଇଁ ରିତୁରାଜ ଗାଏକ୍ୱାଡ଼ଙ୍କ ସହିତ କନୱେ ୬.୩ ଓଭରରେ ଗୁରୁତ୍ୱପୂର୍ଣ୍ଣ ୭୪ ରନ୍ ଯୋଡିଥିଲେ।

ଆଜିଙ୍କ୍ୟ ରାହାଣେ: ୩୪ ବର୍ଷିୟ ଅଜିଙ୍କ୍ୟ ରାହାଣେ ଆଇପିଏଲ୍ ୨୦୨୩ରେ ଆକ୍ରମଣାତ୍ମକ ବ୍ୟାଟିଂ କରିଥିଲେ। ଫାଇନାଲରେ ସେ ୨୦୮ ଷ୍ଟ୍ରାଇକ୍ ହାରରେ ୧୩ ବଲରେ ୨୭ ରନ୍ ସ୍କୋର କରିଥିଲେ। ଏହି ପାଳିରେ ୨ଟି ଲେଖାଏଁ ଚାରିଟି ଚୌକା ଓ ଛକା ମାରିଥିଲେ। ସେ ମାତ୍ର ୨୩ ବଲରେ ତୃତୀୟ ୱିକେଟ୍ ପାଇଁ ଶିବମ୍ ଦୁବେଙ୍କ ସହ ୩୯ ରନ୍ ଭାଗିଦାରୀ ବାଣ୍ଟିଥିଲେ।

ଅମ୍ବାତି ରାୟୁଡ଼ୁ: ଅମ୍ବାତି ରାୟୁଡୁ ଫାଇନାଲ ପୂର୍ବରୁ ମଧ୍ୟ ଅବସର ବିଷୟରେ କହିଥିଲେ। ଫାଇନାଲରେ ଏହି ବ୍ୟାଟ୍ସମ୍ୟାନ୍ ମୋହିତ ଶର୍ମାଙ୍କ ଲଗାତାର ୩ଟି ବଲରେ ୨ଟି ଛକା ଓ ଗୋଟିଏ ଚୌକା ମାରିଥିଲେ। ଏହିଠାରେ CSK ଦଳ ରନରେଟ ବଜାୟ ରଖିବାରେ ସଫଳ ହୋଇଥିଲା। ୩୭ ବର୍ଷର ରାଇଡୁ ୮ ବଲରୁ ୧୯ ରନ୍ ସଂଗ୍ରହ କରିଥିଲେ।

ରବିନ୍ଦ୍ର ଜାଡ଼େଜା: 34 ବର୍ଷିୟ ରବିନ୍ଦ୍ର ଜାଡେଜା ଆଇପିଏଲ୍ ୨୦୨୩ରେ ୨୦ ୱିକେଟ୍ ନେଇଥିଲେ। ଏହି ବାମହାତୀ ସ୍ପିନର ତଥା ଅଲରାଉଣ୍ଡର ମଧ୍ୟ ଫାଇନାଲରେ ବ୍ୟାଟିଂ ଦକ୍ଷତା ପ୍ରଦର୍ଶନ କରିଥିଲେ। ଦଳକୁ ଜିତିବା ପାଇଁ ୨୦ ଓଭରରେ ୧୩ ରନ୍ ସ୍କୋର କରିବାକୁ ପଡିଲା। ପ୍ରଥମ ୪ଟି ବଲରେ ମାତ୍ର ୩ ରନ୍ ସ୍କୋର କରାଯାଇଥିଲା। କିନ୍ତୁ ଜାଡେଜା ଦଳକୁ ୫ମ ବଲରେ ଗୋଟିଏ ଠକା ଓ ଶେଷ ବଲରେ ଗୋଟିଏ ଚୌକା ମାରି ଦଳକୁ ବିଜୟ ଆଣିଦେଇଥିଲେ। ସେ ୬ ବଲରୁ ୧୫ କରି ଅପରାଜିତ ଇନିଂସ ଖେଳିଥିଲେ। ତାଙ୍କର ଷ୍ଟ୍ରାଇକ ରେଟ ୨୫୦ ରହିଥିଲା।