T20 World Cup: ବୟସ ୪୨ ହେଲାଣି କିନ୍ତୁ ପିଲାଳିଆମୀ ଯାଇନାହିଁ, ଭାରତ ଓ ଆଇସିସି ଉପରେ ବୟାନ ଦେଇ ଫସିଲେ ଆଫ୍ରିଦି

T20 World Cup 2022: ସହିଦ ଆଫ୍ରିଦି ପାକିସ୍ତାନୀ ଗଣମାଧ୍ୟମକୁ କହିଛନ୍ତି ଯେ ଟି-୨୦ ବିଶ୍ୱକପ୍‌ରେ ଯେକୌଣସି ମୂଲ୍ୟରେ ଭାରତକୁ ଆଇସିସି ସେମିଫାଇନାଲରେ ପହଞ୍ଚାଇବାକୁ ଚାହୁଁଛି ।

T20 World Cup 2022: ସହିଦ ଆଫ୍ରିଦି (Shahid Afridi) ଗଣମାଧ୍ୟମରେ ଅନେକ ସମୟରେ ଅବାନ୍ତକର ବୟାନ ଦିଅନ୍ତି । ପୁଣିଥରେ ପାକିସ୍ତାନର ପୂର୍ବତନ ଅଧିନାୟକ ଏଭଳି କଥା କହିଛନ୍ତି, ଯାହା ଜାଣି ସମସ୍ତେ ନିଜ ମୁଣ୍ଡରେ ହାତ ଦେଉଛନ୍ତି । ସହିଦ ଆଫ୍ରିଦି ଆଇସିସି (ICC) ଉପରେ ଏକ ବଡ଼ ଅଭିଯୋଗ କରିଛନ୍ତି, ଯେ ସେ ଟି-୨୦ ବିଶ୍ୱକପରେ (T20 World Cup) ଟିମ୍ ଇଣ୍ଡିଆର (Team India) ପକ୍ଷ ନେଉଛି । ଭାରତ-ବାଂଲାଦେଶ ମ୍ୟାଚ୍ ଉପରେ କମେଣ୍ଟ ଦେବା ବେଳେ ସହିଦ ଆଫ୍ରିଦି ଆଇସିସି ଉପରେ ପ୍ରଶ୍ନ କରିଥିଲେ । ଆଫ୍ରିଦି କହିଛନ୍ତି ଯେ ଆଇସିସିର ମନୋଭାବ ଟିମ୍ ଇଣ୍ଡିଆ ପ୍ରତି ପ୍ରବୃତ୍ତ ଓ ସେ ଚାହୁଁଥିଲା ଯେ ଭାରତ ଯେକୌଣସି ଭାବରେ ସେମିଫାଇନାଲରେ (Semifinal) ପ୍ରବେଶ କରୁ ।'

ପାକିସ୍ତାନୀ ଗଣମାଧ୍ୟମ ସହ କଥାବାର୍ତ୍ତା ବେଳେ ସହିଦ ଆଫ୍ରିଦି କହିଛନ୍ତି, 'ଆପଣ ନିଶ୍ଚିତ ଭାବରେ ଗ୍ରାଉଣ୍ଡ ଦେଖିଥିବେ ଯେ ଏହା କେତେ ଓଦା ଥିଲା । କିନ୍ତୁ ଆଇସିସି ଟିମ୍ ଇଣ୍ଡିଆକୁ ସମର୍ଥନ କରୁଥିଲା । ସେ ସେ ଚାହୁଁଥିଲା ଯେ ଯେ ଭାରତ ଯେକୌଣସି ଭାବରେ ସେମିଫାଇନାଲରେ ପ୍ରବେଶ କରୁ । ଭାରତ-ପାକିସ୍ଥାନରେ ଅମ୍ପାୟାରିଂ କରୁଥିବା ଅମ୍ପାୟାରମାନେ ଭାରତ-ବାଂଲାଦେଶ ମ୍ୟାଚରେ ଅମ୍ପାୟାର ହୋଇଥିଲେ । ମୁଁ ଆପଣଙ୍କୁ କହିବି, ତାଙ୍କୁ ଶ୍ରେଷ୍ଠ ଅମ୍ପାୟାର ପାଇଁ ପୁରସ୍କାର ମଧ୍ୟ ଦିଆଯିବ ।'

ସହିଦ ଆଫ୍ରିଦିଙ୍କ ଏହି ବୟାନ ବାସ୍ତବରେ ବହୁତ ଅଦ୍ଭୁତ ଅଟେ । କାରଣ ଯଦି ଏହା ହୋଇଥାନ୍ତା, ତେବେ ଗତ ଟି-୨୦ ବିଶ୍ୱକପରେ ପ୍ରଥମ ରାଉଣ୍ଡରେ ଟିମ୍ ଇଣ୍ଡିଆ କିପରି ଆଉଟ୍ ହେଲା? ପ୍ରକୃତ କଥା ହେଉଛି ବାସ୍ତବରେ ଟିମ୍ ଇଣ୍ଡିଆ ଏହି ଟୁର୍ଣ୍ଣାମେଣ୍ଟରେ ଏକ ଭଲ ଖେଳ ପ୍ରଦର୍ଶନ କରୁଥିବାବେଳେ, ପାକିସ୍ତାନୀ ଦଳର ପ୍ରଦର୍ଶନ ଅତ୍ୟନ୍ତ ଖରାପ ରହିଛି । ସେମିଫାଇନାଲରେ ପ୍ରବେଶ କରିବାର ପାକିସ୍ତାନର ଆଶା ଏବେ ମଧ୍ୟ ନିଶ୍ଚିତ ନାହିଁ ଓ ଭାରତୀୟ ଦଳ ପ୍ରାୟ ସେମିଫାଇନାଲରେ ପ୍ରବେଶ କରିଛି । ବୋଧହୁଏ ଏହି କାରଣ ଯୋଗୁଁ ସହିଦ ଆଫ୍ରିଦି ଇର୍ଷାପରାୟଣ ହୋଇପଡିଛନ୍ତି । 

ସହିଦ ଆଫ୍ରିଦି ନିଜ ଦେଶର ଖେଳାଳିଙ୍କ ଖରାପ ଖେଳ ଉପରେ କୌଣସି ବୟାନ ଦେଉନାହାଁନ୍ତି, କେବଳ ସେ ଭାରତ ବିରୋଧରେ କଥାବାର୍ତ୍ତା କରି ହେଡଲାଇନରେ ରହିବାକୁ ଚେଷ୍ଟା କରୁଛନ୍ତି । ଆପଣଙ୍କୁ କହିରଖୁଛୁ ଯେ ପାକିସ୍ତାନ ପ୍ରଥମ ମ୍ୟାଚରେ ଟିମ୍ ଇଣ୍ଡିଆଠାରୁ ପରାସ୍ତ ହୋଇଛି । ଏହା ପରେ ପାକିସ୍ତାନ ଜିମ୍ବାୱେ ଠାରୁ ମଧ୍ୟ ହାରିଥିଲା । ଉଭୟ ମ୍ୟାଚ୍ ପାକିସ୍ତାନର ପକ୍ଷରେ ମ୍ୟାଚ ଯାଉଥିଲା କିନ୍ତୁ ଶେଷ ମୁହୂର୍ତ୍ତରେ ବିପକ୍ଷ ଦଳ ଭଲ ଖେଳ ପ୍ରଦର୍ଶନ କରି ସେମାନଙ୍କୁ ପରାସ୍ତ କରିଥିଲେ ।