ODI World Cup 2023 India Squad Announced: ବିଶ୍ୱକପ ପାଇଁ ଭାରତୀୟ ଦଳ ଘୋଷଣା, ରୋହିତ ଅଧିନାୟକ, ବାଦ ପଡ଼ିଲେ ଏହି ଘାତକ ଖେଳାଳି
ବୋର୍ଡ ଅଫ୍ କଣ୍ଟ୍ରୋଲ୍ ଫର କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ବିଶ୍ୱକପ୍ 2023 ପାଇଁ ଭାରତୀୟ ଦଳ ଘୋଷଣା କରିଛି। ରୋହିତ ଶର୍ମାଙ୍କ ଅଧିନାୟକ ଦଳରେ ଅଭିଜ୍ଞ ଖେଳାଳିଙ୍କୁ ପ୍ରାଥମିକତା ଦିଆଯାଇଛି। ବିରାଟ କୋହଲି, ଇଶାନ କିଶନ ଏବଂ ଶ୍ରେୟାସ ଆୟର ଦଳରେ ସ୍ଥାନ ପାଇିଛନ୍ତ। ହାର୍ଦ୍ଦିକ ପାଣ୍ଡ୍ୟାଙ୍କୁ ଉପ-ଅଧିନାୟକ ଦାୟିତ୍ୱ ପ୍ରଦାନ କରାଯାଇଛି।
ନୂଆଦିଲ୍ଲୀ: ବୋର୍ଡ ଅଫ୍ କଣ୍ଟ୍ରୋଲ୍ ଫର କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ବିଶ୍ୱକପ୍ 2023 ପାଇଁ ଭାରତୀୟ ଦଳ ଘୋଷଣା କରିଛି। ରୋହିତ ଶର୍ମାଙ୍କ ଅଧିନାୟକ ଦଳରେ ଅଭିଜ୍ଞ ଖେଳାଳିଙ୍କୁ ପ୍ରାଥମିକତା ଦିଆଯାଇଛି। ବିରାଟ କୋହଲି, ଇଶାନ କିଶନ ଏବଂ ଶ୍ରେୟାସ ଆୟର ଦଳରେ ସ୍ଥାନ ପାଇିଛନ୍ତ। ହାର୍ଦ୍ଦିକ ପାଣ୍ଡ୍ୟାଙ୍କୁ ଉପ-ଅଧିନାୟକ ଦାୟିତ୍ୱ ପ୍ରଦାନ କରାଯାଇଛି। ପୂର୍ବରୁ ଭାରତ ଏସିଆ କପ୍ ପାଇଁ 17 ଜଣିଆ ଦଳ ଘୋଷଣା କରି ସଞ୍ଜୁ ସାମସନଙ୍କୁ ରିଜର୍ଭରେ ରଖାଯାଇଥିଲା। ଏଭଳି ପରିସ୍ଥିତିରେ ସମୁଦାୟ ୧୮ ଖେଳାଳି ଶ୍ରୀଲଙ୍କା ଯାଇଥିଲେ। ଯଦିଓ ସେମାନଙ୍କ ମଧ୍ୟରୁ କେବଳ ୧୫ ଜଣଙ୍କୁ ଚୟନ କରାଯାଇଛି। ଅବଶିଷ୍ଟ ଖେଳାଳିଙ୍କୁ ରିଜର୍ଭ ପ୍ଲେୟାର ଭାବେ ସ୍ଥାନ ଦିଆଯାଇଛି।
ଏସିଆ କପ ଏବଂ ODI ବିଶ୍ୱକପ୍ 2023 ଖେଳିବାକୁ ସ୍ୱପ୍ନ ଦେଖୁଥିବା ତିଲକ ବର୍ମା ବିଶ୍ୱକପ୍ ପାଇଁ ଘୋଷିତ ୧୫ ଖେଳାଳିଙ୍କ ଦଳରେ ସ୍ଥାନ ପାଇ ନାହାଁନ୍ତି। ତାଙ୍କ ବ୍ୟତୀତ ସଞ୍ଜୁ ସାମସନଙ୍କ ସ୍ୱପ୍ନ ମଧ୍ୟ ଭାଙ୍ଗି ଯାଇଛି। ସେ ଦୀର୍ଘ ସମୟ ଧରି ଦଳରେ ରହି ଆସୁଥିଲେ। ଯଦିଓ କେ.ଏଲ୍ ରାହୁଲ ଫିଟ୍ ନଥିଲେ ତେବେ ସଞ୍ଜୁ ସ୍ଥାନ ପାଇବାକୁ ନିଶ୍ଚିତ ଥିଲେ କିନ୍ତୁ ବର୍ତ୍ତମାନ ତାଙ୍କ ରିପୋର୍ଟ ଗୁଡିକ ଭଲ ଅଟେ। ଯଦିଓ ସାମସନଙ୍କୁ ରିଜର୍ଭ ଖେଳାଳି ଭାବେ ସ୍ଥାନ ଦିଆଯାଇପାରେ।
ବିଶ୍ୱକପ ପାଇଁ ଘୋଷିତ ୧୫ ଜଣିଆ ଦଳ
ଭାରତୀୟ ଦଳ: ରୋହିତ ଶର୍ମା (ଅଧିନାୟକ), ହାର୍ଦ୍ଦିକ ପାଣ୍ଡ୍ୟା (ଉପ ଅଧିନାୟକ), ଶୁବମନ ଗିଲ, ବିରାଟ କୋହଲି, ଶ୍ରେୟାସ ଆୟାର, କେଏଲ ରାହୁଲ (ଓ୍ୱିକେଟ କିପର), ଇଶାନ କିଶାନ (ଓ୍ୱିକେଟ କିପର), ରବିନ୍ଦ୍ର ଜାଡ଼େଜା, ଶାର୍ଦୁଳ ଠାକୁର, ମହମ୍ମଦ ସିରାଜ, କୁଳଦୀପ ଯାଦବ, ମହମ୍ମଦ ଶାମୀ, ଅକ୍ଷର ପଟେଲ, ସୂର୍ଯ୍ୟକୁମାର ଯାଦବ।
ଭାରତୀୟ ଦଳର ବିଶ୍ୱକପ ସିଡ୍ୟୁଲ
8 ଅକ୍ଟୋବର: ଭାରତ ବନାମ ଅଷ୍ଟ୍ରେଲିଆ, ଚେନ୍ନାଇ
11 ଅକ୍ଟୋବର: ଭାରତ ବନାମ ଆଫଗାନିସ୍ତାନ, ଦିଲ୍ଲୀ
14 ଅକ୍ଟୋବର: ଭାରତ ବନାମ ପାକିସ୍ତାନ, ଅହମ୍ମଦାବାଦ
19 ଅକ୍ଟୋବର: ଭାରତ ବନାମ ବାଂଲାଦେଶ, ପୁନେ
22 ଅକ୍ଟୋବର: ଭାରତ ବନାମ ନ୍ୟୁଜିଲାଣ୍ଡ, ଧର୍ମାଶାଳା
29 ଅକ୍ଟୋବର: ଭାରତ ବନାମ ଇଂଲଣ୍ଡ, ଲକ୍ଷ୍ନୌ
2 ନଭେମ୍ବର: ଭାରତ ବନାମ ଶ୍ରୀଲଙ୍କା, ମୁମ୍ବାଇ
5 ନଭେମ୍ବର: ଭାରତ ବନାମ ଦକ୍ଷିଣ ଆଫ୍ରିକା, କୋଲକାତା
12 ନଭେମ୍ବର: ଭାରତ ବନାମ ନେଦରଲ୍ୟାଣ୍ଡସ, ବେଙ୍ଗାଲୁରୁ