World Cup 2023:  ନୂଆଦିଲ୍ଲୀ: ୨୦୨୩ରେ ଭାରତରେ (India) ହେବାକୁ ଯାଉଛି ଦିନିକିଆ ବିଶ୍ୱକପ (One Day World Cup 2023)। ଏଥିପାଇଁ ବିସିସିଆଇ (BCCI) ମଧ୍ୟ ପ୍ରସ୍ତୁତ ଆରମ୍ଭ କରିଦେଲାଣି। କିନ୍ତୁ ଏହାରି ମଧ୍ୟରେ ଏକ ନିରାଶ କରିବା ଭଳି ଘଟଣା ଶୁଣିବାକୁ ମିଳୁଛି। ଯାହା କ୍ରୀଡ଼ା ଜଗତରେ ବେଶ ହଇଚଇ ସୃଷ୍ଟି କରିଛି। ତେବେ ମିଳିଥିବା ମିଡ଼ିଆ ରିପୋର୍ଟ (Media Report) ମୁତାବକ ବିସିସିଆଇ (BCCI) ଏକାସାଙ୍ଗରେ ଦୁଇଟି ପ୍ରସଙ୍ଗରେ ଲଢୁଛି ଆଉ ଏଥିପାଇଁ ବିସିସିଆଇ (BCCI) ପାଇଁ ମଧ୍ୟ ସମସ୍ୟା ସୃଷ୍ଚି କରିବାରେ ଲାଗିଛି। ଗୋଟିଏ ପଟେ ପାକିସ୍ତାନ (Pakistan) କ୍ରମାଗତ ଭାବେ ଆଇସିସି (ICC) ନିକଟରେ ଭାରତ (India) ଉପରେ କ୍ରମାଗତ ଭାବେ ସମାଲୋଚନା କରି ଆସୁଛି। ଅନ୍ୟପଟେ ଟ୍ୟାକ୍ସକୁ ନେଇ କେନ୍ଦ୍ର ସରକାରଙ୍କ (Central Government) ସହିତ ମଧ୍ୟ ଲଢେଇ ଜାରି ରଖିଛି ବିସିସିଆଇ (BCCI)। ଫଳରେ ଏଭଳି ସ୍ଥିତିରେ ଏହି ସମସ୍ୟାର ସମାଧାନ ପାଇଁ ଆଇସିସି (ICC) ବିସିସିଆଇକୁ (BCCI) ଚେତାବନୀ ମଧ୍ୟ ଦେଇଛି। 


COMMERCIAL BREAK
SCROLL TO CONTINUE READING

ରିପୋର୍ଟ ମୁତାବକ ଯଦି ବିଶ୍ୱକପକୁ ନେଇ ଉପୁଜିଥିବା ସମସ୍ୟାର ସମାଧାନ ଯଦି ନ ହୁଏ ତେବେ ବିଶ୍ୱକପ ପାଇଁ ଅନ୍ୟତ୍ର ସ୍ଥାନ ଦେଖିବାକୁ ଆଇସିସି ପରୋକ୍ଷରେ ଧମକ ଦେଇଛି। ଶେଷଥର ପାଇଁ ୨୦୧୬ ମସିହାରେ ଟି୨୦ ବିଶ୍ୱକପର ଆୟୋଜନ କରିଥିଲା। ସେହି ସମୟରେ ବୋର୍ଡ ଟ୍ୟାକ୍ସ ସହିତ ଜଡ଼ିତ ମାମଲା ସମାଧାନ କରିବାରେ ବିଫଳ ହୋଇଥିବା ବିସିସିଆଇ। ଫଳରେ ଆଇସିସି ବାର୍ଷିକ ଅନୁଦାନରୁ ପ୍ରାୟ ୧୯୦ କୋଟି ଟଙ୍କା କାଟି ନେଇଥିଲା। ତେବେ ଆସନ୍ତା ବର୍ଷ ହେବାକୁ ଥିବା ବିଶ୍ୱକପ ପାଇଁ ଟ୍ୟାକ୍ସ ବିଲକୁ ୨୧.୮୪ ପ୍ରତିଶତ ବଢାଇ ଦେଇ ପ୍ରାୟ ୯୦୦ କୋଟି ଟଙ୍କା କରିଦେଇଛି। ଫଳରେ ଯଦି ଭାରତୀୟ କ୍ରିକେଟ ବୋର୍ଡ  ଭାରତୀୟ ସରକାର ଟ୍ୟାକ୍ସ ଛାଡ଼ ପାଇଁ ରାଜି ନ କରାଇ ପାରେ ତେବେ ୯୦୦ କୋଟିରୁ ଅଧିକ ଟଙ୍କାର କ୍ଷତି ସହିବ ବୋର୍ଡ। 


ଟୁର୍ଣ୍ଣାମେଣ୍ଟକୁ ସ୍ଥାନାନ୍ତର ପାଇଁ ଆଇସିସିର ସ୍ୱତନ୍ତ୍ର ନିୟମ କାନୁନ ରହିଛି। ଯଦି ଆମେ ଟୁର୍ଣ୍ଣାମେଣ୍ଟ ଆୟୋଜନ ଉପରେ ଆଇସିସିର ନୀତି ବିଷୟରେ କହିବୁ, ତେବେ ଆୟୋଜକ ଦେଶକୁ ତାଙ୍କ ସରକାରଙ୍କଠାରୁ ଟିକସ ଛାଡ କରିବାକୁ ପଡିବ। ଅନ୍ୟପକ୍ଷରେ ଗଣମାଧ୍ୟମର ରିପୋର୍ଟ ଅନୁଯାୟୀ, ଏପର୍ଯ୍ୟନ୍ତ ବିସିସିଆଇ ଏହି ପ୍ରସଙ୍ଗରେ କୌଣସି ଉଦ୍ୟମ କରିନାହିଁ। 


ଆସନ୍ତା ବର୍ଷ ଅକ୍ଟୋବରରେ ODI ବିଶ୍ୱକପ୍ ଅନୁଷ୍ଠିତ ହେବ ଏବଂ ଏହା ପ୍ରଥମ ଥର ହେବ ଯେ ପୂର୍ଣ୍ଣାଙ୍ଗ ଟୁର୍ଣ୍ଣାମେଣ୍ଟ ଭାରତରେ ଖେଳାଯିବ। ୧୯୮୭ରେ ଉଭୟ ଭାରତ ଏବଂ ପାକିସ୍ତାନ ଏକାଠି ଆୟୋଜନ କରିଥିଲେ। ୧୯୯୬ ମସିହାରେ ଭାରତ, ପାକିସ୍ଥାନ ଏବଂ ଶ୍ରୀଲଙ୍କା ମିଳିତ ଆୟୋଜକ ଥିଲେ। ୨୦୧୧ ବିଶ୍ୱକପ ଭାରତ, ଶ୍ରୀଲଙ୍କା ଏବଂ ବାଂଲାଦେଶ ଦ୍ୱାରା ଆୟୋଜିତ ହୋଇଥିଲା | ଦିନିକିଆ ବିଶ୍ୱକପ ଇତିହାସରେ ପ୍ରଥମ ଥର ପାଇଁ ଭାରତ ପୂର୍ଣ୍ଣାଙ୍ଗ ଟୁର୍ଣ୍ଣାମେଣ୍ଟ ଆୟୋଜନ କରିବାକୁ ଯାଉଛି, କିନ୍ତୁ ଏହାପୂର୍ବରୁ ବୋର୍ଡକୁ ଟିକସ ସମ୍ବନ୍ଧୀୟ ସମସ୍ୟାର ଠିକ ସମୟରେ ସମାଧାନ ଖୋଜିବାକୁ ପଡ଼ିବ।


Also Rea: Bhubaneswar: ED ହାତରେ ଅର୍ଚ୍ଚନାଙ୍କ ଡାଏରୀ, ବଡ଼ବଡ଼ିଆଙ୍କ ଛାତିରେ ପଶିଲା ଛନକା !