Odisha News: ରାଜ୍ୟରେ 22ଟି ନୂଆ ବିଜ୍ଞାପିତ ଅଞ୍ଚଳ ପରିଷଦ: ଭଞ୍ଜନଗରକୁ ଏନ୍‍ଏସି ମାନ୍ୟତା

 ଭୁବନେଶ୍ବର: ରାଜ୍ୟର 13ଟି ଜିଲ୍ଲାରେ 22ଟି ନୂତନ ବିଜ୍ଞପିତ ଅଞ୍ଚଳ ପରିଷଦ ଗଠନ  ଏବଂ  ଗଞ୍ଜାମର  ଭଞ୍ଜନଗର ଏନଏସିକୁ  ମୁନିସିପାଲିଟିକୁ ଉନ୍ନୀତ  କରାଯାଇଛି। ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଏହି ସୂଚନା ଦିଆଯାଇଛି। 

ମୁଖ୍ୟମନ୍ତ୍ରୀଙ୍କ  ଘୋଷଣା  ଅନୁଯାୟୀ ବୌଦ୍ଧ  ଜିଲ୍ଲାର  ମନମୁଣ୍ଡା,  ପୁରୁଣା କଟକ ଓ    ବାଉଁଶୁଣି , ବଲାଙ୍ଗିର ର  ଲୋଇସିଂହା ଓ  ସିନ୍ଧେକେଲା,  ବରଗଡର ସୋହେଲା, ବାଲେଶ୍ବର ର ବାଲିଆପାଳ ଓ ଖଇରା, ଭଦ୍ରକର ଧାମରା, ଢେଙ୍କାନାଳର ରାସୋଳ, ଜଗତସିଂହପୁରର କୁଜଙ୍ଗ  କଳାହାଣ୍ଡିର ନର୍ଲା ଓ ମଦନପୁର ରାମପୁର  ଖୋର୍ଦ୍ଧାର ବୋଲଗଡ ନୟାଗଡ଼ର ଶରଣକୁଳ,  ପୁରୀର ସାକ୍ଷୀଗୋପାଳ ଓ କାକଟପୁର ,ସମ୍ବଲପୁର ର ରେଙ୍ଗାଲି ଓ ବାମଣ୍ଡା  ଏବଂ ସୁବର୍ଣ୍ଣପୁର ଜିଲ୍ଲାର ସୁବଳୟା ,ଉଲୁଣ୍ଡା ଓ  ରାମପୁର  ଆଦି  ସ୍ଥାନକୁ  ବିଜ୍ଞାପିତ  ଅଞ୍ଚଳ  ପରିଷଦ ମାନ୍ୟତା  ପ୍ରଦାନ କରାଯାଇଛି।

ଫାଇଭ୍‍ ଟି  ଅଧ୍ୟକ୍ଷ  ଶ୍ରୀ  କାର୍ତ୍ତିକ  ପାଣ୍ଡିଆନଙ୍କ  ବିଭିନ୍ନ ଜିଲ୍ଲା  ଗସ୍ତ  ଅବସରରେ  ଜନସାଧାରଣଙ୍କ   ପ୍ରସ୍ତାବ ଏବଂ  ବିକାଶର  ଆବଶ୍ୟକତାକୁ  ଦୃଷ୍ଟିରେ  ରଖି  ମୁଖ୍ୟମନ୍ତ୍ରୀ  ଏହି  ନିଷ୍ପତ୍ତି  ନେଇଥିବା ଏଥିରେ କୁହାଯାଇଛି।

ସୂଚନାଯୋଗ୍ୟ ଯେ ଜନସାଧାରଣଙ୍କ ଦାବି, କ୍ରମବର୍ଦ୍ଧିଷ୍ଣୁ ଜନସଂଖ୍ୟା, ବିକାଶ ଓ ଅର୍ଥନୈତିକ ଅଭିବୃଦ୍ଧିକୁ ଦୃଷ୍ଟିରେ ରଖି, ଏହି ନୂତନ ବିଜ୍ଞାପିତ ଅଞ୍ଚଳ ପରିଷଦ ଗଠନ ପାଇଁ ମୁଖ୍ୟମନ୍ତ୍ରୀ ନିଷ୍ପତ୍ତି ନେଇଛନ୍ତି। ଅଞ୍ଚଳର ସାମଗ୍ରିକ ବିକାଶ କ୍ଷେତ୍ରରେ ନବଗଠିତ ପରିଷଦ ଗୁଡିକ କାର୍ଯ୍ୟ କରିବ ବୋଲି ମୁଖ୍ୟମନ୍ତ୍ରୀ ଆଶା ବ୍ୟକ୍ତ କରିଛନ୍ତି। ଗତ  ମାସ ରେ  ମୁଖ୍ୟମନ୍ତ୍ରୀ  35 ଟି  ନୂଆ  ଏନ୍‍ଏସି ଓ  ଫାଇଭ୍‍ ଟି  ନୂଆ  ମ୍ୟୁନିସିପାଲିଟି  ଗଠନ ବିଷୟ  ଘୋଷଣା  କରିଥିଲେ।