Diwali Fire Accidcent: ଦୀପାବଳିରେ ଅଘଟଣ, ରାଜ୍ୟରେ ଭିଭିନ୍ନ ସ୍ଥାନରେ ବାଣରୁ ନିଆଁ ଲାଗି ଦୁର୍ଘଟଣା..

Diwali Fire Accidcent: ସମ୍ବଲପୁର କ୍ଷେତରାଜପୁର ସ୍ଥିତ ଶ୍ୟାମ ବାଟିକାରେ ଅଗ୍ନିକାଣ୍ଡ। ଦୀପାବଳି ଅବସରରେ ଏହି ଅଗ୍ନିକାଣ୍ଡ ହୋଇଥିବା ସୂଚନା ମିଳିଛି।ଶ୍ୟାମ ବାଟିକାର ତୃତୀୟ ମହଲାରେ ଏହି ଅଗ୍ନିକାଣ୍ଡ ହୋଇଥିବା ଜଣାପଡିଛି। ଗତକାଲି ଦୀପାବଳୀ ଅବସରରେ ରାତି ପ୍ରାୟ ୧୦ଟା ପାଖାପାଖି ଶ୍ୟାମ ବାଟିକାର ତୃତୀୟ ମହଲାରେ ରକେଟ ବାଣ ଝରକା ପଟୁ ପଶି ଯାଇ ଏହି ଅଗ୍ନିକାଣ୍ଡ ଘଟିଛି।ତେବେ ସେଠାରେ କିଛି କାଗଜର କାର୍ଡ ବୋର୍ଡ ରହିଥିଲା |ସେଥିରେ ନିଆଁ ଲାଗି ଯାଇଥିବା କାରଣରୁ ଭୟଙ୍କର ଅଗ୍ନିକାଣ୍ଡ ହୋଇଥିଲା।

ତେବେ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ନିଆଁ ଆୟତ କରିଛି। ନିଆଁକୁ ଆୟତ କରିବା ପାଇଁ ପ୍ରଥମେ ଦୁଇଟି ଦମକଳ ଗାଡି ପହଞ୍ଚିଥିଲା ମାତ୍ର ନିଆଁ ଅଣାୟତ୍ତ ହେବାରୁ ପୁଣି ଆଉ ତିନୋଟି ଦମକଳ ଗାଡି ପହଞ୍ଚି ନିଆଁକୁ ଆୟତ କରିଥାଲା। ୫ଟି ଦମକଳ ଗାଡି ପହଞ୍ଚିବା ପରେ ନିଆଁକୁ ଆୟତ କରାଯାଇଥିଲା। ପାଖାପାଖି ରାତି ପ୍ରାୟ ସାଢେ ୧୨ରେ ନିଆଁ ଲିଭା କାର୍ଯ୍ୟ ଶେଷ ହୋଇଥିଲା।ଏହି ଅଗନିକାଣ୍ଡରେ କେହି ମୃତାହତ ହୋଇ ନ ଥିବା ଜଣାପଡ଼ିଛି। ସମ୍ବଲପୁର ଅଗ୍ନିଶମ ବିଭାଗର ୨୦ ଜଣ ଅଧିକାରୀ ଓ କର୍ମଚାରୀ ଏଥିରେ ସାମିଲ ହୋଇ ନିଆଁକୁ ଆୟତ କରିଛନ୍ତି।

ସେପଟେ କଟକ ହାତିପୋଖରୀ ଅଞ୍ଚଳରେ ବାଣ ନିଆଁ ପଡିବାରୁ ଏକ ଚାଳଘର ଜଳିଯାଇଥିବା ସୂଚନା ମିଳିଛି । ଖବର ପାଇ ନିଆଁ ଲିଭାଇବା ପାଇଁ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଛନ୍ତି।ସେପଟେ ଭଦ୍ରକରେ(Bhadrak) ବାଣ ବିସ୍ଫୋରଣରେ ୫ ଶିଶୁ ଗୁରୁତର ହୋଇଥିବା ଜଣାପଡ଼ିଛି। ଢେଙ୍କାନାଳ ସଦର ବ୍ଲକ ଠେଙ୍ଗିଆ ସାହିରେ ବାଣ ପଡ଼ି ଚାଳ ଘର ଜଳି ଯାଇଛି।ସେହିପରି ଭୁବନେଶ୍ୱରର ବରମୁଣ୍ଡା(Baramunda), ସାମନ୍ତରାପୁର, ଟଙ୍କପାଣି ରୋଡ୍ , ବାଲିପାଟଣା, ଯଦୁପୁରରେ ବାଣ ଫୁଟି ଅନେକ ଲୋକ ଆହତ ହୋଇଛନ୍ତି । କ୍ୟାପିଟାଲ ହସ୍ପିଟାଲରେ ୧୦୦ରୁ ଅଧିକ ଆହତ ଚିକିତ୍ସା ପାଇଁ ଭର୍ତ୍ତି ହୋଇଥିବା ଜଣାପଡ଼ିଛି।