Illigal cow transport: ଗୋରୁ ଚାଲାଣ ବେଳେ ଗାଡ଼ି ଜାଳି ଦେଲେ ଲୋକେ..

Balasore: ବାଲେଶ୍ୱରର(Balasore) କମର୍ଦ୍ଦା  ଅଭିମୁଖେ ଯାଉଥିବା ୩ଟି ଗୋରୁ ଚାଲାଣ ଗାଡ଼ିକୁ ଜାଳିଦେଇଛନ୍ତି ଉତ୍ୟକ୍ତ ଲୋକେ । ରାତି ପ୍ରାୟ ୨:୩୦ ବେଳେ ଏପରି ଘଟଣା ଘଟିଥିବା ଜଣାପଡ଼ିଛି। ବାଲେଶ୍ୱର ଅଞ୍ଚଳରୁ ଏପରି ବାରମ୍ବାର ଗୋରୁଚାଲାଣ ହେଉଥିବା ବେଳେ ଗତ କାଲି ରାତିରେ ଗ୍ରାମବାସୀ ଏକତ୍ର ହୋଇ ଗୋରୁ ଗାଡ଼ି ଜାଳି ଦେଇଛନ୍ତି।ଗାଡ଼ିରୁ ପ୍ରଥମେ ଗୋରୁଙ୍କୁ ମୁକ୍ତ କରିବା ପରେ ଗାଡ଼ି ଚାଳକ ଓ ହେଲପରଙ୍କୁ ବାନ୍ଧି ଗାଡ଼ିରେ ନିଆଁ ଲଗାଯାଇଥିବା ନାମ୍ଫୋ ଫାଣ୍ଡିରେ ଅଭିଯୋଗ ହୋଇଛି।  ଏ ନେଇ ପୁଲିସ ଏକ ମାମଲା  ରୁଜୁ କରି ତଦନ୍ତ କରୁଛି।

ବାଲେଶ୍ଵର ଜିଲ୍ଲା କମର୍ଦ୍ଦା-ବାଲିଆପାଳ ରାସ୍ତାର ବାଇଗଣବାଡିଆ ଉଲୁଡା ମଝି ସ୍ଥାନରେ ଏହି ଘଟଣା ଘଟିଥିବା ଦେଖିବାକୁ ମିଲିଚି। ଏଥିରେ ୩ ଟି ପିକପ୍ ଗାଡ଼ି ପ୍ରଭାବିତ ହୋଇଛି। ତିନିଟା ବେଳେ ଦମକଳ ବାହିନୀ ଦୁର୍ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି। ବନ୍ଧା ଅବସ୍ଥାରେ ଥିବା ଡ୍ରାଇଭର ଓ ହେଲପରଙ୍କୁ ମଧ୍ୟ ଉଦ୍ଧାର କରିଛି ପୁଲିସ । 

ମିଳିଥିବା ସୂଚନା ଅନୁସାରେ ଏଠାରେ ଗୋରୁ ଚାଲାଣକୁ ନେଇ ଗଲା କିଛି ଦିନ ହେଲା ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଥିଲା। ସମର୍ଥକ ଓ ବିପକ୍ଷଙ୍କ ମଧ୍ୟରେ ଝଗଡ଼ା ମଧ୍ୟ ହୋଇଥିଲା। ହେଲା ସ୍ଥାନୀୟ ପୁଲିସ ଏ ବାବଦରେ କୌଣସି ହସ୍ତକ୍ଷେପ ନ କରିବାରୁ ଆଜି ଏପରି ଅଘଟଣ ଘଟିଥିବା ଅଭିଯୋଗ ହୋଇଛି। ଏବେ ଏହି ଘଟଣା ସ୍ଥାନୀୟ ପୁଲିସ ପାଇଁ ବି ମୁଣ୍ଡବିନ୍ଧାର କାରଣ ପାଲଟିଛି।