Road Accident Case: ରାଜ୍ୟରେ କମିଛି ସଡ଼କ ଦୁର୍ଘଟଣା

Road Accident Case: ସଡକ ସୁରକ୍ଷା ଯୁଗ୍ମ କମିଶନର ଶ୍ରୀ ପି କେ ମହାନ୍ତି କହିଛନ୍ତି ଯେ, ଓଡ଼ିଶା ପୋଲିସର ସହଯୋଗରେ ପରିବହନ ବିଭାଗ ପ୍ରତ୍ୟେକ ମଙ୍ଗଳବାର ଦିନ ଟ୍ରାଫିକ ନିୟମ ଉଲ୍ଲଂଘନ ବିରୁଦ୍ଧରେ ଶୂନ୍ୟ ସହନଶୀଳତା ଦିବସ ପାଳନ କରୁଛି ।

Road Accident Case: କଟକ:  ୨୦୨୨ ର ଦ୍ୱିତୀୟ କ୍ୱାଟର ତୁଳନାରେ ୨୦୨୩ର ଦ୍ୱିତୀୟ କ୍ୱାଟରରେ ଓଡ଼ିଶାରେ ସଡକ ଦୁର୍ଘଟଣା ଯଥେଷ୍ଟ ହ୍ରାସ ପାଇଛି । ରିପୋର୍ଟ ଅନୁସାରେ ସଡକ ଦୁର୍ଘଟଣା ୭.୫୬ ପ୍ରତିଶତ ହ୍ରାସ ପାଇଥିବାବେଳେ ମୃତ୍ୟୁହାର ୬.୨୪ ପ୍ରତିଶତ କମ ହୋଇଛି । ରାଜ୍ୟ ଦ୍ୱିତୀୟ କ୍ୱାଟରରେ ୨୮୯୭ଟି ସଡ଼କ ଦୁର୍ଘଟଣା ରେକର୍ଡ ହୋଇଛି । ଯେଉଁଥିରେ ଦ୍ୱିତୀୟ କ୍ୱାଟରରେ ୧୩୯୭ ଜଣଙ୍କର ମୃତ୍ୟୁ ଘଟିଥିବାବେଳେ ପୂର୍ବ ବର୍ଷର ଦ୍ୱିତୀୟ ତ୍ରୈମାସକ ୩୧୩୪ ଦୁର୍ଘଟଣା ଏବଂ ୧୪୯୦ ମୃତ୍ୟୁ ପଞ୍ଜିକୃତ (Registered) ହୋଇଛି । ଚଳିତ ବର୍ଷର ଦ୍ୱିତୀୟ ତ୍ରୈମାସିକରେ ମୋଟ ୨୫୭୨ ଜଣ ଆହତ ହୋଇଥିଲେ । ୨୦୨୨ ମସିହାରେ ସମାନ ସମୟ ମଧ୍ୟରେ ୨୮୭୧ ଜଣ ଆହତ ହୋଇଥିଲେ।

ସଡକ ସୁରକ୍ଷା ଯୁଗ୍ମ କମିଶନର ଶ୍ରୀ ପି କେ ମହାନ୍ତି କହିଛନ୍ତି ଯେ, ଓଡ଼ିଶା ପୋଲିସ (Odisha police)ର ସହଯୋଗରେ ପରିବହନ ବିଭାଗ ପ୍ରତ୍ୟେକ ମଙ୍ଗଳବାର ଦିନ ଟ୍ରାଫିକ ନିୟମ ଉଲ୍ଲଂଘନ (Violation of traffic rules) ବିରୁଦ୍ଧରେ ଶୂନ୍ୟ ସହନଶୀଳତା ଦିବସ ପାଳନ କରୁଛି । ସାରା ରାଜ୍ୟରେ ସଡକ ସୁରକ୍ଷା ନିୟମକୁ କଡାକଡି ଲାଗୁ କରାଯିବା କାରଣରୁ ସଡକ ଦୁର୍ଘଟଣା ଏବଂ ମୃତ୍ୟୁହାରରେ ନକାରାତ୍ମକ ଅଭିବୃଦ୍ଧି ହାସଲ କରାଯାଇଛି । ଏହା ଉଲ୍ଲେଖଯୋଗ୍ୟ ଯେ, ଏପ୍ରିଲ ୧ ରୁ ୭ ତାରିଖ ପର୍ଯ୍ୟନ୍ତ ଏକ ଜିରୋ ଫ୍ୟାଟିଲିଟି ସପ୍ତାହ (Zero Fatality Week) ପାଳନ କରାଯାଇଥିଲା। ସଡକ ଦୁର୍ଘଟଣାର ମୃତ୍ୟୁ ସଂଖ୍ୟାକୁ ହ୍ରାସ (Reducing number of deaths) କରିବା ପାଇଁ ଅଭିଯାନ ।

ଗତ ବର୍ଷର ସମାନ ସମୟ ତୁଳନାରେ ଜିରୋ ଫ୍ୟାଟିଲିଟି ସପ୍ତାହରେ ଦୁର୍ଘଟଣାରେ ୩୩.୧୫ ପ୍ରତିସତ ହ୍ରାସ ଏବଂ ମୃତ୍ୟୁ ହାରରେ ୧୫ ପ୍ରତିଶତ ହ୍ରାସ ଘଟିଛି । ପିକେ ମହାନ୍ତି ଏକଥା ମଧ୍ୟ କହିଛନ୍ତି, ଜନସାଧାରଣଙ୍କୁ ସଚେତନ କରିବା ହେଉଛି ସଡ଼କ ସୁରକ୍ଷାର ଦାୟିତ୍ୱ ।
କାର୍ଯ୍ୟକାରୀ, ଶିକ୍ଷା, ସଡକ ଇଞ୍ଜିନିୟରିଂରେ ଉନ୍ନତି ଏବଂ ଜରୁରୀକାଳୀନ ଚିକିତ୍ସା (Emergency treatment) ମାଧ୍ୟମରେ ରାସ୍ତାକୁ ସୁରକ୍ଷିତ କରିବା ପାଇଁ ଓଡ଼ିଶା ସ୍ୱତନ୍ତ୍ର ରଣନୀତି ଆପଣେଇଛି ।