ପଳାଶୁଣି ଛକରେ ପୁଣି ଦୁର୍ଘଟଣା, ମହିଳାଙ୍କ ଉପରେ ମାଡିଗଲା ଟ୍ରକ
Road accident at palasuni: ସେପଟେ ମହିଳାଙ୍କ ମୃତ୍ୟୁ ପରେ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ତେଜନା ଦେଖା ଦେଇଥିଲା। ବାରମ୍ବାର ଦାବି ପରେ ବି ପଳାଶୁଣି ଛକରେ ଫୁଟ୍ ଓଭରବ୍ରିଜ୍ ନିର୍ମାଣ ହେଉନାହିଁ। ଯେଉଁଥି ପାଇଁ ବାରମ୍ବାର ଏପରି ଦୁର୍ଘଟଣା ଘଟୁଛି। ତେଣୁ ଯଥାଶୀଘ୍ର ଏଠାରେ ଏକ ଫୁଟ୍ ଓଭରବ୍ରିଜ୍ କରିବାକୁ ଦାବି କରିଛନ୍ତି।
ଭୁବନେଶ୍ଵର: ରାଜଧାନୀରେ ଦୁର୍ଘଟଣା କମିବାର ନାଁ ଧରୁନି। ଆଜି ଭୁବନେଶ୍ୱର ପଳାଶୁଣି ଛକରେ ପୁଣି ଦୁର୍ଘଟଣା ଘଟି ପ୍ରାଣ ଯାଇଛି। ଟ୍ରକ ଧକ୍କାରେ ଚାଲିଯାଉଛି ଜଣେ ମହିଳାଙ୍କ ଜୀବନ। ମହିଳାଙ୍କ ମୃତ୍ୟୁ ପରେ ପଳାଶୁଣି ଛକରେ ଉତ୍ତେଜନା ଦେଖାଦେଇଛି।
ସୂଚନାଯୋଗ୍ୟ ଯେ, ଆଜି ସକାଳେ ଜଣେ ମହିଳା ରାସ୍ତା ପାର୍ ହେଉଥିଲେ। ଏହି ସମୟରେ ଏକ ଦ୍ରୁତଗାମୀ ଟ୍ରକ୍ ଆସି ମହିଳାଙ୍କୁ ଧକ୍କା ଦେଇଥିଲା। ଫଳରେ ମହିଳା ଜଣଙ୍କ ଘଟଣାସ୍ଥଳରେ ପଡି ଯାଇଥିଲେ। ଟ୍ରକଟି ମହିଳାଙ୍କ ଉପରେ ସିଧା ଚଢ଼ି ଯାଇଥିଲା। ସ୍ଥାନୀୟ ଲୋକ ଆମ୍ବୁଲାନ୍ସକୁ ଫୋନ୍ କରିଥିଲେ। ହେଲେ ଆମ୍ବୁଲାନ୍ସ ଆସିବାରେ ବିଳମ୍ବ ହୋଇଥିଲା। ଯାହାଫଳରେ ମହିଳାଙ୍କ ଘଟଣାସ୍ଥଳରେ ହିଁ ମୃତ୍ୟୁ ହୋଇଥିଲା। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଟ୍ରାଫିକ ନିୟନ୍ତ୍ରଣ କରିଥିଲା।
ସେପଟେ ମହିଳାଙ୍କ ମୃତ୍ୟୁ ପରେ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ତେଜନା ଦେଖା ଦେଇଥିଲା। ବାରମ୍ବାର ଦାବି ପରେ ବି ପଳାଶୁଣି ଛକରେ ଫୁଟ୍ ଓଭରବ୍ରିଜ୍ ନିର୍ମାଣ ହେଉନାହିଁ। ଯେଉଁଥି ପାଇଁ ବାରମ୍ବାର ଏପରି ଦୁର୍ଘଟଣା ଘଟୁଛି। ତେଣୁ ଯଥାଶୀଘ୍ର ଏଠାରେ ଏକ ଫୁଟ୍ ଓଭରବ୍ରିଜ୍ କରିବାକୁ ଦାବି କରିଛନ୍ତି।