Puri News: ରଥଖଳାରୁ... ଆଜି ଅଖ ସହ ଲାଗି ହେବ ଚକ, ଦେଖନ୍ତୁ କିଛି ସୁନ୍ଦର ଫଟୋ

ଅକ୍ଷୟ ତୃତୀୟା ଠାରୁ ରଥକାମ ଆରମ୍ଭ ହୋଇଛି । 

ରଥଖଳାରେ ରଥ ନିର୍ମାଣ କାମ ଜାରି ରହିଛି । ଏନେଇ ଚଳଚଞ୍ଚଳ ରଥଖଳା ।

ରଥଖଳା ଠାରେ ଗୁଜରେ ରୂପ ଖୋଦେଇ କାର୍ଯ୍ୟ ଆଗେଇ ଚାଲିଥିବା ବେଳେ ଦୋଳବେଦୀ ଅସ୍ଥାୟୀ କମାର ଶାଳ ଠାରେ ଅର କଣ୍ଟା, ତୁମ୍ବର ବାହ୍ୟ ବଳା ଏବଂ ପନ୍ଦାରି ଚାବି ନିର୍ମାଣ ଜାରି ରଖିଛନ୍ତି ।

ଏଥି ସହ ଆଜି ତିନି ରଥର ୫ଟି ଲେଖାଏଁ ଚକ ନିର୍ମାଣ ମଧ୍ୟ ଶେଷ ହେବାକୁ ଯାଉଅଛି ।

ଚଳିତ ମାସ ୨୯ ତାରିଖ ଦିନ ପବିତ୍ର ଭଉଁରୀ ତିଥିରେ ଚକ ସହିତ ଅଖ ସଂଯୋଗ ହେବ। 

ଏଥି ପାଇଁ ତିନି ରଥର ଗୋଟିଏ ଲେଖାଏଁ ନାହାକା ଅଖର ଅନୁକୂଳ ପୂଜା ସମ୍ପନ୍ନ ହେବା ସହ ଅଖର ଉଭୟ ପାର୍ଶ୍ଵ ଗୋଲେଇ କାର୍ଯ୍ୟ ଶେଷ ହୋଇଛି ।

ସେପଟେ, ରବିବାର ବାହାର ଚନ୍ଦନ ଯାତ୍ରାର ସପ୍ତଦଶ ଦିବସ ଥିଲା ।

ଏ ଅବସରରେ ନରେନ୍ଦ୍ର ପୁଷ୍କରିଣୀ ଓ ଚନ୍ଦନ ମଣ୍ଡପଠାରେ ବିଭିନ୍ନ ନୀତିକାନ୍ତି ଅନୁଷ୍ଠିତ ହୋଇଛି। 

ତେବେ, ମହାପ୍ରଭୁଙ୍କ ଏହି ନୀତିକାନ୍ତି ଦେଖିବାକୁ ହଜାର ହଜାର ଭକ୍ତଙ୍କ ଭିଡ଼ ଲାଗିଥିଲା।

ଭକ୍ତିମୟ ହୋଇପଡି଼ଥିଲା ପୂରା ପରିବେଶ।