Odisha Politics: ନିର୍ବାଚନ ଜିତିବାକୁ ଜୋରସୋରରେ ଲାଗିଛି କଂଗ୍ରେସ, ଆଜି ଓଡ଼ିଶାରେ ରାହୁଲ ଗାନ୍ଧୀଙ୍କ ଭାରତ ଯୋଡ଼ ନ୍ଯାୟ ଯାତ୍ରା
Odisha Politics: ଆଗକୁ ରାଜ୍ୟରେ ଅଛି ବିଧାନସଭା ନିର୍ବାଚନ। ଏ ନେଇ ଏବେ ଠୁ ପ୍ରସ୍ତୁତ ହେଲେଣି ବିଭିନ୍ନ ରାଜନୈତିକ ଦଳ। ଭୋଟରମାନଙ୍କୁ ଆକୃଷ୍ଟ କରିବା ପାଇଁ ବିଭିନ୍ନ ଦଳ ଏବେ ନିଜ ନିଜର ଏଜେଣ୍ଡା ନେଇ ଲୋକଙ୍କ ସହ ଯୋଡ଼ି ହେବାରେ ଲାଗିଛନ୍ତି। ତୃଣ ମୂଳ ସ୍ତରରୁ ନିଜ ଦଳ ଓ ନେତାଙ୍କ ଲୋକପ୍ରିୟତା ବଢ଼ାଇବା ପାଇଁ କର୍ମୀମାନେ ଯଥା ସମ୍ଭବ ପ୍ରୟାସ ଚଳାଇବାରେ ଲାଗିଛନ୍ତି।
Odisha Politics: ଆଗକୁ ରାଜ୍ୟରେ ଅଛି ବିଧାନସଭା ନିର୍ବାଚନ। ଏ ନେଇ ଏବେ ଠୁ ପ୍ରସ୍ତୁତ ହେଲେଣି ବିଭିନ୍ନ ରାଜନୈତିକ ଦଳ। ଭୋଟରମାନଙ୍କୁ ଆକୃଷ୍ଟ କରିବା ପାଇଁ ବିଭିନ୍ନ ଦଳ ଏବେ ନିଜ ନିଜର ଏଜେଣ୍ଡା ନେଇ ଲୋକଙ୍କ ସହ ଯୋଡ଼ି ହେବାରେ ଲାଗିଛନ୍ତି। ତୃଣ ମୂଳ ସ୍ତରରୁ ନିଜ ଦଳ ଓ ନେତାଙ୍କ ଲୋକପ୍ରିୟତା ବଢ଼ାଇବା ପାଇଁ କର୍ମୀମାନେ ଯଥା ସମ୍ଭବ ପ୍ରୟାସ ଚଳାଇବାରେ ଲାଗିଛନ୍ତି।
ସେପଟେ ଭାରତ ଯୋଡ ନ୍ୟାୟ ଯାତ୍ରାରେ ଯୋଗ ଦେବା ପାଇଁ ରାହୁଲ ଗାନ୍ଧୀ ଆଜି ସୁନ୍ଦରଗଡ଼ ଜିଲ୍ଲା ଗସ୍ତରେ ଆସୁଛନ୍ତି। ଆଉ କିଛି ସମୟ ପରେ ଝାଡ଼ଖଣ୍ଡ ଓଡିଶା ସୀମାନ୍ତ ବିରମିତ୍ରପୁରରେ ପହଞ୍ଚିବେ ରାହୁଲ ଗାନ୍ଧୀ। ସୁନ୍ଦରଗଡ଼ ଜିଲ୍ଲାର ବିଜାବାହାଲ ରାମପାଲ ଗ୍ରାମରେ ଆଜି ରାତ୍ରି ଯାପନ କରିବେ। ଆସନ୍ତାକାଲି ରାଉରକେଲା ସହରର ଉଦିତନଗର ଠାରୁ ପାନପୋଷ ଛକ ପର୍ଯ୍ୟନ୍ତ ପଦଯାତ୍ରା କରିବା ସହ ପାନପୋଷ ଛକଠାରେ ସାଧାରଣ ସଭା କରିବେ। ଆସନ୍ତାକାଲି ରାଉରକେଲା ସହରରୁ ରାଜଗାଙ୍ଗପୁର, କୁତ୍ରା ଦେଇ ସୁନ୍ଦରଗଡ଼ ଗସ୍ତ କରିବେ। ଆସନ୍ତାକାଲି ରାତିରେ ଝାରସୁଗୁଡ଼ା ଅମଲିପାଲି ପଡ଼ିଆରେ ରାତ୍ରୀ ଯାପନ କରିବା ପରେ ଆସନ୍ତା ୮ ତାରିଖ ଝାରସୁଗୁଡ଼ା ପୁରୁଣା ବସଷ୍ଟାଣ୍ଡ ମହାତ୍ମା ଗାନ୍ଧି ଛକ ନିକଟରୁ ଯାତ୍ରା ଆରମ୍ଭ କରିବେ। ଅପରାହ୍ଣରେ ରାହୁଲ ଗାନ୍ଧୀ ଛତିଶଗଡ଼ ଅଭିମୁଖେ ଯାତ୍ରା କରିବାର କାର୍ଯକ୍ରମ ରହିଛି।