Thalpati Bijaya:


COMMERCIAL BREAK
SCROLL TO CONTINUE READING

MG ରାମଚନ୍ଦ୍ରନ, ଶିବାଜୀ ଗଣେଶନ ଏବଂ ଜୟଲଳିତାଙ୍କଠାରୁ କମଲ ହାସନ, ଏହି ସବୁ ଦକ୍ଷୀଣି ଅଭିନେତାଙ୍କ ମଧ୍ଯରେ ସମାନତା ହେଉଛି ଯେ, ଏମାନେ ଫିଲ୍ମରୁ ରାଜନୀତିକୁ ଆସିଛନ୍ତି ।ଏହିକ୍ରମରେ ଏବେ ସପୁରଷ୍ଟାର ଥାଲାପତୀ ବିଜୟ ରାଜନୀତିରେ ପ୍ରବେଶ କରିପାରନ୍ତି। ଏଥିପାଇଁ ସେ ଏକ ରାଜନୈତିକ ଦଳ ଆରମ୍ଭ କରିବାକୁ ପ୍ରସ୍ତୁତି ଆରମ୍ଭ କରିସାରିଲେଣି । ଖୁବଶୀଘ୍ର ନିର୍ବାଚନ ଆୟୋଗରେ ଯାହା ପଞ୍ଜୀକୃତ ହେବ। ଗଣମାଧ୍ୟମ ରିପୋର୍ଟରେ କୁହାଯାଇଛି ଯେ ବିଜୟଙ୍କ ରାଜନୈତିକ ଦଳର ରୂପ ସ୍ଥିର ହୋଇଛି। ପଞ୍ଜୀକରଣ ପୂର୍ବରୁ ଦଳର ଏକ ସାଧାରଣ ପରିଷଦ ବୈଠକ ମଧ୍ୟ ଅନୁଷ୍ଠିତ ହୋଇଥିଲା ଯେଉଁଥିରେ 200 ସଦସ୍ୟ ଅଂଶଗ୍ରହଣ କରିଥିଲେ।


ଏଠାରେ ଏକ ପ୍ରଶ୍ନ ଉଠିପାରେ ଯେ ଏକ ରାଜନୈତିକ ଦଳ କିପରି ଗଠିତ ହୁଏ । ଆସନ୍ତୁ ଜାଣିବା ଭାରତରେ କେତେ ପ୍ରକାରର ରାଜନୈତିକ ଦଳ ଅଛନ୍ତି, କିପରି ରାଜନୈତିକ ଦଳ ଗୁଡି଼କ ପଞ୍ଜିକୃତ ହୁଅନ୍ତି ଏବଂ କିପରି ସେମାନଙ୍କୁ ନିର୍ବାଚନୀ ପ୍ରତୀକ ମିଳିଥାଏ ।


ଭାରତରେ କେତେ ପ୍ରକାରର ରାଜନୈତିକ ଦଳ ରହିଛନ୍ତି ?


ଭାରତରେ ତିନି ପ୍ରକାରର ରାଜନୈତିକ ଦଳ ଅଛନ୍ତି। ଗୋଟିଏ ହେଉଛି ଜାତୀୟ ଦଳ, ତା’ପରେ ରାଜ୍ୟ ସ୍ତରୀୟ ଦଳ ଯାହାକୁ ଆଞ୍ଚଳିକ ଦଳ ବୋଲି ମଧ୍ୟ କୁହାଯାଏ ଏବଂ ତୃତୀୟଟି ହେଉଛି ଅଣ-ମାନ୍ୟତା ପ୍ରାପ୍ତ ଦଳ। ତେବେ ଅଣ-ମାନ୍ୟତା ପ୍ରାପ୍ତ ଦଳଗୁଡିକ ମଧ୍ୟ ନିର୍ବାଚନ ଆୟୋଗରେ ପଞ୍ଜିକୃତ ହୋଇଛନ୍ତି। ବର୍ତ୍ତମାନ ଭାରତରେ ୭ ଜାତୀୟ ରାଜନୈତିକ ଦଳ ଅଛନ୍ତି। ରାଜ୍ୟ ସ୍ତରୀୟ ଦଳଙ୍କ ସଂଖ୍ୟା 58 ଥିବାବେଳେ 1786ଟି ଅଣ-ମାନ୍ୟତା ପ୍ରାପ୍ତ  ଦଳ ଅଛନ୍ତି। | ନିର୍ବାଚନରେ ମିଳିଥିବା ଭୋଟ୍ ପ୍ରତିଶତ ଓ ଆସନ ସଂଖ୍ୟା  ଆଧାରରେ ରାଜନୈତିକ ଦଳମାନେ ରାଜ୍ୟ ସ୍ତରୀୟ କିମ୍ବା ଜାତୀୟ ଦଳର ମାନ୍ୟତା ପାଆନ୍ତି।


ନିର୍ବାଚନ ଆୟୋଗ ୱେବସାଇଟରେ ଏହି ଫର୍ମ ପୂରଣ କରିବାକୁ ପଡିବ


ଭାରତରେ ଏକ ନୂତନ ରାଜନୈତିକ ଦଳ ଗଠନ କେମିତି କରାଯାଇ ପାରିବେ ସେ ବାବଦରେ ସମ୍ପୂର୍ଣ୍ଣ ପ୍ରକ୍ରିୟା ଭାରତର ନିର୍ବାଚନ ଆୟୋଗର ୱେବସାଇଟରେ ବର୍ଣ୍ଣନା କରାଯାଇଛି। ଦେଶରେ ରାଜନୈତିକ ଦଳ ଗଠନ ପାଇଁ ବ୍ୟବସ୍ଥା ଲୋକ ପ୍ରତିନିଧୀ ଅଧିନିୟମ 1951 ରେ କରାଯାଇଛି। ନିର୍ବାଚନ ଆୟୋଗର ୱେବସାଇଟରେ ଦିଆଯାଇଥିବା ସୂଚନା ଅନୁଯାୟୀ ଏକ ରାଜନୈତିକ ଦଳ ଗଠନ କରିବାକୁ ଯେକୌଣସି ବ୍ୟକ୍ତିଙ୍କୁ ପ୍ରଥମେ ୱେବସାଇଟରେ ଦିଆଯାଇଥିବା ଫର୍ମ ପୂରଣ କରିବାକୁ ପଡିବ। ତା’ପରେ ଏହାର ଏକ ପ୍ରିଣ୍ଟଆଉଟ୍ ନେବାକୁ ପଡିବ ଏବଂ ଅବଶିଷ୍ଟ ଜିନିଷଗୁଡିକ ପୂରଣ କରି 30 ଦିନ ମଧ୍ୟରେ ନିର୍ବାଚନ ଆୟୋଗଙ୍କ ନିକଟକୁ ପଠାଇବାକୁ ପଡିବ । ଏହା ସହିତ 10,000 ଟଙ୍କା ମଧ୍ୟ ପ୍ରୋସେସିଂ ଫି ଭାବରେ ଜମା କରିବାକୁ ପଡିବ ।


ପଞ୍ଜୀକରଣ ପୂର୍ବରୁ ଜରୁରୀ ପାର୍ଟି ସମ୍ବିଧାନ


ଏହି ପ୍ରକ୍ରିୟା ପୂର୍ବରୁ ଦଳର ପ୍ରତିଷ୍ଠାତା ବ୍ୟକ୍ତିଙ୍କୁ ତାଙ୍କ ରାଜନୈତିକ ଦଳର ସମ୍ବିଧାନ ପ୍ରସ୍ତୁତ କରିବାକୁ ପଡିବ। ଏଥିରେ ଦଳର ନାମ ଏବଂ ଦଳର କାର୍ଯ୍ୟ ପ୍ରଣାଳୀ ବିଷୟରେ ଉଲ୍ଲେଖ କରିବାକୁ ପଡିବ। ଏହି ସମ୍ବିଧାନରେ ଦଳର ସମସ୍ତ ନିୟମ ବିଷୟରେ ସୂଚନା ଦେବାକୁ ପଡିବ ଯେପରିକି ଦଳର ସଭାପତି କିପରି ନିର୍ବାଚିତ ହେବେ ଇତ୍ୟାଦି। ଏଥିରେ ସ୍ପଷ୍ଟ ଭାବେ ଉଲ୍ଲେଖ କରାଯାଇଛି ଯେ ରାଜନୈତିକ ଦଳ ଭାରତର ସମ୍ବିଧାନ, ସମାଜବାଦ, ଧର୍ମନିରପେକ୍ଷତା ଏବଂ ଗଣତନ୍ତ୍ର ପ୍ରତି ନିଜ ବିଶ୍ୱାସ ଏବଂ ଆସ୍ଥା ଘୋଷଣା କରିବାକୁ ପଡ଼ିବ ।


ଅତିକମରେ ଶହେ ସଦସ୍ୟ ଜରୁରୀ


ଏହା ସହିତ ଦଳ ଗଠନ କରିବା ପୂର୍ବରୁ ସଭାପତି ଇତ୍ୟାଦି ଗୁରୁତ୍ୱପୂର୍ଣ୍ଣ ଅଧିକାରୀ, କାର୍ଯ୍ୟନିର୍ବାହୀ କମିଟି ଏବଂ କାର୍ଯ୍ୟନିର୍ବାହୀ ପରିଷଦ ବିଷୟରେ ସୂଚନା ଦେବାକୁ ପଡ଼ିବ। ଏହି ଦଳର ସଭାପତିଙ୍କ ଦସ୍ତଖତ ଏବଂ ସିଲ୍ ମଧ୍ୟ ସମ୍ବିଧାନର କପି ଉପରେ ରହିବା ଆବଶ୍ୟକ । ଦଳର ବ୍ୟାଙ୍କ ଆକାଉଣ୍ଟ ସୂଚନା ମଧ୍ୟ ଦେବାକୁ ପଡିବ। ଗୋଟିଏ ରାଜନୈତିକ  ଦଳ ପ୍ରତିଷ୍ଠା କରିବାକୁ, ଏଥିରେ ଅତି କମରେ ଶହେ ସଦସ୍ୟ ରହିବା ଆବଶ୍ୟକ । ଏହି ସଦସ୍ୟମାନେ ଅନ୍ୟ କୌଣସି ରାଜନୈତିକ ଦଳ ସହିତ ଜଡିତ ହୋଇନଥିବେ । ଏଥିପାଇଁ ଏକ ଆଫିଡେଭିଟ୍ ଦେବାକୁ ପଡିବ ଯେ ନୂତନ ଦଳର କୌଣସି ସଦସ୍ୟଙ୍କର ଅନ୍ୟ କୌଣସି ଦଳ ସହିତ ସମ୍ପର୍କ ନାହିଁ ।


ଆୟୋଗ ଦିଅନ୍ତି ନିର୍ବାଚନ ପ୍ରତୀକ


ନିର୍ବାଚନ ଆୟୋଗ ରାଜନୈତିକ ଦଳମାନଙ୍କୁ ମଧ୍ୟ ନିର୍ବାଚନ ସଙ୍କେତ ଦେଇଥାଏ। ସମ୍ବିଧାନର ଧାରା 324 ନିର୍ବାଚନ ଆୟୋଗଙ୍କୁ ଏହି ଅଧିକାର ପ୍ରଦାନ କରେ । ନିର୍ବାଚନ ଆୟୋଗର ଦୁଇଟି ତାଲିକା ରହିଛି। ଗୋଟିଏ ତାଲିକାରେ ଏପରି ନିର୍ବାଚନ ସଙ୍କେତ ରହିଛି ଯାହା ପୂର୍ବ ବର୍ଷଗୁଡ଼ିକରେ ଆବଣ୍ଟିତ ହୋଇଛି ଏବଂ ଅନ୍ୟ ତାଲିକାରେ 100 ରୁ 125 ଏପରି ନିର୍ବାଚନ ସଙ୍କେତ ଅଛି ଯାହା ଏପର୍ଯ୍ୟନ୍ତ କୌଣସି ଦଳକୁ ଦିଆଯାଇ ନାହିଁ । ଏଥିମଧ୍ୟରୁ ନୂତନ ଦଳକୁ ଏକ ନିର୍ବାଚନ ପ୍ରତୀକ ବଣ୍ଟନ କରାଯାଏ । ଯଦି କୌଣସି ରାଜନୈତିକ ଦଳ ତାଙ୍କ ତରଫରୁ ଏକ ପ୍ରତୀକ ଦାବି କରନ୍ତି ଏବଂ ସେହି ପ୍ରତୀକ କାହାକୁ ଦିଆଯାଇନଥାଏ, ତେବେ ଏହା ମଧ୍ୟ ସେହି ଦଳକୁ ମିଳିପାରେ ।


ଜାତୀୟ ଦଳର ଚିହ୍ନ ସଂରକ୍ଷିତ


ଏକ ଜାତୀୟ ଦଳକୁ ଦିଆଯାଇଥିବା ନିର୍ବାଚନ ପ୍ରତୀକରେ ତା’ର ପ୍ରାର୍ଥୀ ସମଗ୍ର ଦେଶରେ ନିର୍ବାଚନ ଲଢନ୍ତି । ସେଥିପାଇଁ ନିର୍ବାଚନ ପୂର୍ବରୁ ଦଳ ନିଜ ପ୍ରାର୍ଥୀଙ୍କୁ ଟିକେଟ୍ ଦେଇଥାଏ, ଯେଉଁଥିରେ ସେମାନଙ୍କୁ ସେମାନଙ୍କର ନିର୍ବାଚନ ପ୍ରତୀକ ବ୍ୟବହାର କରିବାକୁ ଅନୁମତି ଦିଆଯାଏ । ତେଣୁ ବିଜେପି, କଂଗ୍ରେସ, ଟିଏମସି, ଏନସିପି ସମେତ ସାତୋଟି ଜାତୀୟ ରାଜନୈତିକ ଦଳର ନିର୍ବାଚନ ପ୍ରତୀକ ସଂରକ୍ଷିତ ବର୍ଗରେ ରହିଛି । ଯାହାକୁ ଅନ୍ୟ କୌଣସି ଦଳ ବ୍ୟବହାର କରି ପାରିବେ ନାହିଁ ।


ସେହିଭଳି ଆଂଚଳିକ ଦଳକୁ ମିଳିଥିବା ଦଳର ଚିହ୍ନର ଏହାର ପ୍ରାର୍ଥୀ ରାଜ୍ୟରେ ନିର୍ବାଚନ ଲଢି ପାରିବେ । ତେବେ ଆୟୋଗ ଚାହିଁଲେ ଗୋଟିଏ ପ୍ରତୀକକୁ ଦୁଇଟି ଅଲଗା ରାଜ୍ୟର ଦଳଙ୍କୁ ଦେଇ ପାରିବେ ।