Bajaj Electric Scooter: ମୋଟର ସାଇକେଲ ଦୁନିଆରେ ବଜାଜ କମ୍ପାନୀର ସ୍ୱତନ୍ତ୍ର ପରିଚୟ ରହିଛି । ବିଶେଷ କରି ୨ ଚକିଆ ଚକିଆ ସ୍କୁଟର ପାଇଁ ବଜାଜକୁ ଲୋକଙ୍କ ପ୍ରଥମ ପସନ୍ଦ ହୋଇଥାଏ । ଏହି କ୍ରମରେ ବଜାଜ କମ୍ପାନୀର ଏକ ଲୋକପ୍ରିୟ ସ୍କୁଟର ହେଉଛି ବଜାଜ ଚେଟକ ଇଲେକ୍ଟ୍ରିକ୍ । ଏହି ସ୍କୁଟରଟିକୁ ଥରେ ଫୁଲ୍ ଚାର୍ଜ (Full charge) କଲେ ଆପଣ ଏହାକୁ ନେଇ ୯୦ କିମି ପର୍ଯ୍ୟନ୍ତ ଯାତ୍ରା (travel) କରିପାରିବେ ।


COMMERCIAL BREAK
SCROLL TO CONTINUE READING

ସ୍କୁଟରରେ ରହିଛି ଶକ୍ତିଶାଳୀ ୫୦.୪ଭୋଲ୍ଟ / ୬୦.୪ ଆହା ବ୍ୟାଟେରୀ ପ୍ୟାକ୍


ସ୍ପିଡ୍ ଚାର୍ଜରରେ ବଜାଜ ଚେତକ ମାତ୍ର ୨.୭୫ ଘଣ୍ଟା ମଧ୍ୟରେ ବ୍ୟାଟେରି ଫୁଲ୍ ହୋଇଥାଏ । ଏଥିରେ ୫୦.୪ଭି  / ୬୦.୪ ଏଏଚର ଗୋଟିଏ ଶକ୍ତିଶାଳୀ ବ୍ୟାଟେରୀ (Powerful Battery) ପ୍ୟାକ୍ ଅଛି । ଏହି ସ୍କୁଟରଟିକୁ ଆପଣ ରାସ୍ତାରେ ସର୍ବାଧିକ ୬୩ କିଲୋମିଟର ବେଗରେ ଚଲାଇପାରିବେ । ଏହି ସ୍କୁଟରେ ୫୦ ହଜାର କିମି ପର୍ଯ୍ୟନ୍ତ କିମ୍ୱା ୩ ବର୍ଷର ୱାରେଣ୍ଟି ସହ ଆପଣଙ୍କୁ ମିଳିବ ।


ସ୍ମାର୍ଟଫୋନ୍ କନେକ୍ଟିଭିଟି ସହିତ ଉନ୍ନତ ଫିଚର


ଏହି ସ୍କୁଟର ଦର ବିଷୟରେ କହିବାକୁ ଗଲେ, ଏହାର ଏକ୍ସ ସୋରୁମ (Ex Showroom Price) ଦର ରହିଛି ୧.୨୨ ଲକ୍ଷ । ଅନ ରୋଡ଼ ଆପଣଙ୍କୁ ସ୍ଥାନ ହିସାବରେ ଭିନ୍ନ ଭିନ୍ନ ଚାର୍ଜ ଲାଗିବ । ଏହି ସ୍କୁଟରର ହେଡଲାଇଟ୍ ସହ ଟନିଂ ଲାଇଟ ଆପଣଙ୍କୁ ଏଲଇଡି ସିଷ୍ଟମ୍ (led system) ମିଳିବ । ଏଥି ସହ ଏହି ସ୍କୁଟରରେ ଏକ ଡିଜିଟାଲ୍ କ୍ଲଷ୍ଟର ରହିଛି । ଏଥିରେ ଆପଣ ସହଜରେ ସ୍ମାର୍ଟଫୋନ୍ କନେକ୍ଟ କରିପାରିବେ । ଏଥିରେ ଆଡଭାନ୍ସ ଟେକନୋଲୋଜି (Advance technology) ବ୍ୟବହାର କରାଯାଇଛି ।


ଏକ ଘଣ୍ଟାରେ ହେବ ୨୫ ପ୍ରତିଶତ ଚାର୍ଜ


ବଜାଜ ଚେଟକ ୪.୦୮ କିଲୋୱାଟ୍ ବ୍ରଶଲେସ ଡିସି ମୋଟର ଦ୍ୱାରା ଚାଳିତ । ଏହା ୧୬ ଏନଏମର ସର୍ବାଧିକ ଟର୍କ ସୃଷ୍ଟି କରେ । ଏଥିରେ ଏକ ଲିଥିୟମ୍-ଆଇନ୍ ବ୍ୟାଟେରୀ ପ୍ୟାକ୍ ଅଛି ଯାହା ଇକୋ ମୋଡ୍ ରେ ୧୦୮ କିଲୋମିଟର ପର୍ଯ୍ୟନ୍ତ ଚାଲିବାକୁ ସକ୍ଷମ । ଏହା ସାଧାରଣ ୫ଏ ପାୱାର୍ ସକେଟ୍ ସହିତ ପାଞ୍ଚ ଘଣ୍ଟା ମଧ୍ୟରେ ଫୁଲ୍ ଚାର୍ଜ ହୋଇପାରିବ, ମାତ୍ର ଏକ ଘଣ୍ଟା ମଧ୍ୟରେ ଏହି ସ୍କୁଟର ୨୫ ପ୍ରତିଶତ ପର୍ଯ୍ୟନ୍ତ ଚାର୍ଜ ହୋଇପାରେ ।


ଆଗରେ ଡିସ୍କ ଓ ପଛରେ ଡ୍ରମ୍ ବ୍ରେକ୍


ଏହି ସ୍କୁଟର ଆଗରେ ଏକପାଖିଆ ସସପେନ୍ସ ଓ ପଛରେ ମୋନୋଶକ୍ ସସପେନ୍ସନ୍ ରହିଛି, ଯାହା ଗାଡି଼ ଚାଳକଙ୍କୁ ଖରାପ ରାସ୍ତାରେ ଜର୍କରୁ ରକ୍ଷା କରିଥାଏ । ଏହା ଆପଣଙ୍କ ଯାତ୍ରାକୁ ଖୁବ୍ ଆରାମଦାୟକ କରିବାରେ ସାହାଯ୍ୟ କରିଥାଏ । ନିରାପତ୍ତା ପାଇଁ କମ୍ପାନୀ ଆଗ ଚକରେ ଡିସ୍କ ବ୍ରେକ୍ ଓ ଏହି ଇଭି ସ୍କୁଟରର ପଛ ଚକରେ ଡ୍ରମ୍ ବ୍ରେକ୍ କନେକ୍ସନ ଦେଇଛି । ବର୍ତ୍ତମାନର ବଜାରରେ, ଏହି ସ୍କୁଟରଟି ଆଥର ୪୫୦ଏକ୍ସ, ଟିଭିଏସ ଆଇକ୍ୟୁବ୍, ଓଲା ଏସ ୧, ସହ ହିରୋ ଭିଡା ଭି୧ ସହିତ ପ୍ରତିଦ୍ୱନ୍ଦ୍ୱିତା କରୁଛି ।


 ୯.୭ ପ୍ରତିଶତ ସୁଧ ହାର ସହିତ ମାସକୁ ୩,୬୯୨ ଟଙ୍କା କିସ୍ତି ଦେବାକୁ ପଡି଼ବ


ମାତ୍ର ୧୩ ହଜାର ଟଙ୍କା ଡାଉନ ପେମେଣ୍ଟ ଦେବା ପରେ ଏହି ଦମଦାର ସ୍କୁଟରଟିକୁ ଆପଣ ନିଜ ଘରକୁ ନେଇପାରିବେ । ଏଥିପାଇଁ ଆପଣଙ୍କୁ ୯.୭ ପ୍ରତିଶତ ସୁଧ ହାରରେ ୩ ବର୍ଷ ପାଇଁ ପ୍ରତି ମାସରେ ୩,୬୯୨ ଟଙ୍କା କିସ୍ତି ଦେବାକୁ ପଡିବ । ପ୍ରକାଶ ଥାଉ, ଡାଉନ ପେମେଣ୍ଟ୍ ଅଧିକ ଦେଲେ ଆପଣ କିସ୍ତିରେ କମ୍ ଟଙ୍କା ମଧ୍ୟ ଦେଇପାରିବେ । ଯଦି ଏହି ସ୍କୁଟରଟିକୁ ଆପଣ କିଣିବାକୁ ଚାହୁଁଛନ୍ତି ତେବେ ଅନଲାଇନରେ ଆପଣ ଏହା ବିଷୟରେ ଅଧିକ ସର୍ଚ୍ଚ କରିପାରିବେ । ନଚେତ୍ ପାଖ ବଜାଜ ଶୋ-ରୁମ ଯାଇ ଅଧିକାରୀଙ୍କ ସହ ଗାଡି଼ ଓ ଲୋନ୍ ସମ୍ପର୍କରେ କଥା ହୋଇ ନିଜର ଦ୍ୱନ୍ଦ ଦୂର କରିପାରିବେ ।