Bank Holiday: Bank Strike, ଅର୍ଥମନ୍ତ୍ରୀ ନିର୍ମଳା ସୀତାରମଣ (Nirmala Sitharaman) ୧ ଫେବୃଆରୀ ୨୦୨୩ ରେ ସାଧାରଣ ବଜେଟ୍ (Union Budget) ଉପସ୍ଥାପିତ କରିବେ । ଏହା ପୂର୍ବରୁ ବ୍ୟାଙ୍କଗୁଡିକ କ୍ରମାଗତ ଚାରି ଦିନ ବନ୍ଦ ରହିବାକୁ ଯାଉଛି । ଏହାର କାରଣ ହେଉଛି ୟୁନାଇଟେଡ୍ ଫୋରମ୍ ଅଫ୍ ବ୍ୟାଙ୍କ ୟୁନିଅନ୍ସ (UFBU) ୩୦ ଓ ୩୧ ଜାନୁଆରୀରେ ବ୍ୟାଙ୍କ କର୍ମଚାରୀଙ୍କ ଧର୍ମଘଟ (Bank Strike) କରିବାକୁ ଘୋଷଣା କରିଛି । ଏହା ବ୍ୟତୀତ ମାସର ଚତୁର୍ଥ ଶନିବାର ଓ ରବିବାର ଦିନ ମଧ୍ୟ ବ୍ୟାଙ୍କଗୁଡିକ ମଧ୍ୟ ବନ୍ଦ ରହିବ । ଏହି ଉପାୟରେ ବ୍ୟାଙ୍କଗୁଡ଼ିକ ଲଗାତାର ଚାରି ଦିନ ବନ୍ଦ ରହିବ । ଯଦି ଆପଣଙ୍କର ମଧ୍ୟ ଏହି ମାସ କିଛି ବ୍ୟାଙ୍କ ସହିତ କାମ ରହିଯାଇଛି । ତେବେ ଆପଣ ଆସନ୍ତା କାଲି ଅର୍ଥାତ ଶୁକ୍ରବାର ଦିନ ସୁଦ୍ଧା ବ୍ୟାଙ୍କ ଶାଖାକୁ ଯାଇ ନିଜର ବ୍ୟାଙ୍କ ସହ ଜଡିତ ସମସ୍ତ କାମ ସାରିନେବା ଉଚିତ୍ ।


COMMERCIAL BREAK
SCROLL TO CONTINUE READING

ଲଗାତାର ୪ ଦିନ ବ୍ୟାଙ୍କ ବନ୍ଦ ରହିବା ଯୋଗୁଁ ଗ୍ରାହକମାନେ ବହୁ ଅସୁବିଧାର ସମ୍ମୁଖୀନ ହୋଇପାରନ୍ତି । ବ୍ୟାଙ୍କ ଏଟିଏମରେ ନଗଦ ସରିଯିବା ଓ ଚେକ୍ କ୍ଲିୟରାନ୍ସ ଭଳି ସମସ୍ୟା ମଧ୍ୟ ଦେଖା ଦେଇପାରେ । ବ୍ୟାଙ୍କଗୁଡିକର ଅନଲାଇନ୍ ସେବା ଜାରି ରହିବ । UFBU ଦାବି କରିଛି ଯେ ଏହି ଧର୍ମଘଟରେ ଦେଶର ସମସ୍ତ ବ୍ୟାଙ୍କ କର୍ମଚାରୀ ମାନେ ଅଂଶଗ୍ରହଣ କରିବେ ।


UFBU ର ଦାବି ପୂରଣ ନକକରିବା ଯୋଗୁଁ ବ୍ୟାଙ୍କ କର୍ମଚାରୀମାନେ ମାନେ ସରକାରଙ୍କ ଉପରେ ଚାପ ପକାଇବାକୁ ଜାନୁଆରୀ ୩୦ ରୁ ଦୁଇ ଦିନ ଧରି ଧର୍ମଘଟ କରୁଛନ୍ତି । ପ୍ରଥମେ ଜାନୁଆରୀ ୧୩ ରେ UFBU ଏହି ଧର୍ମଘଟ କରିବାକୁ ଘୋଷଣା କରିଥିଲା ​​। ଅଲ ଇଣ୍ଡିଆ ବ୍ୟାଙ୍କ କର୍ମଚାରୀ ସଂଘ (AIBEA) କହିଛି ଯେ ସେମାନେ ଭାରତୀୟ ବ୍ୟାଙ୍କ ଆସୋସିଏସନ (IBA) କୁ ଚିଠି ମାଧ୍ୟମରେ ସେମାନଙ୍କ ଦାବି ପଠାଇଛନ୍ତି । କିନ୍ତୁ ବ୍ୟାଙ୍କ ଆସୋସିଏସନ ପକ୍ଷରୁ ଏ ସମ୍ପର୍କରେ କୌଣସି ପ୍ରତିକ୍ରିୟା ମିଳିନାହିଁ । ବର୍ତ୍ତମାନ କର୍ମଚାରୀଙ୍କ ପାଇଁ ଏକମାତ୍ର ଉପାୟ ହେଉଛି ସେମାନଙ୍କର ଦାବି ପୂରଣ କରିବା ପାଇଁ ଧର୍ମଘଟ କରିବା ।


AIBEA ସାଧାରଣ ସମ୍ପାଦକ ସିଏଚ ଭେଙ୍କଟଚଳମ କହିଛନ୍ତି ଯେ ବ୍ୟାଙ୍କ କର୍ମଚାରୀଙ୍କ ୫ଟି ଦାବି ରହିଛି । ବ୍ୟାଙ୍କ ୟୁନିଅନଗୁଡିକ ଦାବି କରିଛନ୍ତି ଯେ ବ୍ୟାଙ୍କିଂ କାର୍ଯ୍ୟ ୫ ଦିନ ପାଇଁ କରାଯାଉ । ଏହା ସହିତ ପେନସନ ମଧ୍ୟ ଅପଡେଟ ହେବା ଉଚିତ୍ । ଏହା ସହିତ, କର୍ମଚାରୀଙ୍କ ଦାବି ଅଛି ଯେ NPS ରଦ୍ଦ କରାଯାଉ । ଦରମା ବୃଦ୍ଧି ପାଇଁ ମଧ୍ୟ ଆଲୋଚନା ହେବା ଉଚିତ୍ । ଏହା ବ୍ୟତୀତ ବ୍ୟାଙ୍କ ୟୁନିଅନଗୁଡିକ ମଧ୍ୟ ସମସ୍ତ କ୍ୟାଡରରେ ନିଯୁକ୍ତି ପ୍ରକ୍ରିୟା ଆରମ୍ଭ କରିବାକୁ ଦାବି କରିଛନ୍ତି ।


ଏହା ବି ପଢ଼ନ୍ତୁ: Aadhaar Card Update: ଆଧାର କାର୍ଡ ଧାରକ ଧ୍ୟାନ ଦିଅନ୍ତୁ; UIDAI ଜାରି କଲା ନୂଆ ଆଦେଶ, କୋଟି କୋଟି ଲୋକ ହେବେ ପ୍ରଭାବିତ!