Viral Bill: ୮୮ ବର୍ଷ ତଳର ବିଲ୍ ଭାଇରାଲ୍, ୧୮ ଟଙ୍କାରେ ମିଳୁଥିଲା ସାଇକେଲ୍

Bicycle Viral Bill: ସୋସିଆଲ ମିଡିଆରେ ସେୟାର ହୋଇଥିବା ଏହି ବିଲ୍ ଉପରେ ଉପଭୋକ୍ତାମାନେ ମଧ୍ୟ ଅନେକ ମନ୍ତବ୍ୟ ଦେଉଛନ୍ତି। ଜଣେ ୟୁଜର ଲେଖିଛନ୍ତି ଯେ ବର୍ତ୍ତମାନ ଦେଶରେ କେତେ ପରିବର୍ତ୍ତନ ହୋଇଛି। ୮୮ ବର୍ଷ ତଳର ବିଲ୍ ଭାଇରାଲ ହେବା ପରେ ୟୁଜର ମାନେ ଭିନ୍ନ ଭିନ୍ନ ମତ ରଖିଛନ୍ତି।

Viral Bill: ଜଣେ ଗାଡ଼ି ଚଳାଇବା ପୂର୍ବରୁ ସାଇକେଲ ଶିଖିଥାଏ। ଆଜି ବି ଆମ ଦେଶରେ ବହୁ ଲୋକ ସାଇକେଲକୁ ବ୍ୟବହାର କରୁଛନ୍ତି । ଏହାଦ୍ୱାରା ସ୍ୱାସ୍ଥ୍ୟ ଠିକ୍ ରୁହେ। ଶରୀରରେ ରକ୍ତ ସଞ୍ଚାଳନ ମଧ୍ୟ ସାଇକେଲ ଚାଳନା ଦ୍ୱାରା ଭଲ ହୋଇଥାଏ। ହେଲେ ସମୟ ସହ ତାଳ ଦେଇ ସାଇକେଲ ର ରୂପ ରଙ୍ଗ ଏବେ ବଦଳିବାରେ ଲାଗିଛି। ସେହିପରି ସାଇକେଲର ଦାମରେ ମଧ୍ୟ ଅନେକ ପରିବର୍ତ୍ତନ ଦେଖିବାକୁ ମିଳିଛି। ତେବେ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ,ଆଜିଠୁ ଠିକ୍ ୮୮ ବର୍ଷ ତଳର ଏକ ବିଲ୍ ସୋସିଆଲ ମିଡିଆରେ ଭାଇରାଲ ହୋଇଛି। ଆଉ ଏହି ବିଲ୍ ରେ ଯେଉଁ ଟଙ୍କା ରହିଛି ତାର ଦାମ ରହିଛି ମାତ୍ର ୧୮ ଟଙ୍କା । ଆଉ ଏତିକି ଟଙ୍କାରେ ଆଜି ସାଇକେଲର ପଙ୍କଚର୍ ମଧ୍ୟ ମାରିହଉନି। ବର୍ଷ ୧୯୩୪ ରେ ସାଇକେଲ କିଣିବା ନେଇ ଏକ ବିଲ୍ ସୋସିଆଲ ମିଡିଆରେ ଭାଇରାଲ ହୋଇଛି। ଆଉ ଏହି ବିଲ୍ ଟି କୋଲକାତାର ଏକ ଦୋକାନର ହୋଇଥିବା ଜଣାପଡ଼ିଛି। 

ଏହି ବିଲ୍ ଟି ସାଇକେଲ ବିଲ୍ ର । ଏହି ଫଟୋ ଭାଇରାଲ ହେବା ଫଳରେ କ୍ୟାପସନରେ ଲେଖାଯାଇଛି “ଥରେ ସାଇକେଲ ମୋ ଜେଜେବାପାଙ୍କ ସ୍ୱପ୍ନ ଥିଲା। ସମୟର ଚକ ସାଇକେଲର ଚକ ପରି କେତେ ପରିଣତ ହୋଇଛି! ସେୟାର କରିଥିବା ବିଲ୍ ହେଉଛି କଲିକତାର କୁମୁଦ ସାଇକେଲ ୱାର୍କରସ ଦୋକାନର । ଏହି ସାଇକେଲଟି ୭ ଜାନୁଆରୀ ୧୯୩୪ ରେ ବିକ୍ରି ହୋଇଥିଲା । ୧୯୩୩ ମଡେଲର ଶସ୍ତା ସାଇକେଲରେ ଏକ ଘଣ୍ଟି ଏବଂ ଟର୍ଚ୍ଚ ମଧ୍ୟ ଥିଲା । ଏହାକୁ ମାତ୍ର ୧୮ ଟଙ୍କାରେ ବିକ୍ରି କରାଯାଇଥିଲା।

ସୋସିଆଲ ମିଡିଆରେ ସେୟାର ହୋଇଥିବା ଏହି ବିଲ୍ ଉପରେ ଉପଭୋକ୍ତାମାନେ ମଧ୍ୟ ଅନେକ ମନ୍ତବ୍ୟ ଦେଉଛନ୍ତି। ଜଣେ ୟୁଜର ଲେଖିଛନ୍ତି ଯେ ବର୍ତ୍ତମାନ ଦେଶରେ କେତେ ପରିବର୍ତ୍ତନ ହୋଇଛି। ବର୍ତ୍ତମାନ ସୁଦ୍ଧା ୧୮ ଟଙ୍କାରେ ଏକ ସିଟ୍ ମଧ୍ୟ ଉପଲବ୍ଧ ନାହିଁ, ସାଇକେଲ ତ ବହୁତ ଦୂର କଥା। ଅନ୍ୟପକ୍ଷରେ, ଅନ୍ୟ ଜଣେ ୟୁଜର ଲେଖିଛନ୍ତି ଯେ ଆଜିର ଯୁଗ ଅନୁଯାୟୀ ସାଇକେଲ ବହୁତ ମହଙ୍ଗା ଥିଲା। ତା’ପରେ ସରକାରୀ ମେକାନିକର ଦରମା ୧୨ ଟଙ୍କା, ହେଡ କିରାଣୀଙ୍କ ଦରମା ୨୦ ଟଙ୍କା ଏବଂ କଲେକ୍ଟରଙ୍କ ଦରମା ୫୦ ଟଙ୍କା ଥିଲା।

ଭାରତରେ ସାଇକେଲ ପରିବହନ ସର୍ବଦା ଏକ ମୁଖ୍ୟ ମାଧ୍ୟମ ପାଲଟିଛି। ଆଜି ବି ସାଇକେଲ ସାହାଯ୍ୟରେ ଅନେକ ଲୋକଙ୍କ ଜୀବିକା ଚାଲିଥାଏ। ସାଇକେଲ  ସାଧାରଣରୁ ବିଶେଷ ବ୍ୟକ୍ତିଙ୍କ ପର୍ଯ୍ୟନ୍ତ ଅନେକ ଭଲପାଇବା ପାଇଛି। ଇଂଲଣ୍ଡରୁ ଦକ୍ଷିଣ ଆଫ୍ରିକା ପର୍ଯ୍ୟନ୍ତ ମହାତ୍ମା ଗାନ୍ଧୀ ପ୍ରାୟତଃ ସାଇକେଲରେ ଯାତ୍ରା କରୁଥିଲେ। ଆଜି ମଧ୍ୟ ଗାନ୍ଧିଜୀଙ୍କ ସାଇକେଲ ସାବରମାତି ଆଶ୍ରମରେ ସଂରକ୍ଷିତ ରହିଛି। ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ଏବଂ ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବ ମଧ୍ୟ ସାଇକେଲ ଚଲାଇ ଅନେକ ବଡ଼ ବଡ଼ କାର୍ଯ୍ୟ କରିଛନ୍ତି। କେନ୍ଦ୍ର ମନ୍ତ୍ରୀ ମନସୁଖ ମାଣ୍ଡଭିୟ ମଧ୍ୟ ଅନେକ ସମୟରେ ସାଇକେଲ ଯୋଗେ ସଂସଦକୁ ଯାଆନ୍ତି।