LPG Gas Cylinder: ମାତ୍ର ୫ଶହ ଟଙ୍କାରେ ମିଳିବ ଗ୍ୟାସ୍ ସିଲିଣ୍ଡର ! ସରକାର ହେଉଛନ୍ତି ପ୍ରସ୍ତୁତ

LPG Gas Cylinder: ବ୍ୟୟବହୁଳ ବଜାରରେ ବର୍ତ୍ତମାନ ଏକ ଖୁସି ଖବର ଆସିଛି । ଛତିଶଗଡ଼ ସରକାର ଲୋକଙ୍କ ପାଇଁ ଏହି ଯୋଜନା କରିପାରନ୍ତି ।

LPG Gas Cylinder: ନୂଆଦିଲ୍ଲୀ: ଛତିଶଗଡରେ ବିଧାନସଭା ନିର୍ବାଚନ ପୂର୍ବରୁ ଭୁପେଶ ବଘେଲ ସରକାର ପାଞ୍ଚ ଶହ ଟଙ୍କାରେ ଗ୍ୟାସ ସିଲିଣ୍ଡର ଦିଆଯିବ ବୋଲି ଘୋଷଣା କରିପାରନ୍ତି । ଏହି ସୂଚନା ମୁଖ୍ୟମନ୍ତ୍ରୀ ଭୁପେଶ ବାଗେଲ (CM Bhupesh Baghel) ନିଜେ ଦେଇଛନ୍ତି। ରାଜସ୍ଥାନ (Rajasthan)ରେ କଂଗ୍ରେସ ସରକାର ୫୦୦ ଟଙ୍କାରେ ଗ୍ୟାସ ସିଲିଣ୍ଡର ଦେଉଛନ୍ତି ଓ ରାଜ୍ୟରେ ଚାଲିଥିବା ଚର୍ଚ୍ଚିତ ପ୍ରସଙ୍ଗ ଉପରେ ପ୍ରଶ୍ନ  କରିଥିଲେ ସାମ୍ବାଦିକ। 

ବଘେଲ କ’ଣ କହିଛନ୍ତି ଜାଣନ୍ତୁ 
ରାଜସ୍ଥାନ ସରକାର ପାଞ୍ଚ ଶହ ଟଙ୍କାରେ ଏକ ଗ୍ୟାସ ସିଲିଣ୍ଡର ଦେଉଛନ୍ତି, ସାମ୍ବାଦିକଙ୍କ ପ୍ରଶ୍ନର ଉତ୍ତରରେ ଭୁପେଶ ବଘେଲ କହିଛନ୍ତି,  ଘୋଷଣା ପାଇଁ କିଛି ତ ରଖିବାକୁ ପଡିବ, ଆମେ ଯଦି ବର୍ତ୍ତମାନ ସବୁକିଛି ଘୋଷଣା କରିଦେବୁ, ପରେ କ’ଣ ଘୋଷଣା କରିବାକୁ କଣ ରହିବ। ବର୍ତ୍ତମାନ ଆମର ଘୋଷଣା ପତ୍ର କମିଟି ଗଠନ ହେବ, ସବୁକିଛି ଏଥିରେ ଆସିବ, ତେବେ ଦେଖିବା କ’ଣ ହେଉଛି ।

ଚଳିତ ବର୍ଷ ହେବାକୁ ଥିବା ନିର୍ବାଚନ

ଆପଣଙ୍କୁ ଜଣାଇବାକୁ ଚାହିଁବୁ ଯେ ଛତିଶଗଡ ସେହି ରାଜ୍ୟମାନଙ୍କ ମଧ୍ୟରୁ ଅନ୍ୟତମ, ଯେଉଁଠାରେ ଚଳିତ ବର୍ଷ ବିଧାନସଭା ନିର୍ବାଚନ (Assembly Elections) ହେବାକୁ ଯାଉଛି। କଂଗ୍ରେସ ଶାସିତ ରାଜସ୍ଥାନରେ ସରକାର ପାଞ୍ଚ ଶହ ଟଙ୍କା ରେ ଗ୍ୟାସ ସିଲିଣ୍ଡର ଦେଉଛନ୍ତି। ସେବେଠାରୁ ଛତିଶଗଡରେ ପାଞ୍ଚ ଶହ ଟଙ୍କାରେ ଗ୍ୟାସ ସିଲିଣ୍ଡର ଦେବାକୁ ରାଜ୍ୟ ସରକାର ଘୋଷଣା କରିପାରନ୍ତି ବୋଲି ଚର୍ଚ୍ଚା ଜୋର ଧରିଛି । ଏ ସମ୍ପର୍କରେ ମୁଖ୍ୟମନ୍ତ୍ରୀ ବଘେଲ ସୂଚାଇ ଦେଇଛନ୍ତି ଯେ, ରାଜ୍ୟରେ ପାଞ୍ଚଶହ ଟଙ୍କାରେ ଗ୍ୟାସ ସିଲିଣ୍ଡର ଦେବା ପାଇଁ ଘୋଷଣା କରାଯାଇପାରେ।ଅନ୍ୟପକ୍ଷରେ, ଘରୋଇ ଏଲପିଜି ସିଲିଣ୍ଡର ଉପରେ କେନ୍ଦ୍ର ସରକାର ମୌଳିକ କଷ୍ଟମ ଡ୍ୟୁଟିକୁ ବ୍ୟାପକ ଭାବେ ବୃଦ୍ଧି କରିଛନ୍ତି। ଏହାକୁ ସିଧାସଳଖ ୫ ପ୍ରତିଶତରୁ ୧୫ ପ୍ରତିଶତକୁ ବୃଦ୍ଧି କରାଯାଇଛି । ଏହା ଉପରେ ବର୍ତ୍ତମାନ କୃଷି ଭିତ୍ତିଭୂମି ଓ ବିକାଶ ସେସ (AIDC) ଲାଗୁ କରାଯିବ। ଏଲପିଜି ସିଲିଣ୍ଡର ଆମଦାନୀ ଉପରେ ୧୫% କୃଷି ସେସ୍ ଆଦାୟ କରାଯିବ ।

ବେଙ୍ଗାଲୁରୁରେ ସବସିଡିଯୁକ୍ତ ଏଲପିଜିର ମୂଲ୍ୟ ଆଜି  ୧୪.୨ କିଲୋଗ୍ରାମ ସିଲିଣ୍ଡର ପାଇଁ ୧,୦୦୦ ଟଙ୍କା ।  ମେ ମାସରେ ମଧ୍ଯ ଏହି ହାର ସମାନ ରହିଛି। LPG ର ମୂଲ୍ୟ ପ୍ରତି ମାସରେ ସଂଶୋଧିତ ହୁଏ ଓ ଏହାକୁ ଏକ ସ୍ୱଚ୍ଛ ଇନ୍ଧନ ଭାବରେ ବିବେଚନା କରାଯାଉଥିବାରୁ ଜନସାଧାରଣ ଏହାକୁ ପସନ୍ଦ କରନ୍ତି । ଉଭୟ ଘରୋଇ ଏବଂ ବାଣିଜ୍ୟିକ ଉଦ୍ଦେଶ୍ୟରେ LPG ବ୍ୟବହୃତ ହୁଏ ।ପ୍ରାୟତଃ ବର୍ଷକ ମଧ୍ୟରେ ଗ୍ୟାସ୍ ରେଟ ୧୦୦ ଟଙ୍କା ବଢ଼ିଛି। ଗତବର୍ଷ ଜୁଲାଇ ମାସରେ ଗ୍ୟାସ୍ ୧୦୦୦ ଟଙ୍କା ଥିବା ବେଳେ ଚଳିତ ବର୍ଷ ମଧ୍ୟରେ ଏହା ୧୦୦ ଟଙ୍କା ବଢି ୧୧୦୦ ରେ ପହଞ୍ଚିଛି ।

ଜାଣନ୍ତୁ ଆପଣଙ୍କ ସହରରେ ଗ୍ୟାସ ସିଲିଣ୍ଡରର ମୂଲ୍ୟ 

ଦେଶର ରାଜଧାନୀ ନୂଆଦିଲ୍ଲୀରେ ରୋଷେଇ ପାଇଁ ବ୍ୟବହୃତ ଏଲପିଜି ସିଲିଣ୍ଡରର ମୂଲ୍ୟ ୧୧୦୩ ଟଙ୍କା ଓ ବ୍ୟବସାୟିକ ବ୍ୟବହାର ସିଲିଣ୍ଡରର ମୂଲ୍ୟ ୧୮୮୩ ଟଙ୍କା ରହିଛି। କୋଲକାତାରେ ଏହାର ମୂଲ୍ୟ ଯଥାକ୍ରମେ ୧୧୨୯  ଓ ୧୮୭୫.୫୦ ଟଙ୍କା ।  ଯେତେବେଳେ କି ମୁମ୍ବାଇରେ ଲୋକମାନେ ଏଲପିଜି ସିଲିଣ୍ଡର ପାଇଁ ୧୧୦୨.୫୦ ଟଙ୍କା ଓ ବ୍ୟବସାୟିକ ସିଲିଣ୍ଡର ପାଇଁ ୧୭୨୫ ଟଙ୍କା ଦେଉଛନ୍ତି। ଚେନ୍ନାଇ ବିଷୟରେ କହିବାକୁ ଗଲେ ଇଣ୍ଡିଆନ୍ ଅଏଲ୍ ୱେବସାଇଟ୍ ଅନୁଯାୟୀ ଏଠାରେ ୧୪.୨ କିଲୋଗ୍ରାମ ସିଲିଣ୍ଡରର ମୂଲ୍ୟ ୧୧୧୮.୫୦ ଟଙ୍କା ରହିଛି ଓ ୧୯ କିଲୋଗ୍ରାମ ସିଲିଣ୍ଡରର ଦାମ୍ ୧୯୩୭ ଟଙ୍କା ରହିଛି।

କମ୍ପାନୀ ଗୁଡିକ ମୂଲ୍ୟ ସ୍ଥିର କରନ୍ତି
ଏହା ଜଣା ପଡିଛି କି ଗତ ମାସରେ ଅର୍ଥାତ୍ ଜୁନ୍ ମାସରେ ବାଣିଜ୍ୟିକ ସିଲିଣ୍ଡରର ମୂଲ୍ୟ ତୈଳ କମ୍ପାନୀ ତରଫରୁ ୮୩ ଟଙ୍କା ହ୍ରାସ କରଯାଇଥିଲା । ଏଲପିଜି ବିଷୟରେ କହିବାକୁ ଗଲେ, ଗତ କିଛି ମାସ ହେବ ଏହାର ମୂଲ୍ୟରେ କୌଣସି ପରିବର୍ତ୍ତନ ହୋଇନାହିଁ । ଗତଥର ମାର୍ଚ୍ଚରେ ଏହାର ମୂଲ୍ୟ ପରିବର୍ତ୍ତନ କରାଯାଇ ୫୦ ଟଙ୍କା ବଢିଥିଲା । ପ୍ରତ୍ୟେକ ମାସ ଆରମ୍ଭରେ ତୈଳ କମ୍ପାନୀଗୁଡିକ ଦ୍ୱାରା ସିଲିଣ୍ଡରର ମୂଲ୍ୟ ସମୀକ୍ଷା କରାଯାଇଥାଏ ।

ଅତ୍ୟାଧୁନିକ LPG ସିଲିଣ୍ଡର ମୂଲ୍ୟ କିପରି ଯାଞ୍ଚ କରିବେ

ଯଦି ଆପଣ ମଧ୍ୟ ଆପଣଙ୍କ ସହରରେ LPG ସିଲିଣ୍ଡରର ମୂଲ୍ୟ ଯାଞ୍ଚ କରିବାକୁ ଚାହୁଁଛନ୍ତି, ତେବେ ଏଥିପାଇଁ ଆପଣଙ୍କୁ ଇଣ୍ଡିଆନ୍ ଅଏଲ୍ ର ଅଫିସିଆଲ୍ ୱେବସାଇଟ୍ (https://iocl.com/prices-of-petroleum-products) ପରିଦର୍ଶନ କରିବାକୁ ପଡିବ | ଏଠାରେ, LPG ବ୍ୟତୀତ, ଆପଣ ଅନ୍ୟାନ୍ୟ ଜିନିଷ ଯଥା କିରୋସିନି, ଜେଟ୍ ଇନ୍ଧନ ATF ଇତ୍ୟାଦି ଉପରେ ଅପଡେଟ ପାଇ ପାରିବେ ।