ମଦ ନିଷେଧକୁ ନେଇ ଜିତନରାମଙ୍କ ବଡ଼ ବୟାନ `ଏନଡିଏ ସରକାର ଆସିଲେ ହେବ ନୂଆ ଆଇନ`

Bihar Liquor Ban: ବିହାରରେ ମଦ ନିଷେଧକୁ ନେଇ ଅନେକ ସମୟରେ ବିଭିନ୍ନ ପ୍ରକାରର ପ୍ରଶ୍ନ ଉଠିଛି। ଶାସକ ଦଳ ତଥା ବର୍ତ୍ତମାନର ମୁଖ୍ୟମନ୍ତ୍ରୀ ନୀତୀଶ କୁମାର (CM Nitish kumar)ଙ୍କ ନିଷ୍ପତ୍ତିକୁ ସମ୍ପୂର୍ଣ୍ଣ ସଫଳତା ବୋଲି କହୁଥିବାବେଳେ ବିରୋଧୀ ଦଳ ଏହା ଉପରେ କ୍ରମାଗତ ଭାବେ ପ୍ରଶ୍ନ ଉଠାଇଛନ୍ତି। ବର୍ତ୍ତମାନ ନ୍ୟାସନାଲ ଡେମୋକ୍ରାଟିକ୍ ଆଲାଇନ୍ସ (ଏନଡିଏ) ର ଏକ ଅଂଶ ହିନ୍ଦୁସ୍ତାନୀ ଆୱାମ ମୋର୍ଚ୍ଚାର ପୃଷ୍ଠପୋଷକ ଜିତନ ରାମ ମନଝି (jitan ram manjhi) ଏକ ବଡ ଘୋଷଣା କରିଛନ୍ତି ଯାହାକୁ ନେଇ ବିଭିନ୍ନ ଚର୍ଚ୍ଚା ଆଲୋଚନା ଚାଲିଛି । ସେ କହିଛନ୍ତି ଯେ, ଯଦି ବିହାରରେ ଆମର (NDA) ସରକାର ଗଠନ ହୁଏ, ତେବେ ବିହାରରେ ମଦ ନିଷେଧ ସମ୍ପୂର୍ଣ୍ଣ ରୂପେ ରଦ୍ଦ ହୋଇଯିବ।

ଜିତନ କହିଛନ୍ତି ଯେ, ଆମେ ମଦ ନିଷେଧ ସମ୍ପର୍କରେ ଏକ ବୈଠକ କରିବୁ ଯେଉଁଥିରେ ଗୁଜୁରାଟ ମଡେଲ ଉପରେ ମଧ୍ୟ ଆଲୋଚନା କରାଯିବ। ଯଦି ଆବଶ୍ୟକ ହୁଏ, ମଦ ନିଷେଧ ସମ୍ପୂର୍ଣ୍ଣ ରୂପେ ରଦ୍ଦ ହୋଇଯିବ । ମଦ ନିଷେଧ ସମ୍ପର୍କରେ ଜିତନ ମନଝି ପ୍ରଶ୍ନ ଉଠାଇ କହିଛନ୍ତି ଯେ, ବିହାରର ୮୦% ଲୋକଙ୍କୁ ମଦ ବିକ୍ରୟ ପାଇଁ ବାରଣ କରାଯାଇଛି। ନୀତୀଶ କୁମାର କେବଳ ଦଳିତ ଲୋକଙ୍କ ବିଷୟରେ ଆଲୋଚନା କରନ୍ତି କିନ୍ତୁ ସବୁବେଳେ ଦଳିତଙ୍କୁ ଅପମାନିତ କରିବା ପାଇଁ କାମ କରିଛନ୍ତି ।

ସରକାରୀ ସର୍ଭେ ଉପରେ ପ୍ରଶ୍ନ
ବିହାର ସରକାର ଆଗାମୀ ଦିନରେ ବିହାରରେ ମଦ ନିଷେଧ ପରେ ପରିସ୍ଥିତି କିପରି ଅଛି ଏବଂ ମଦ ନିଷେଧ ବିଷୟରେ ଲୋକମାନଙ୍କର ମତ କଣ ସେନେଇ ଗୋଟିଏ ସର୍ଭେ କରିବାକୁ ଯାଉଛନ୍ତି। ସରକାରଙ୍କ ଦ୍ୱାରା ସର୍ଭେ ପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି । ପୂର୍ବତନ ମୁଖ୍ୟମନ୍ତ୍ରୀ ଏ ସମ୍ପର୍କରେ ଏକ ବଡ଼ ପ୍ରଶ୍ନ ଉଠାଇଛନ୍ତି ଏବଂ ନୀତୀଶ ସରକାରଙ୍କ ଉପରେ ମଧ୍ୟ ମନ୍ତବ୍ୟ ଦେଇଛନ୍ତି । ଜିତନ କହିଛନ୍ତି ଯେ, ମଦ ନିଷେଧାଦେଶ ସମ୍ପର୍କରେ ସର୍ଭେ ରିପୋର୍ଟ ସଠିକ୍ ଆସିବା ଦରକାର । କାରଣ ଅଧିକାରୀଙ୍କୁ ପୂର୍ବରୁ କୁହାଯାଇଛି ଯେ, ମଦ ନିଷେଧାଦେଶକୁ ସମର୍ଥନ କରି ଏହି ରିପୋର୍ଟ ଦିଆଯିବ । ସର୍ଭେ ତଥ୍ୟ କାହା ସମର୍ଥନରେ ପ୍ରକାଶ ପାଇବ ତାହା ମଧ୍ୟ ଆଗରୁ ସ୍ଥିର ହୋଇସାରିଛି । କିନ୍ତୁ ପ୍ରକୃତ କଥା ଏହାର ବିପରୀତ ବୋଲି ଜିତନ କହିଛନ୍ତି ।