Flight Ticket Cancellation: ସମ୍ପୂର୍ଣ୍ଣ ଯୋଜନା କରିସାରିବା ପରେ, ଆପଣ ଯାତ୍ରା ପାଇଁ ବିମାନ ଟିକେଟ ବୁକ୍ କରିଛନ୍ତି ଆଉ ହଠାତ୍ ଆପଣଙ୍କୁ ଆପଣଙ୍କ ଟିକେଟ ବାତିଲ୍ କରିବାକୁ ପଡେ, ତାହେଲେ ସେତେବେଳେ ସବୁଠାରୁ ବଡ ଚିନ୍ତା ହେଉଛି ଯେ ବିମାନ ଟିକେଟ ବାତିଲ୍ କରିଦେଲେ କେତେ ଟଙ୍କା କାଟିନେବ ବିମାନ କମ୍ପାନୀ? ଅଧିକାଂଶ ଟିକେଟ୍ ପାଇଁ ନିଆଯାଇଥିବା ଅର୍ଥର ଅଧା ମଧ୍ୟ ଯାତ୍ରୀଙ୍କୁ ଫେରସ୍ତ କରାଯାଉନାହିଁ। ବିହାର କ୍ୟାଡର ଆଇଏଏସ୍ ଅଧିକାରୀ ରାହୁଲ କୁମାରଙ୍କ ସହ ସମାନ ଘଟଣା ଘଟିଛି। ଯିଏ ୧୩ ହଜାର ୮୨୦ ଟଙ୍କାରେ ବୁକ୍ ହୋଇଥିବା ବିମାନ ଟିକେଟ ପାଇଁ ତାଙ୍କୁ ମାତ୍ର ଫେରସ୍ତ ରାଶି ଭାବରେ କେବଳ ୨୦ ଟଙ୍କା ମିଳିଛି।


COMMERCIAL BREAK
SCROLL TO CONTINUE READING

ବିମାନ କମ୍ପାନୀ ଫେରାଇଲା ମାତ୍ର ୨୦ ଟଙ୍କା ଫେରସ୍ତ ରାଶି 
ବିମାନ ଉଡ଼ାଣ ବାତିଲ କରିବା ପରେ ବିମାନ କମ୍ପାନୀ ଦ୍ୱାରା ପଠାଯାଇଥିବା ଟିକେଟ୍ ବାତିଲ ହୋଇଥିବାର ସ୍କ୍ରିନସଟ୍ (Flight Ticket Cancellation) ସେୟାର କରିଛନ୍ତି ଆଇଏଏସ୍ ରାହୁଲ କୁମାର (IAS Rahul Kumar)। ଯେଉଁଥିରେ ଦେଖିବାକୁ ମିଳୁଛି ଯେ, ଟିକେଟ୍ ବାତିଲ ଚାର୍ଜ ୧୧ ହଜାର ୮୦୦, ଜିଆଇ ବାତିଲ ଚାର୍ଜ ୧୨୦୦ ଟଙ୍କା ଏବଂ ସୁବିଧା ଶୁଳ୍କ ୮୦୦ ଟଙ୍କା ଥିଲା। ମୋଟ ୧୩ ହଜାର ୮୦୦ ଟଙ୍କାରେ ବୁକିଂ ହୋଇଥିବା ଟିକେଟ ବାତିଲ ପାଇଁ ଫେରସ୍ତ ରାଶି (Flight Ticket Refund) ଭାବରେ ତାଙ୍କୁ ମାତ୍ର ୨୦ ଟଙ୍କା ମିଳିଥିଲା। ଆଇଏସ ରାହୁଲ କୁମାର ଏହାର ସ୍କ୍ରିନସଟ୍ ସେୟାର କରି ଲେଖିଛନ୍ତି ଯେ, ମୋର ଫେରସ୍ତ ରାଶି ପାଇଁ କିଛି ଭଲ ବିନିଯୋଗ ଯୋଜନା ପରାମର୍ଶ ଦିଅନ୍ତୁ।



ଆଇଏଏସ ଅଧିକାରୀଙ୍କୁ ପରାମର୍ଶ ଦେଲେ ଲୋକେ
ଆଇଏଏସ ରାହୁଲ କୁମାରଙ୍କ ପୋଷ୍ଟ ଏପର୍ଯ୍ୟନ୍ତ ୫ ଲକ୍ଷରୁ ଅଧିକ ଥର ଦେଖାଯାଇ ସାରିଛି। ଯେଉଁଥିରେ ୫ ହଜାରରୁ ଅଧିକ ଲାଇକ୍ ଆସିସାରିଛି। ଏହି ପୋଷ୍ଟ ଉପରେ ମନ୍ତବ୍ୟ ଦେଇ ଭାରତୀୟ ବନସେବା ଅଧିକାରୀ ଆଇଏଫଏସ୍ ଅଧିକାରୀ ପରଭୀନ କସୱାନ୍ (IFS Parveen Kaswan) ଲେଖିଛନ୍ତି ଯେ, 'ଏଭଳି ପ୍ରକାରର ତରଳତା ସହିତ ଆପଣଙ୍କୁ ଅତିରିକ୍ତ ସୁରକ୍ଷା ସାର୍ ଦରକାର ହେବ। ଏହା ସହିତ ଅନ୍ୟଜଣେ ଉପଭୋକ୍ତା ଲେଖିଛନ୍ତି ଯେ, ମୁଁ ଏହି କ୍ଷେତ୍ରରେ ଫେରସ୍ତ ପ୍ରକ୍ରିୟା କରେ ନାହିଁ।' ଏହା ସହିତ ଅନ୍ୟ ଜଣେ ପରାମର୍ଶ ଦେଇଛନ୍ତି ସିଟ୍ ବର୍ବାଦ ନ ହେବା ଏହାକୁ ଅନ୍ୟ ଯାତ୍ରୀଙ୍କ ନିକଟରେ ବିକ୍ରୟ କରି ଦିଆଯାଉ।