Road Accident: ସାମ୍ନା ପଟୁ ଧକ୍କା ଦେଲା ବସ୍, ୩ ପଲିଟେକ୍ନିକ୍ ଛାତ୍ରଙ୍କ ମୃତ୍ୟୁ
Road Accident: ଶୁକ୍ରବାର ଦିନ ଉତ୍ତରପ୍ରଦେଶର କାନପୁର ସାଗର ରାଜପଥରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଦ୍ରୁତ ଗତିରେ ଆସୁଥିବା ଏକ ବସ୍ ସାଇକେଲରେ ଯାଉଥିବା ଛାତ୍ରଛାତ୍ରୀଙ୍କୁ ଧକ୍କା ଦେବା ଫଳରେ ୩ ଜଣଙ୍କର ମୃତ୍ୟୁ ଘଟିଛି। ଏହି ଦୁର୍ଘଟଣାରେ ତିନି ଜଣ ମୃତକ ଛାତ୍ର ବୋଲି ଜଣାପଡ଼ିଛି। ଦୁର୍ଘଟଣା ପରେ ରୋଡୱେ ବସ୍ ନିୟନ୍ତ୍ରଣ ହରାଇ ଏକ ଖାଲରେ ଗଳି ପଡ଼ିଥିଲା।
Road Accident: ଶୁକ୍ରବାର ଦିନ ଉତ୍ତରପ୍ରଦେଶର କାନପୁର ସାଗର ରାଜପଥରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଦ୍ରୁତ ଗତିରେ ଆସୁଥିବା ଏକ ବସ୍ ସାଇକେଲରେ ଯାଉଥିବା ଛାତ୍ରଛାତ୍ରୀଙ୍କୁ ଧକ୍କା ଦେବା ଫଳରେ ୩ ଜଣଙ୍କର ମୃତ୍ୟୁ ଘଟିଛି। ଏହି ଦୁର୍ଘଟଣାରେ ତିନି ଜଣ ମୃତକ ଛାତ୍ର ବୋଲି ଜଣାପଡ଼ିଛି। ଦୁର୍ଘଟଣା ପରେ ରୋଡୱେ ବସ୍ ନିୟନ୍ତ୍ରଣ ହରାଇ ଏକ ଖାଲରେ ଗଳି ପଡ଼ିଥିଲା। ଯାହାଫଳରେ ଉକ୍ତ ରାସ୍ତାରେ ଯାଉଥିବା ଯାତ୍ରୀମାନେ ମଧ୍ୟ ସାମାନ୍ୟ ଆହତ ହୋଇଥିବା ଜଣାପଡ଼ିଛି।
ଏହି ତିନିଜଣ ପଲିଟେକ୍ନିକ୍ ର ଛାତ୍ର ଥିଲେ:
କାନପୁରରୁ ହମିରପୁର ଅଭିମୁଖେ ଯାଉଥିବା ଏକ ହାଇ ସ୍ପିଡ୍ ବସ୍ ପାଟରା ସହରର ଷ୍ଟେସନ ସମ୍ମୁଖରେ ସାଇକେଲ ଚଳାଇ ଯାଉଥିବା ଛାତ୍ରମାନଙ୍କୁ ଧକ୍କା ଦେଇଥିଲା। ଏହି ତିନିଜଣଙ୍କୁ ଘାଟମପୁର ପୋଲିସ ଷ୍ଟେସନ ଅଞ୍ଚଳର କୁୱଂରପୁର ବାସିନ୍ଦା ଦୀପକ ତିୱାରୀ, ଅଙ୍କୁଷ ପ୍ରଜାପତି, ମନୀଷ କୁମାର ସବିତା ବୋଲି ଜଣାପଡିଛି। ଏହି ତିନିଜଣ ପଲିଟେକ୍ନିକ୍ ର ଛାତ୍ର ଥିଲେ। ଦୁର୍ଘଟଣା ପରେ ଘଟଣାସ୍ଥଳରେ ଉପସ୍ଥିତ ଥିବା ଲୋକମାନେ ଫୋନ୍ କରି ଘଟଣା ସମ୍ପର୍କରେ ପୋଲିସକୁ ସୂଚନା ଦେଇଥିଲେ। ଘାଟପୁର ଇନ୍ସପେକ୍ଟର ପ୍ରଦୀପ କୁମାର ସିଂ ସର୍କଲ ଫୋର୍ସ ସହିତ ଘଟଣାସ୍ଥଳରେ ପହଞ୍ଚି ପୋଲିସ ରୋଡୱେ ବସ୍ କୂଳକୁ ଆଣିବାକୁ ଚେଷ୍ଟା କରୁଛନ୍ତି। ପୋଲିସ ପିଏନସି ଦଳକୁ ସୂଚନା ଦେଇଛି। ସେପଟେ ଏହି ଘଟଣାରେ ସ୍ଥାନୀୟବାସୀନ୍ଦା ଉତ୍ୟକ୍ତ ହୋଇ ରାସ୍ତା ରୋକ୍ କରିଥିବା ଦେଖିବାକୁ ମିଳିଛି।