Viral Videos : ନିଆଁ ଭଳି ବ୍ୟାପୁଛି `ମାହିର୍ ମାଆ`ଙ୍କ ସାଇକେଲ ଭିଡିଓ

Viral Videos : ବେଳେ ବେଳେ ସୋଲିଆଲ ମିଡିଆରେ ଏମିତି କିଛି ଦୃଶ୍ୟ ଦେଖିବାକୁ ମିଳେ, ଯାହା ଜଣେ ସାଧାରଣ ମଣିଷର ଚିନ୍ତାଧାରା ଠାରୁ ଢେର ଉପରେ । ଏମିତି ଏକ ଭିଡିଓ ଏବେ ଭାଇରାଲ ହେଇଛି, ଯାହାକୁ ଦେଖିଲେ ଆପଣ ବି କହିବେ ଦୁନିଆର ସବୁଠୁ ବଡ଼ ମାଷ୍ଟର ମାଇଣ୍ଡ ହେଉଛି ମାଆ । ଜଣେ ମା ତାର ସନ୍ତାନର ପାଇଁ କିଛି ବି କରିପାରେ । ଏହି ଭିଡିଓକୁ ଜଣେ ଆଇପିଏସ ଅଧିକାରୀ ସେୟାର କରିଛନ୍ତି।

ଭାରତର ଲୋକେ ଦେଶୀ ଯୋଗାଡ଼ ବା ମୁଣ୍ଡ ଖଟାଇବାରେ ବେଶ ମାହିର ! ଏମିତି ଏକ ଦେଶୀ ଯୋଗାଡ଼ ଏବେ ସୋସିଆଲ ମିଡିଆରେ ଚହଳ ଖେଳାଇ ଦେଇଛି । ଟ୍ୱିଟରରେ ଭାଇରାଲ ହେଉଥିବା ମାଆ ଓ କୁନି ଝିଅର ଫଟୋ ଓ ଭିଡିଓକୁ ଲୋକେ ଖୁବ ପସନ୍ଦ କରୁଛନ୍ତି । ଏହି ଭିଡ଼ିଓରେ ଜଣେ ମାଆ ସାଇକେଲ ଚଲାଉଛନ୍ତି ଏବଂ ତାଙ୍କ ପୁଅ ସାଇକେଲ ପଛରେ ବସିଛନ୍ତି । କିନ୍ତୁ ପିଲାଟି ଯେମିତି ସାଇକେଲରୁ ତଳକୁ ନ ପଡ଼ିଯିବେ ସେଥିପାଇଁ ତାଙ୍କ ମାଆ ଗୋଟିଏ ଆଶ୍ଚର୍ଯ୍ୟ ଜନକ ଦେଶୀ ଯୋଗାଡ଼ କରିଛନ୍ତି ।

ମାଆଙ୍କ ଚମତ୍କାର ଯୋଗାଡ

ପିଲାକୁ କୌଣସି ପ୍ରକାରର ଅସୁବିଧାର ସମ୍ମୁଖୀନ ହେବାକୁ ପଡିବ ନାହିଁ, ତେଣୁ ତାଙ୍କ ମାଆ ସାଇକେଲର ପଛ ସିଟ ବା କ୍ୟାରିୟରରେ ଏକ ଚେୟାର ଲଗାଇଛନ୍ତି । ଚେୟାର ଉପରେ କିଛି କପଡ଼ା ରଖି ନିଜ ପୁଅକୁ ସାଇକେଲରେ ବସାଇ ନିଜ କମରେ ବାହାରି ପଡ଼ିଛନ୍ତି । ଏପରି ଏକ ଦେଶୀ ଯୋଗାଡ ଦେଖି ଅନେକ ସୋସିଆଲ୍ ମିଡିଆ ୟୁଜର୍ସ ବହୁତ ପ୍ରଭାବିତ ହୋଇଛନ୍ତି । ଏହି ଭିଡିଓ ଦେଖି ଅନେକ ଲୋକ ମାଆଙ୍କ ଉଦ୍ଭାବନକୁ ମଧ୍ୟ ପ୍ରଶଂସା କରିଥିଲେ ।  ଏବେ ଏହି ଭିଡିଓ ଟ୍ୱିଟରରେ ନିଆଁ ଭଳି ବ୍ୟାପୁଛି ।

ଜଣେ ଆଇପିଏସ୍ ଅଧିକାରୀ ଭିଡିଓ ସେୟାର କରିଛନ୍ତି

ଆପଣଙ୍କୁ ଜଣାଇ ରଖୁଛୁ ଯେ, ଏହି ନିଆରା ଭିଡିଓକୁ ଆଇପିଏସ୍ ଅଧିକାରୀ ଅଙ୍କିତା ଶର୍ମା ତାଙ୍କ ଟ୍ୱିଟର ହ୍ୟାଣ୍ଡେଲରେ ସେୟାର କରିଛନ୍ତି । ଏହାର କ୍ୟାପସନରେ ସେ ଲେଖିଛନ୍ତି, 'ବିଅଣ୍ଡ୍ କ୍ୟାପସନ୍'। ଏପର୍ଯ୍ୟନ୍ତ  ଦଶ ଲକ୍ଷରୁ ଅଧିକ ଲୋକ ଏହି ଭିଡିଓ ଦେଖିଛନ୍ତି । କେବଳ ଏତିକି ନୁହେଁ, ଏହି ଭିଡିଓକୁ ୫୬ ହଜାରରୁ ଊର୍ଦ୍ଧ୍ୱ ଲାଇକ୍ ଏବଂ ସାଢେ ଛଅ ହଜାର ରିଟ୍ୱିଟ ମଧ୍ୟ କରାଯାଇଛି ।