Sahara Refund: ନିର୍ବାଚନ ପୂର୍ବରୁ ମିଳିବ କି ସାହାରା ଟଙ୍କା? ଜାଣନ୍ତୁ ଅପଡେଟ୍

Sahara Refund: ନିକଟରେ ରାଜ୍ୟସଭାରେ ଏହି ସମ୍ପର୍କିତ ଏକ ସୂଚନା ପ୍ରଦାନ କରିବା ସମୟରେ ମନ୍ତ୍ରୀ ବି.ଏଲ୍ ଭର୍ମା କହିଛନ୍ତି ଯେ, ପୋର୍ଟାଲରେ ପଞ୍ଜୀକରଣ ମାଧ୍ୟମରେ ତିନି କୋଟି ନିବେଶକଙ୍କ ନାମରେ ପ୍ରାୟ ୮୦,୦୦୦ କୋଟି ଟଙ୍କା ଦାବି କରାଯାଇଛି। ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ SEBI ରେ ଜମା ହୋଇଥିବା ୨୫,୦୦୦ କୋଟି ଟଙ୍କା ମଧ୍ୟରୁ ୫୦୦୦ କୋଟି ଟଙ୍କା ନିବେଶକଙ୍କୁ ଦିଆଯାଇଛି।

Sahara Refund: ସରକାରଙ୍କ ଲୋକଙ୍କ ଟଙ୍କା ଫେରସ୍ତ ଉପରେ ପଦକ୍ଷେପ ନେବା ପରେ ସାହାରାର କୋଟି କୋଟି ନିବେଶକଙ୍କ ମନରେ ଟଙ୍କା ଫେରସ୍ତ ମିଳିବାର ଆଶା ସଞ୍ଚାର ହୋଇଥିଲା । କିନ୍ତୁ କୁହାଯାଉଛି ଯେ, ଲୋକସଭା ନିର୍ବାଚନ ପୂର୍ବରୁ ନିବେଶକମାନେ ଟଙ୍କା ପାଇବାର ଆଶା ନାହିଁ । ନିକଟରେ ରାଜ୍ୟସଭାରେ ଏହି ସମ୍ପର୍କିତ ଏକ ସୂଚନା ପ୍ରଦାନ କରିବା ସମୟରେ ମନ୍ତ୍ରୀ ବି.ଏଲ୍ ଭର୍ମା କହିଛନ୍ତି ଯେ, ପୋର୍ଟାଲରେ ପଞ୍ଜୀକରଣ ମାଧ୍ୟମରେ ତିନି କୋଟି ନିବେଶକଙ୍କ ନାମରେ ପ୍ରାୟ ୮୦,୦୦୦ କୋଟି ଟଙ୍କା ଦାବି କରାଯାଇଛି। ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ SEBI ରେ ଜମା ହୋଇଥିବା ୨୫,୦୦୦ କୋଟି ଟଙ୍କା ମଧ୍ୟରୁ ୫୦୦୦ କୋଟି ଟଙ୍କା ନିବେଶକଙ୍କୁ ଦିଆଯାଇଛି।

ସାହାରା ନିବେଶକଙ୍କ ମୋଟ ୮୬,୬୭୩ କୋଟି ଟଙ୍କା ଫସି ରହିଛି । ବିପୁଳ ପରିମାଣର ବକେୟା କାରଣରୁ, ଏହା ଆଶା କରାଯାଉଛି ଯେ, ନିବେଶକ ମାନେ ଟଙ୍କା ଫେରସ୍ତ ପାଇବାକୁ ଅଧିକ ସମୟ ଅପେକ୍ଷା କରିବାକୁ ପଡିବ । ସାହାରା ରିଫଣ୍ଡ ପୋର୍ଟାଲରେ ପ୍ରକାଶିତ ସୂଚନା ଅନୁଯାୟୀ, ନିବେଶକମାନେ ୧୯୯୯୯  ଟଙ୍କା ପର୍ଯ୍ୟନ୍ତ ଦାବି ଉପସ୍ଥାପନ କରିପାରିବେ। ସେମାନଙ୍କ ଜମା ପରିଶୋଧ ଏବଂ ସାହାରା ଗ୍ରୁପର ସମବାୟ ସମିତିର ପ୍ରକୃତ ସଦସ୍ୟଙ୍କ ଅଭିଯୋଗର ସମାଧାନ ପାଇଁ ସୁପ୍ରିମକୋର୍ଟରେ ସହଯୋଗ ମନ୍ତ୍ରଣାଳୟ ପକ୍ଷରୁ ଏକ ଆବେଦନ କରାଯାଇଥିଲା। ଏହା ଉପରେ ସାହାରା-ସେବି ରିଫଣ୍ଡ ଆକାଉଣ୍ଟରୁ ୫୦୦୦ କୋଟି ଟଙ୍କା CRCS କୁ ସ୍ଥାନାନ୍ତର କରିବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି।

ମନ୍ତ୍ରୀ ବି.ଏଲ୍ ଭର୍ମାଙ୍କ କହିବାନୁଯାୟୀ, ଆମେ ୪୫ ଦିନ ମଧ୍ୟରେ ନିବେଶକଙ୍କ ନିକଟକୁ ଟଙ୍କା ଫେରସ୍ତ ପ୍ରକ୍ରିୟା ଆରମ୍ଭ କରିଛୁ। ନିବେଶକଙ୍କ ଟଙ୍କା ଫେରସ୍ତ ଏବଂ ଅଧିକ ଟଙ୍କା ପାଇବାକୁ ଆମେ ପୁଣି କୋର୍ଟକୁ ଯିବୁ। ସାହାରା ଗ୍ରୁପ୍ ନିବେଶକଙ୍କ ପ୍ରତ୍ୟେକ ପଇସା ଫେରସ୍ତ କରାଯିବ । ପୋର୍ଟାଲରେ ଦିଆଯାଇଥିବା ସୂଚନାରେ କୁହାଯାଇଛି ଯେ, ଚାରୋଟି କମିଟି ସହ ଜଡିତ ଦାବି ଗୋଟିଏ ଆବେଦନ ଫର୍ମ ମାଧ୍ୟମରେ କରାଯିବ। ପୋର୍ଟାଲ ମାଧ୍ୟମରେ କରାଯାଇଥିବା ଅନଲାଇନ୍ ଦାବିଗୁଡିକ ଉପରେ ପୂର୍ଣ୍ଣ ବିଚାର କରାଯିବ । ଏହା ବ୍ୟତୀତ, କୌଣସି ସମସ୍ୟା ପାଇଁ ଆପଣ ଟୋଲ୍ ଫ୍ରି ନମ୍ବର 0522-6937100 / 0522-3108400 / 0522-6931000 / 080-69208210 ରେ ଯୋଗାଯୋଗ କରିପାରିବେ ।

ସାହାରାରେ ୫ହଜାରରୁ କମ୍ ନିବେଶକଙ୍କ ସଂଖ୍ୟା ରହିଛି ୧.୧୩ କୋଟି ଟଙ୍କା । ୫୦୦୦ରୁ ୧୦,୦୦୦ ଟଙ୍କା ନିବେଶ କରିଥିବା ନିବେଶକଙ୍କ ସଂଖ୍ୟା ୬୫.୪୮ ଲକ୍ଷ । ୧୦,୦୦୦ରୁ ୨୦,୦୦୦ ଟଙ୍କା ନିବେଶ କରିଥିବା ନିବେଶକଙ୍କ ସଂଖ୍ୟା ୬୯.୭୪ ଲକ୍ଷ । ୩୦,୦୦୦ରୁ ୫୦,୦୦୦ ଟଙ୍କା ନିବେଶ କରିଥିବା ନିବେଶକଙ୍କ ସଂଖ୍ୟା ୧୯.୫୬ ଲକ୍ଷ । ୫୦,୦୦୦ରୁ ୧ ଲକ୍ଷ ଟଙ୍କା ନିବେଶକଙ୍କ ସଂଖ୍ୟା ୧୨.୯୫ ଲକ୍ଷ । ୧ ଲକ୍ଷରୁ ଅଧିକ ଟଙ୍କା ନିବେଶ କରିଥିବା ଲୋକଙ୍କ ସଂଖ୍ୟା ୫.୧୨ ଲକ୍ଷ ।