Rani Panda: ଅଭିନେତ୍ରୀ ରାଣୀପଣ୍ଡାଙ୍କ ଘରକୁ ଆସି ତାଙ୍କୁ ହତ୍ୟା ଧମକ ଦେଲେ ଅଜଣା ଲୋକ
Jan 28, 2024, 16:27 PM IST
ଗତ କିଛିଦିନ ହେଲା ଯାତ୍ରା ଜଗତରେ କିଛିଟା ସମସ୍ୟା ଦେଖିବାକୁ ମିଳିଛି। ବାଙ୍ଗିରିପୋଷି ଘାଟିରେ ଧଉଳି ଗଣନାଟ୍ୟର ଟ୍ରକ ଓଲଟିପଡ଼ିବାରୁ ଏଥିରେ ୬ ଜଣ ଯାତ୍ରା ଶ୍ରମିକଙ୍କର ମୃତ୍ୟୁ ଘଟିଥିଲା । ତେବେ ବାରିପଦା ମେଡିକାଲରେ ଚିକିତ୍ସାଧୀନ ଧଉଳି ଗଣନାଟ୍ୟର ଶ୍ରମିକଙ୍କୁ ଭେଟିଥିଲେ ଯାତ୍ରା ଅଭିନେତ୍ରୀ ରାଣୀ ପଣ୍ଡା। ଆଉ ଏହା ପରେ ଆରମ୍ଭ ହୋଇଥିଲା ଅସଲ କାରନାମା । ଏହାକୁ ଆକ୍ଷେପ କରି ଆଉ ଏକ ଯାତ୍ରା କଳାକାର ରାଣୀ ପଣ୍ଡାଙ୍କୁ ସାହାଯ୍ୟ କରିବାକୁ ନେଇ ଦେଖେଇ ହେଉଥିବା କଥା କହିଥିଲେ । ହେଲେ ଏହାକୁ କାଉଣ୍ଟର କରିଥିଲେ ରାଣୀ ପଣ୍ଡା । ମାତ୍ର ନିଜ ଇନଷ୍ଟା ପେଜରେ କିଛି ଘଣ୍ଟା ପୂର୍ବରୁ ଅପଲୋଡ ହୋଇଥିବା ଭିଡିଓ ରେ ତାଙ୍କ ଘରକୁ ଆସି ହତ୍ୟା କରିବାର ଧମକ ଦେଇଥିବା ଅଭିଯୋଗ ହୋଇଛି।