Dr Rajendra Audio: ଏଜେଣ୍ଟ ସହ ଡିଲ୍ କରୁଥିବା ବେଳେ ଭାଇରାଲ ହେଉଛି ଡ. ରାଜେନ୍ଦ୍ର ପାଣିଗ୍ରାହୀଙ୍କ ଅଡିଓ

ପାରାଦୀପ ବନ୍ଦର ସ୍ବାସ୍ଥ୍ୟ ଅଧିକାରୀ ରାଜେନ୍ଦ୍ର ନାରାୟଣ ପାଣିଗ୍ରାହୀଙ୍କୁ ସିବିଆଇ ଗିରଫ କରିବା ପରେ ଏବେ ତାଙ୍କର କାରନାମାକୁ ନେଇ ସବୁଠି ଚର୍ଚ୍ଚା। ଡାକ୍ତର ପାଣିଗ୍ରାହୀଙ୍କର ଏକାନ୍ତ ସହଯୋଗୀ କୁହାଯାଉଥିବା ସନ୍ତୋଷ ସାହୁ ଏହି କାରବାରରେ କାର୍ପଟଦାର ସାଜିଥିବା ବେଳେ ସେ ବି ଏଥିରେ ଫସିବାକୁ ନେଇ ଚିନ୍ତାରେ ପଡିଛନ୍ତି। ସିବିଆଇ ଚଢ଼ଉ ଦିନ ସେ ପୁରୀ ଯାଇଥିବାରୁ ବର୍ତି ଯାଇଥିବା କୁହାଯାଉଛି। ତାଙ୍କ ବିରୋଧରେ ଖୋଲାଖୋଲି ଭାବେ କିଛି ସିପିଂ କମ୍ପାନି ର ଏଜେଣ୍ଟ ଓ ପୂର୍ବତନ କର୍ମଚାରୀ ମୁହଁ ଖୋଲିବା ଆରମ୍ଭ କରିଛନ୍ତି। କେଉଁ ସିପିଂ କମ୍ପାନି କେତେ ଟଙ୍କା ଦେବ ଓ କେଉଁ ଜାହାଜର କ୍ୟାପଟେନ୍ ବିଦେଶୀ ସାମଗ୍ରୀ ଦେବ, ଉକ୍ତ ଯୁବକ ହିଁ ସବୁ ଡିଲ୍ କରନ୍ତି। ବର୍ତ୍ତମାନ ଏହି ଯୁବକଙ୍କୁ ସିବିଆଇ ତଦନ୍ତ ପରିସରଭୁକ୍ତ କରିବ କି ନାହିଁ, ଏହା ଉପରେ ସମସ୍ତଙ୍କ ନଜର।