Child Burnt Alive: ବରଯାତ୍ରୀ ହୋଇଥିଲେ ଏକାଠି, ପେଟ୍ରୋଲ ଦେବା ବେଳେ ଜୀବନ୍ତ ଜଳିଗଲା ଶିଶୁ
Fri, 08 Dec 2023-10:39 am,
Shocking News: ଏବେ ଚାରିଆଡେ ବିବାହ ଋତୁ। ଏହି ସମୟରେ କେନ୍ଦ୍ରାପଡ଼ା ପଟ୍ଟାମୁଣ୍ଡାଇ ବଡପଡା ଗାଁର ଅଘଟଣ ସାରା ରାଜ୍ୟକୁ ଚକିତ କରିଛି । ବରଯାତ୍ରୀଙ୍କୁ ପେଟ୍ରୋଲ ବାଣ୍ଟୁଥିବା ସମୟରେ ନିଆଁଲାଗି ଜଣେ ୫ ବର୍ଷର ନାବାଳକର ମୃତ୍ୟୁ ହୋଇଛି । ନିଆଁରେ ଅନ୍ୟ ଦୁଇଜଣ ଗୁରୁତର ହୋଇଛନ୍ତି । ସୂଚନା ଅନୁସାରେ, ବଡପଡା ଗାଁରେ ଏକ ବରଯାତ୍ରୀରେ ସାମିଲ ହେବାକୁ ଲୋକେ ଏକାଠି ହୋଇଥିଲେ । କନିଆ ଘରକୁ ପ୍ରୋସେସନର ଯିବାକୁ ବରପକ୍ଷଙ୍କୁ ପେଟ୍ରୋଲ ବଣ୍ଟାଯାଇଥିଲା । ଏହି ସମୟରେ ଜଣେ ଲୋକ ସିଗାରେଟ୍ ଟାଣୁଥିବାବେଳେ ପ୍ରଥମେ ଘରେ ନିଆଁଲାଗିଯାଇଥିଲା । ଦୁଇ ବଖରା ଘର ଜଳିବା ସହ ୫ ବର୍ଷର ନାବାଳକ ଜୀବନ୍ତ ଜଳିଯାଇଥିଲା । ଏହି ଘଟଣା ପରେ ପୂରା ଗାଁରେ ଶୋକାକୂଳ ପରିବେଶ ସୃଷ୍ଟି ହୋଇଛି ।