Lighting Death: ବଜ୍ରାଘାତ ନେଇ ଗଲା ଜୀବନ , ୫ ମୃତ୍ୟୁ, ଏବେ ବି ଜୀବନ ସହ ଲଢ଼ୁଛନ୍ତି ୭
ପ୍ରିୟମ୍ବଦା ରଣା Thu, 17 Aug 2023-12:45 pm,
Lighting Death: ବାଲେଶ୍ଵର ଜିଲ୍ଲା ବସ୍ତା ବ୍ଲକ ଏବଂ ରାସଗୋବିନ୍ଦପୁର ବ୍ଲକ ଅନ୍ତର୍ଗତ ୭ ଟି ପୃଥକ୍ ପୃଥକ୍ ଗ୍ରାମରେ ୧୨ ଜଣ ବଜ୍ରାଘାତର ଶିକାର ହୋଇଛନ୍ତି । ସୂଚନା ଅନୁଯାୟୀ ବୁଧବାର ଅପରାହ୍ନ ୩: ୩୦ ମିନିଟ ସମୟରେ ଭୀଷଣ ବର୍ଷା ସାଙ୍ଗକୁ ବଜ୍ରପାତ ହୋଇଥିଲା ଫଳରେ ଏହି ବଜ୍ରପାତରେ ମହାଦେବ ସରାଇ ଗ୍ରାମର କାହ୍ନୁ ମୁର୍ମୁ (୧୨) ପଣିସା ପଡ଼ା ଗ୍ରାମର ମକରା ନନ୍ଦ ବେହେରା (୫୧) ଓ ସୁଲେମାନପୁର ଗ୍ରାମର ଗୋପାଳ ବିନ୍ଧାଣି(୩୧) , ବେଲଗାଁ ର ଶମ୍ଭୁନାଥ ସାହୁ(୫୦) ଙ୍କ ସହ ରାସଗୋବିନ୍ଦପୁର ବ୍ଲକ ର ବଧି ଗ୍ରାମ ର ସବିତା ରାମ (୩୫) ସହିତ ୫ ଜଣ ମୃତ ହୋଇଥିବା ବେଳେ ଦସରାପଦା,ମହାଦେବ ସରାଇ,ମାଛିଆ ଓ ଟିକରା ପଡା ଗ୍ରାମରେ ମୋଟ ୭ ଜଣ ଗୁରୁତର ଓ ଆହତ ଙ୍କୁ ବସ୍ତା ହସ୍ପିଟାଲ ରେ ଭର୍ତ୍ତି କରାଯାଇଥିଲା ବେଳେ ଗୁରୁତର ମାନଙ୍କୁ ବାଲେଶ୍ଵର ମୁଖ୍ୟ ଡାକ୍ତରଖାନାକୁ ୧୦୮ ଆମ୍ବୁଲାନ୍ସ ଯୋଗେ ପଠାଯାଇଛି ।