Sambit Routray: ସମ୍ବିତ ରାଉତରାୟଙ୍କ ବିରୋଧରେ ବିଜେଡି କର୍ମୀ ଓ ଛାମୁଆ ନେତାଙ୍କ ମେଳି
Mon, 08 Apr 2024-2:26 pm,
ପାରାଦୀପ ବିଧାୟକ ସମ୍ବିତ ରାଉତରାୟ ଙ୍କ ବିରୋଧରେ ଦଳର କେତେକ କର୍ମୀ ସ୍ବର ଉଠାଇଛନ୍ତି। ପାରାଦୀପ ନିର୍ବାଚନ ମଣ୍ଡଳୀ ର କୁଜଙ୍ଗ ଓ ରାହାମା ପରେ ଏବେ ପାରାଦୀପ ରେ ବିଧାୟକଙ୍କ ବିରୋଧରେ ମେଳି ହୋଇଛନ୍ତି ବିଜେଡି କର୍ମୀ ଓ ଛାମୁଆ ନେତା। ପାରାଦୀପ ନିର୍ବାଚନ ମଣ୍ଡଳୀ ରେ ବିଧାୟକ ସମ୍ବିତ ରାଉତରାୟ ଓ ତାଙ୍କ ପରିବାର ର କାହାରି କୁ ପାର୍ଥୀ ନକରିବା ପାଇଁ ଦାବୀ କରିଛନ୍ତି କେତେକ କର୍ମୀ। କୁଜଙ୍ଗ ବୈଠକରେ ବିଧାୟକ ଦେଇଥିବା କଟୁ ମନ୍ତବ୍ୟ କୁ ଦୃଢ଼ ଜବାବ ଦେଇଛନ୍ତି ବିରୋଧୀ। ପାରାଦୀପ ଶ୍ରମିକ ଭବନ ରେ ଅନେକ ବିଜେଡି କର୍ମୀ ନେତା ଓ ପାରିଷଦ ବିଧାୟକ ସମ୍ବିତ ରାଉତରାଏ ଙ୍କୁ କିମ୍ବା ତାଙ୍କ ପରିବାର ରୁ କାହାରିକୁ ଟିକେଟ ନଦେବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କୁ ସାମ୍ବାଦିକ ସମ୍ମିଳନୀ ମାଧ୍ୟମରେ ଅନୁରୋଧ କରିଛନ୍ତି । ଯଦି ତାଙ୍କୁ କିମ୍ବା ତାଙ୍କ ପରିବାର ମଧ୍ୟରୁ କାହାରିକୁ ଟିକେଟ ଦିଆଯାଏ ତେବେ ଦୃଢ଼ ବିରୋଧ ହେବ ବୋଲି ସେମାନେ ଚେତାବନି ଦେଇଛନ୍ତି। ଚଳିତ ନିର୍ବାଚନ କୁ ନେଇ ପାରାଦୀପ ନିର୍ବାଚନ ମଣ୍ଡଳୀ ରେ ବିଜେଡି ଗୋଷ୍ଠୀ କନ୍ଦଳ ଏବେ ଦିନକୁ ଦିନ ତୀବ୍ର ହେବାରେ ଲାଗୁଚି। ଦିନେ ଦୁଇଦିନ ଅନ୍ତରରେ ଦୁଇ ଗୋଷ୍ଠୀ ପରସ୍ପରକୁ ଆକ୍ଷେପ ପ୍ରତିଆକ୍ଷେପ କରିବାକୁ ମଧ୍ଯ ପଛାଉ ନାହାନ୍ତି।