ପ୍ରଭୁ ରାମଙ୍କୁ ମାଂସାହାରୀ କହି ବିବାଦରେ ନୟନତାରା, Netflix ରୁ ହଟିଲା ଏହି ସୁପରହିଟ୍ ଫିଲ୍ମ
Jan 11, 2024, 19:31 PM IST
![](data:image/svg+xml;base64,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)
Nayanthara: ସାଉଥ ସିନେମାର ଲେଡି ସୁପରଷ୍ଟାର ନୟନଥାରାଙ୍କ ଫିଲ୍ମ 'ଅନ୍ନପୂର୍ଣ୍ଣି'(Annapoorani) ବିବାଦ ଘେରରେ ପଶିଛି । ଯାହାକୁ ନେଇ ଅନେକ ଲୋକ ବିରୋଧ କରିବା ପରେ ଏକ ବଡ଼ ଅପଡେଟ ସାମ୍ନାକୁ ଆସିଛି । କାରଣ ଏହିଫିଲ୍ମରେ ପ୍ରଭୁ ଶ୍ରୀ ରାମଙ୍କୁ ‘ମାଂସ ଭୋଜନକାରୀ’ ବା ମାଂସାହାରୀ ବୋଲି ଦର୍ଶାଯାଇଛି । ସୋସିଆଲ ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ମୁକ୍ତିଲାଭ କରିଥିବା ଏହି ଚଳଚ୍ଚିତ୍ର ବିରୋଧରେ ଲୋକମାନେ ଅନେକ ମନ୍ତବ୍ୟ ଦେଇଥିଲେ। କିନ୍ତୁ ବର୍ତ୍ତମାନ ହିନ୍ଦୁମାନଙ୍କ ବିଶ୍ୱାସକୁ ଦୃଷ୍ଟିରେ ରଖି ଏହି ଚଳଚ୍ଚିତ୍ରକୁ OTT ପ୍ଲାଟଫର୍ମରୁ ହଟାଇ ଦିଆଯାଇଥିବା ଜଣାପଡି଼ଛି। ଏନେଇ ଦକ୍ଷିଣ ଚଳଚ୍ଚିତ୍ରର ବିଶେଷଜ୍ଞ Christopher Kanagaraj ତାଙ୍କ ଅଫିସିଆଲ୍ ଏକ୍ସ ଆକାଉଣ୍ଟରେ ପୋଷ୍ଟ କରିଛନ୍ତି। ସେ ଏକ ପୋଷ୍ଟରେ ଲେଖିଛନ୍ତି, 'ଏକ ସପ୍ତାହ ପୂର୍ବରୁ ନେଟଫ୍ଲିକ୍ସରେ ମୁକ୍ତିଲାଭ କରିଥିବା ସାଉଥ ଲେଡି ସୁପରଷ୍ଟାରକୁ ବର୍ତ୍ତମାନ ଷ୍ଟ୍ରିମିଂ ପ୍ଲାଟଫର୍ମରୁ ହଟାଇ ଦିଆଯାଇଛି। ଏହା ବ୍ୟତୀତ VHP ପ୍ରବକ୍ତା ଶ୍ରୀରାଜ ନାୟାର (Shriraj Nair) ତାଙ୍କ ଆକାଉଣ୍ଟରେ ଏକ ପୋଷ୍ଟରେ ଲେଖିଛନ୍ତି, 'ଆମେ ଖୁସି ଯେ Zee Studios ଏହାର ଭୁଲ ହୃଦୟଙ୍ଗମ କରିଛନ୍ତି ଏବଂ ଲେଖାଯାଇଛି ଯେ, ଆମେ କୌଣସି ଚଳଚ୍ଚିତ୍ରର ସୃଜନଶୀଳ ସ୍ୱାଧୀନତା ଉପରେ ହସ୍ତକ୍ଷେପ କରିନାହୁଁ। ଏବଂ ହିନ୍ଦୁମାନଙ୍କ ଭାବନାକୁ ଉପହାସ କରିବାକୁ କଦାପି ବରଦାସ୍ତ କରାଯିବ ନାହିଁ। 'ନେଟଫ୍ଲିକ୍ସରୁ ଫିଲ୍ମ ହଟାଇବା ପରେ ଜି ଷ୍ଟୁଡିଓ (Zee Studios) ବିଶ୍ୱ ହିନ୍ଦୁ ପରିଷଦକୁ କ୍ଷମା ମାଗିଥିବା ଜଣାପଡ଼ିଛି। ତାଙ୍କ ତରଫରୁ କୁହାଯାଇଛି ଯେ ଏହି ଚଳଚ୍ଚିତ୍ରର ସହ-ନିର୍ମାତା ଭାବରେ ଆମର ହିନ୍ଦୁ ଏବଂ ବ୍ରାହ୍ମଣ ସମ୍ପ୍ରଦାୟର ଧାର୍ମିକ ଭାବନାକୁ କ୍ଷତି ପହଞ୍ଚାଇବାକୁ ଆମର ଉଦ୍ଦେଶ୍ୟ ନଥିଲା ଏବଂ ସମ୍ପୃକ୍ତ ସମ୍ପ୍ରଦାୟର ଭାବନାରେ ହୋଇଥିବା କୁଠାରଘାତ ପାଇଁ ଆମେ କ୍ଷମା ମାଗିବାକୁ ଚାହୁଁଛୁ'।