ବଲିଉଡ଼ ଅଭିନେତ୍ରୀଙ୍କ ଗାଡ଼ି ଧକ୍କାରେ ଦମ୍ପତି ମୃତ, ଦେଖନ୍ତୁ ଲୋମଟାଙ୍କୁରା ଭିଡ଼ିଓ
ପ୍ରଭୁଦତ୍ତ ମହାରଣା Wed, 04 Oct 2023-1:57 pm,
ବଲିଉଡ଼ର କିଙ୍ଗଖାନ ଶାହାରୁଖ ଖାନ ଏବଂ ଆଶୁତୋଷ ଗୋୱାରିକରଙ୍କ ଫିଲ୍ମ ସ୍ୱଦେଶରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିବା ଗାୟତ୍ରୀ ଯୋଶୀ ଇଟାଲୀରେ ଏକ ଦୁର୍ଘଟଣାର ଶିକାର ହୋଇଛନ୍ତି। ସେ ତାଙ୍କ ସ୍ୱାମୀ ବିକାଶ ଓବରୋଇଙ୍କ ସହ ଯାତ୍ରା କରୁଥିବା ବେଳେ ଦୁର୍ଘଟଣାର ଶିକାର ହୋଇଥିଲେ। ଏହି ସମୟରେ ତାଙ୍କ ଲମ୍ବୋର୍ଗିନି କାର୍ ଓଭରଟେକ୍ କରୁଥିବାବେଳେ ଫେରେରୀ ସହିତ ମୁହାଁମୁହିଁ ଧକ୍କା ହୋଇଥିଲା। ଉଭୟ କାର ଏକାସାଙ୍ଗରେ କ୍ୟାମ୍ପର୍ ଭ୍ୟାନ୍କୁ ଅତିକ୍ରମ କରିବାକୁ ଚେଷ୍ଟା କରୁଥିଲେ। ତା’ପରେ ଦୁର୍ଘଟଣା ଘଟିଥିଲା।| ଏହି ଦୁର୍ଘଟଣାରେ ଗାୟତ୍ରୀ ଏବଂ ବିକାଶ ସୁରକ୍ଷିତ ଥିବା କୁହାଯାଉଛି। କିନ୍ତୁ ଫେରେରୀରେ ଥିବା ଦମ୍ପତିଙ୍କର ମୃତ୍ୟୁ ହୋଇଥିବା ନେଇ ସୂଚନା ରହିଛି। ମୃତକହେଲେ ମେରାଇସା କ୍ରୋଟଲି (63) ଏବଂ ମାର୍କସ କ୍ରୋଟଲି (67)।