Weather Update: ହଠାତ ବଦଳିଗଲା ପାଗ, ଛେଚିଲା କଳାହାଣ୍ଡିଆ ମେଘ

Weather Update: ନୂଆଦିଲ୍ଲୀ: ମଙ୍ଗଳବାର ସନ୍ଧ୍ୟାରେ ଦିଲ୍ଲୀ-ଏନସିଆରରେ ହଠାତ୍ ପାଗ ବଦଳିଯାଇଛି। ସନ୍ଧ୍ୟା ସାଢେ ୫ଟାରେ ଦିଲ୍ଲୀ ଓ ଏହାର ଆଖପାଖ ଅଞ୍ଚଳରେ କାଳ ବୈଶାଖି ପ୍ରଭାବରେ ଅନ୍ଧାରମୟ ହୋଇ ଯାଇଥିଲା। ପ୍ରବଳ ପବନ ପ୍ରବାହିତ ହେବାକୁ ଲାଗିଲା, ଯେଉଁଥିପାଇଁ ତାପମାତ୍ରା ହ୍ରାସ ପାଇଲା। ସୂଚନାନୁସାରେ, ନୋଏଡା, ଗ୍ରେଟର ନୋଏଡା ଏବଂ ଗୁଡଗାଓଁରେ ହାଲୁକା ବର୍ଷା ହୋଇଛି। ଏଥି ସହିତ ଦିଲ୍ଲୀ, ଫରିଦାବାଦ ଏବଂ ଗାଜିଆବାଦର ବିଭିନ୍ନ ଅଞ୍ଚଳରେ ପାଗ ମେଘୁଆ ରହିଛି। ଆସନ୍ତା କିଛି ଘଣ୍ଟା ମଧ୍ୟରେ ଏଠାରେ ହାଲୁକା ବର୍ଷା ହୋଇପାରେ ବୋଲି ପାଣିପାଗ ବିଭାଗ ଆକଳନ କରିଛି।

ପାଣିପାଗ ବିଭାଗର ଆଲର୍ଟ
ସୂଚନା ଅନୁଯାୟୀ, ଆଜି ଦିଲ୍ଲୀରେ ସର୍ବାଧିକ ତାପମାତ୍ରା ୩୭.୬ ଡିଗ୍ରୀ ସେଲସିୟସ ଏବଂ ସର୍ବନିମ୍ନ ତାପମାତ୍ରା ୨୨.୬ ଡିଗ୍ରୀ ସେଲସିୟସ ରହିଥିଲା। ଯେତେବେଳେ ସନ୍ଧ୍ୟାରେ ଏହା ବିଭିନ୍ନ ଅଞ୍ଚଳରେ ଦୁଇ ରୁ ପାଞ୍ଚ ଡିଗ୍ରୀ ହ୍ରାସ ରେକର୍ଡ କରିଥିଲା। ପାଣିପାଗ ବିଭାଗ ଅନୁଯାୟୀ, ଏନଆରସିର ରୋହତକ, ମିରଟ, ମୋଦିନାଗର ଏବଂ ବାଗପାଟରେ ବର୍ଷା ହେବାର ଆଶଙ୍କା ରହିଛି।

ଘଣ୍ଟାପ୍ରତି ୭୦ କିଲୋମିଟର ପ୍ରତି ପବନ ବହିବ
ପାଣିପାଗ ବିଭାଗ ଅନୁଯାୟୀ, ଏନସିଆରର ବିଭିନ୍ନ ସ୍ଥାନରେ ଘଣ୍ଟା ପ୍ରତି ୪୦ ରୁ ୭୦ କିଲୋମିଟର ବେଗରେ ପବନ ବହିବା ନେଇ ପାଣିପାଗ ବିଭାଗ ସତର୍କ ସୂଚନା ଜାରି କରିଛି। ଏଥି ସହିତ ଦିଲ୍ଲୀର ବିଭିନ୍ନ ଅଞ୍ଚଳରେ ନରେଲା, ବାୱାନା, ଆଲିପୁର, ବୁରାରୀ, କଞ୍ଜୱାଲା, ରୋହିଣୀ, ବାଡିଲି, ମଡେଲ ଟାଉନ ଇତ୍ୟାଦିରେ ହାଲୁକା ବର୍ଷା ହେବାର ସମ୍ଭାବନା ରହିଛି। ଏହା ପୂର୍ବରୁ ସୋମବାର ଦିନ ଦିଲ୍ଲୀର ବିଭିନ୍ନ ଅଞ୍ଚଳରେ ହାଲୁକା ବର୍ଷା ହୋଇଥିଲା। ପାଣିପାଗ ବିଭାଗର ତଥ୍ୟ ଅନୁଯାୟୀ ପୁସା ଅଞ୍ଚଳରେ ୩.୫ ମିଲିମିଟର ବର୍ଷା ହୋଇଥିବା ବେଳେ ମୟୂର ବିହାର, ରାଜଘାଟ, ପିତମପୁରରେ ଦୁଇ ମିଲି ମିଟର ବର୍ଷା ହୋଇଥିଲା।  ଯେଉଁଠାରେ ନରେଲାରେ ପାଞ୍ଚ ମିଲିମିଟର ବର୍ଷା ହୋଇଥିଲା। ମଙ୍ଗଳବାର ସକାଳେ ତାପମାତ୍ରା ସ୍ୱାଭାବିକଠାରୁ ଦୁଇ ଡିଗ୍ରୀ ହ୍ରାସ ପାଇଥିବାର ଦେଖାଯାଇଥିଲା।

ଆଗକୁ ବଢିବ ଗରମ
ପାଣିପାଗ ବିଭାଗ ଅନୁଯାୟୀ ୨୩ ଏପ୍ରିଲରେ ଅରୁଣାଚଳ ପ୍ରଦେଶରେ ପ୍ରବଳ ବର୍ଷା ହୋଇଛି। ଏହା ବ୍ୟତୀତ ପଶ୍ଚିମବଙ୍ଗ, ବିହାର, ଓଡିଶା, ଉତ୍ତରପ୍ରଦେଶ, ଝାଡଖଣ୍ଡ, ତେଲେଙ୍ଗାନା ଏବଂ କର୍ଣ୍ଣାଟକରେ ୨୭ ଏପ୍ରିଲରେ ହିଟ ୱେଭ ହେବାର ଆଶଙ୍କା ରହିଛି। ଆଗାମୀ କିଛି ଦିନ ମଧ୍ୟରେ ଏହି ଅଞ୍ଚଳରେ ତାପମାତ୍ରା ବୃଦ୍ଧି ପାଇବାର ଆକଳନ କରିଛି ପାଣିପାଗ ବିଭାଗ।