Weather Update: ନୂଆଦିଲ୍ଲୀ: ପାଣିପାଗ ବିଭାଗ ଏହାର ପୂର୍ବାନୁମାନରେ ସାରା ଦେଶରେ ପାଣିପାଗର ସ୍ପଷ୍ଟ ଚିତ୍ର ଦେଇଛି। ଗତ ୨୪ ଘଣ୍ଟା ମଧ୍ୟରେ ଉତ୍ତର ଭାରତ ଉପରେ ହିଟ ୱେଭ ହେବାର ଆଶଙ୍କା ମଧ୍ୟରେ ଉତ୍ତର ପୂର୍ବ ଭାରତ ଏବଂ ଦକ୍ଷିଣ କେରଳ ଏବଂ ଦକ୍ଷିଣ ତାମିଲନାଡୁରେ ହାଲୁକା ବର୍ଷା ହୋଇଥିଲା। ମଧ୍ୟପ୍ରଦେଶ, ମହାରାଷ୍ଟ୍ର, ଉତ୍ତର ଉତ୍ତରପ୍ରଦେଶ ଏବଂ ବିହାର ଏବଂ ଓଡିଶାର କିଛି ଅଂଶ ସ୍ୱାଭାବିକଠାରୁ ୩.୧ ଏବଂ ୫ ଡିଗ୍ରୀ ରହିଥିଲା। ଆଜିର ପାଣିପାଗ ବିଷୟରେ ଆଲୋଚନା କରିବା, ପୂର୍ବ ମଧ୍ୟପ୍ରଦେଶ, ଉତ୍ତର ଆଭ୍ୟନ୍ତରୀଣ କର୍ଣ୍ଣାଟକ, ରୟାଲସିମା ଏବଂ ଗାଙ୍ଗେୟ ପଶ୍ଚିମବଙ୍ଗର ଗୋଟିଏ କିମ୍ବା ଦୁଇଟି ଅଞ୍ଚଳରେ ହିଟ ୱେଭ ସ୍ଥିତି ଉପୁଜିପାରେ। କେନ୍ଦ୍ରୀୟ ମହାରାଷ୍ଟ୍ର ଏବଂ ମରାଠୱାଡାର ବିଭିନ୍ନ ସ୍ଥାନରେ ତାପମାତ୍ରାର ବୃଦ୍ଧି ପାଇବାର ସମ୍ଭାବନା ରହିଛି। 


COMMERCIAL BREAK
SCROLL TO CONTINUE READING

ଆଜିର ପାଣିପାଗ କିଛି ଏପରି ରହିବ
ଘରୋଇ ପାଣିପାଗ ୱେବସାଇଟ୍ ସ୍କାଏମେଟ୍ ପାଣିପାଗ ଆଗାମୀ ୭୨ ଘଣ୍ଟା ପାଇଁ ପାଣିପାଗର ପୂର୍ବାନୁମାନ କରିଛି। ଏଜେନ୍ସି କହିଛି ଯେ ଖୁବ୍ ଶୀଘ୍ର ପାଶ୍ଚାତ୍ୟ ହିମାଳୟକୁ ଏକ ପଶ୍ଚିମା ଝଡ଼ ସୃଷ୍ଟି ହେବାର ସମ୍ଭାବନା ରହିଛି। ୫ ତାରିଖ ପରଠାରୁ ଏହି ପଶ୍ଚିମା ଝଡ଼ ଦେଖିବାକୁ ମିଳିପାରେ ବୋଲି ବିଭାଗ ସୂଚନା ପ୍ରଦାନ କରିଛି। ଏହି କାରଣରୁ ହିମାଳୟର ଉଚ୍ଚ ଭାଗରେ ବର୍ଷା ଏବଂ ତୁଷାରପାତ ଦେଖିବାକୁ ମିଳେ। ଯେଉଁଠାରେ ସମତଳ ଅଞ୍ଚଳରେ ଝିପି ଝିପି ବର୍ଷା ହୋଇପାରେ। ଏପ୍ରିଲ ୩ ରୁ ୬ ତାରିଖ ମଧ୍ୟରେ ପଶ୍ଚିମ ହିମାଳୟ ଉପରେ ହାଲୁକା ଧରଣର ବର୍ଷା ହେବାର ସମ୍ଭାବନା ରହିଛି। ଏପରିକି ହାଲୁକା ତୁଷାରପାତ ହେବାର ସମ୍ଭାବନା ରହିଛି। 


ବର୍ଷା ପାଇଁ ସତର୍କ ସୂଚନା ଜାରି
ପୂର୍ବୋତ୍ତର ଭାରତରେ ହାଲୁକାରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି। ସେହିପରି ଗୋଟିଏ ଦୁଇଟି ସ୍ଥାନରେ ଘଡ଼ଘଡ଼ି ସହିତ ବର୍ଷା ହେବାର ସମ୍ଭାବନା ରହିଛି। ଆଗାମୀ ଦୁଇ ରୁ ତିନି ଦିନ ମଧ୍ୟରେ ପଶ୍ଚିମ ହିମାଳୟରେ ବର୍ଷା ଓ ଉଚ୍ଚ ପାହାଡ଼ରେ ତୁଷାରପାତ ହେବାର ସମ୍ଭାବନା ରହିଛି। ସିକ୍କିମ, କେରଣ ଓ ତାମିଲନାଡ଼ୁର ଦକ୍ଷିଣାଞ୍ଚଳରେ ହାଲୁକା ଧରଣର ବର୍ଷା ହେବାର ସମ୍ଭାବନା ରହିଛି। ସେହିପରି ଲକ୍ଷ୍ନୌ ପାଣିପାଗ ବିଭାଗ କେନ୍ଦ୍ର ଅନୁଯାୟୀ ବୁଧବାର ହାଲୁକା ଧରଣର ପବନ ହେବ। ତାପମାତ୍ରା ବଢିବ। ଗୁଳୁଗୁଳିର ମାତ୍ରା ବଢିବ। ଆସନ୍ତା ୪ ଓ ୫ ତାରିଖରେ କିଛି ସ୍ଥାନରେ ବର୍ଷା ଓ ଝଡ଼ ତୋଫାନ ହେବାର ସମ୍ଭାବନା ରହିଛି। ସେହିପରି ଉତ୍ତର ପ୍ରଦେଶର ପୂର୍ବ ଭାଗରେ କୂଆପଥର ବର୍ଷା ହେବାର ସମ୍ଭାବନା ରହିଛି।