ਦੁਨੀਆ 'ਚ ਸਭ ਤੋਂ ਵੱਡੇ ਹਨ ਇਸ ਔਰਤ ਦੇ ਬੁੱਲ, ਨੱਕ ਰਾਹੀਂ ਸਾਹ ਲੈਣਾ ਵੀ ਹੁੰਦਾ ਔਖਾ!

25 ਸਾਲਾ ਐਂਡਰੀਆ ਇਵਾਨੋਵਾ ਪੇਸ਼ੇ ਤੋਂ ਇੱਕ ਸੋਸ਼ਲ ਮੀਡੀਆ ਇੰਫਲੁਇੰਸਰ ਹੈ ਤੇ ਆਪਣੇ ਬੁੱਲ ਵੱਡੇ ਕਰਨ ਲਈ ਲੱਖਾਂ ਰੁਪਏ ਖ਼ਰਚ ਕਰ ਚੁਕੀ ਹੈ।

ਹੁਣ ਆਪਣੇ ਵੱਡੇ ਬੁੱਲ੍ਹਾਂ ਕਾਰਨ ਪੂਰੀ ਦੁਨੀਆ 'ਚ ਮਸ਼ਹੂਰ ਹੈ ਐਂਡਰੀਆ ਇਵਾਨੋਵਾ! ਡੇਲੀ ਸਟਾਰ ਦੀ ਰਿਪੋਰਟ ਮੁਤਾਬਕ ਐਂਡਰੀਆ ਇਵਾਨੋਵਾ ਦੁਨੀਆ ਦੀ ਸਭ ਤੋਂ ਵੱਡੀ ਬੁੱਲ੍ਹਾਂ ਵਾਲੀ ਔਰਤ ਹੈ।

ਐਂਡਰੀਆ ਨੇ ਆਪਣੇ ਲੁੱਕ 'ਚ ਬਦਲਾਅ ਕਰਨ ਲਈ ਸਾਲ 2018 ਵਿੱਚ ਲਿਪ ਫਿਲਿੰਗ ਸ਼ੁਰੂ ਕੀਤਾ ਤੇ ਇਹ ਸਿਲਸਿਲਾ ਅਜੇ ਵੀ ਜਾਰੀ ਹੈ। ਐਂਡਰੀਆ ਦੇ ਬੁੱਲ੍ਹ ਇੰਨੇ ਵੱਡੇ ਹੋ ਗਏ ਹਨ ਕਿ ਉਸ ਨੂੰ ਹੁਣ ਸਾਹ ਲੈਣ 'ਚ ਵੀ ਤਕਲੀਫ਼ ਹੁੰਦੀ ਹੈ।

ਇੰਨੀ ਵਾਰ ਫਿਲਿੰਗ ਕਰਵਾਉਣ ਤੋਂ ਬਾਅਦ ਵੀ ਉਹ ਰੁਕਣਾ ਨਹੀਂ ਚਾਹੁੰਦੀ।

ਐਂਡਰੀਆ ਨੇ ਖੁਦ ਇਕ ਇੰਟਰਵਿਊ 'ਚ ਦੱਸਿਆ ਕਿ ਹੁਣ ਡਾਕਟਰਾਂ ਨੇ ਵੀ ਉਸ ਨੂੰ ਕਿਹਾ ਹੈ ਕਿ ਇਸ ਤੋਂ ਜ਼ਿਆਦਾ ਫਿਲਿੰਗ ਨਹੀਂ ਕਰਨੀ ਚਾਹੀਦੀ ਪਰ ਉਹ ਰੁਕਣਾ ਨਹੀਂ ਚਾਹੁੰਦੀ।

ਲੱਖਾਂ ਖ਼ਰਚ ਕਰਨ ਤੋਂ ਬਾਅਦ ਹੁਣ ਐਂਡਰੀਆ ਆਪਣੇ ਲਈ ਬੁਆਏਫਰੈਂਡ ਦੀ ਤਲਾਸ਼ ਕਰ ਰਹੀ ਹੈ। ਪਰ ਇਸ ਲੁੱਕ ਕਾਰਨ ਕੋਈ ਵੀ ਲੜਕਾ ਉਸ ਨੂੰ ਪਸੰਦ ਨਹੀਂ ਕਰ ਰਿਹਾ।

ਐਂਡਰੀਆ ਦਾ ਕਹਿਣਾ ਹੈ ਕਿ ਉਹ ਸਿਰਫ਼ ਉਸ ਲੜਕੇ ਨੂੰ ਆਪਣਾ ਸਾਥੀ ਬਣਾਵੇਗੀ ਜੋ ਉਸ ਨਾਲ ਸੜਕ 'ਤੇ ਚੱਲਣ 'ਚ ਸ਼ਰਮ ਮਹਿਸੂਸ ਨਾ ਕਰੇ।