ಬಹುನಿರೀಕ್ಷಿತ ಸಲಾರ್ ಚಿತ್ರದ ಟೀಸರ್ ಇಂದು ಬಿಡುಗಡೆ ಆಗಿದೆ. ಟಾಲಿವುಡ್ ಡಾರ್ಲಿಂಗ್ ಪ್ರಭಾಸ್ ಮತ್ತೊಮ್ಮೆ ಬೆಳ್ಳಿತೆರೆ ಮೇಲೆ ಖಡಕ್ ಲುಕ್​ನಾಗಿ ಬರೋದು ಪಕ್ಕಾ ಎಂದು ಹೇಳುತ್ತಿದೆ ಇಂದು ಬಿಡುಗಡೆಯಾದ ಸಲಾರ್ ಟೀಸರ್

ಜುಲೈ 6 ರಂದು ಬೆಳಿಗ್ಗೆ 5.12 ಕ್ಕೆ ಪ್ರಭಾಸ್ ಅಭಿನಯದ ಸಲಾರ್ ಚಿತ್ರದ ಟೀಸರ್ ಬಿಡುಗಡೆಯಾಯಿತು. ಕೇವಲ 1.46 ನಿಮಿಷದ ತುಣುಕು ನಿಮಗೆ ಚಿತ್ರ ಹೇಗೆ ಸಿದ್ಧವಾಗಿದೆ ಎಂಬುದರನ್ನ ಹೇಳುತ್ತಿದೆ.

ವಿಶೇಷವೆಂದರೆ ಈ ಟೀಸರ್ ಬಿಡುಗಡೆಗೊಂಡು ಕೆಲವೇ ಗಂಟೆಗಳಲ್ಲಿ 3.8 ಮಿಲಿಯನ್ ವೀಕ್ಷಣೆ ಕಂಡಿದೆ. ಟೀಸರ್ ನೋಡಿದ ಪ್ರಭಾಸ್ ಭಕ್ತಗಣ ಪ್ರಶಾಂತ್ ನೀಲ್ (Director Prashanth Neel) ಅವರ ಕಲ್ಪನೆಗೆ ಉಘೇ ಉಘೇ ಎಂದು ಜೈಕಾರ ಕೂಗುತ್ತಿದ್ದಾರೆ.

ಪ್ರಶಾಂತ್ ನೀಲ್ ಅಂದ್ರೆ ಪರ್ಫೆಕ್ಟ್ ಎಂಬ ಮಾತಿದೆ. ಕೆಜಿಎಫ್ ಮೊದಲ ಮತ್ತು ಎರಡನೇ ಚಾಪ್ಟರ್ ಬಳಿಕ ಬರುತ್ತಿರುವ ಪ್ರಶಾಂತ್ ನೀಲ್ ನಿರ್ದೇಶನದ ಚಿತ್ರ ಇದಾಗಿದೆ.

ಭಾರತದಲ್ಲಿ ಬಹುಬೇಡಿಕೆಯ ನಿರ್ದೇಶಕ ಕೆಜಿಎಫ್ ಖ್ಯಾತಿಯ ನಿರ್ದೇಶಕ ಪ್ರಶಾಂತ್ ನೀಲ್ ಈ ಚಿತ್ರವನ್ನೂ ನಿರ್ದೇಶಿಸಿದ್ದಾರೆ. ಸತತ ಸೋಲುಗಳಿಂದ ಕೆಂಗಟ್ಟಿರುವ ಡಾರ್ಲಿಂಗ್ ಪ್ರಭಾಸ್​ಗೆ ಈ ಟೀಸರ್ ಮತ್ತೆ ಬಾಹುಬಲಿಯ ವೈಭೋಗ ನೀಡುವ ಎಲ್ಲಾ ಲಕ್ಷಣಗಳು ಕಾಣಿಸುತ್ತಿವೆ.

ಪ್ರಭಾಸ್ ಅಭಿನಯದ ಸಲಾರ್ ಚಿತ್ರವನ್ನು 2020 ರಲ್ಲಿ ಘೋಷಿಸಲಾಯಿತು. ಸಲಾರ್ ಭಾಗ 1: CEASEFIRE ಮುಂಬರುವ ಭಾರತೀಯ ಚಲನಚಿತ್ರವಾಗಿದ್ದು, ಇದು ಖ್ಯಾತ ನಿರ್ದೇಶಕ ಪ್ರಶಾಂತ್ ನೀಲ್ ಮತ್ತು ಸೂಪರ್‌ಸ್ಟಾರ್ ಪ್ರಭಾಸ್ ಅವರ ಕನಸಿನ ತಂಡವನ್ನು ಮೊದಲ ಬಾರಿಗೆ ಒಟ್ಟುಗೂಡಿಸುತ್ತದೆ.

ಈ ಮೆಗಾ ಪ್ರಾಜೆಕ್ಟ್ ಅನ್ನು ಯಶಸ್ವಿ ಕೆಜಿಎಫ್ ಫ್ರ್ಯಾಂಚೈಸ್ ತಯಾರಕರಾದ ಹೊಂಬಾಳೆ ಫಿಲ್ಮ್ಸ್‌ನ ವಿಜಯ್ ಕಿರಗಂದೂರು ನಿರ್ಮಿಸಿದ್ದಾರೆ. ಕೆಜಿಎಫ್ ಸಂಗೀತ ಸಂಯೋಜಕ ರವಿ ಬಸ್ರೂರ್ ಮತ್ತೆ ಪ್ರಶಾಂತ್ ನೀಲ್ ಅವರೊಂದಿಗೆ ಚಿತ್ರಕ್ಕಾಗಿ ಕೈಜೋಡಿಸಿದ್ದಾರೆ.

ಇನ್ನು ಸಲಾರ್ ಶುರುವಾದಾಗಿಂದಲೂ ಒಂದಲ್ಲ ಒಂದು ವಿಷ್ಯದಲ್ಲಿ ಸೆನ್ಸೇಷನ್ ಕ್ರಿಯೇಟ್ ಮಾಡ್ತಾನೇ ಇದೆ. ಕಾಸ್ಟಿಂಗ್, ಸೆಟ್​, ಶೂಟಿಂಗ್, ಲುಕ್​ ಹೀಗೆ ಪ್ರತಿ ಹೆಜ್ಜೆಯಲ್ಲೂ ಥ್ರಿಲ್ ಹೆಚ್ಚಿಸುತ್ತಲೇ ಹೋಯ್ತು.. ಕೆಜಿಎಫ್​ನಲ್ಲಿ ಎಷ್ಟು ವೈಲೆನ್ಸ್​ ನೋಡಿದ್ರೋ, ಎಷ್ಟು ಆ್ಯಕ್ಷನ್ ನೋಡಿದ್ರೋ ಅದಕ್ಕಿಂತ ಹೆಚ್ಚು ಪಟ್ಟು ಸಲಾರ್​ನಲ್ಲಿ ಇರುತ್ತೆ ಅನ್ನೋದು ಹೈಲೈಟ್.

ಈ ಎಲ್ಲಾ ಹೈಲೈಟ್​ಗಳೊಂದಿಗೆ ತಯಾರಾಗ್ತಿದ್ದ ಸಲಾರ್​ ಇಂದು ಶೂಟಿಂಗ್ ಕಂಪ್ಲೀಟ್​ ಮಾಡಿ ಫಸ್ಟ್​ ಝಲಕ್ ತೋರಿಸಿದೆ.

ಸಲಾರ್ ಸೆಪ್ಟೆಂಬರ್ 28 ರಂದು ತೆಲುಗು, ತಮಿಳು, ಕನ್ನಡ, ಮಲಯಾಳಂ ಮತ್ತು ಹಿಂದಿಯಲ್ಲಿ ಬಿಡುಗಡೆಯಾಗಲಿದೆ.