ഈ വർഷത്തെ ശിവരാത്രി മാർച്ച് 8നാണ്. അന്നേ ദിവസം വ്രതം അനുഷ്ടിച്ചാൽ ജീവിതത്തിൽ ശിവൻ അനു​ഗ്രഹം ചൊരിയുമെന്നാണ് വിശ്വാസം. ശിവരാത്രി ദിനത്തിൽ ഇന്ത്യയിലെ പല ക്ഷേത്രങ്ങളിലും വിവിധ പൂജാ കർമ്മങ്ങൾ അനുഷ്ടിക്കുന്നു.

ഹിന്ദുമതത്തിൽ ഏറെ പ്രാധാന്യം നൽകുന്ന ദേവനാണ് ശിവൻ. ശിവനുമായി ബന്ധപ്പെട്ട പന്ത്രണ്ട് ജ്യോതിർലിംഗങ്ങളാണ് ഉള്ളത്. അതിൽ നാലാമത്തേതാണ് മധ്യപ്രദേശിലുള്ള ഓംകാരേശ്വര ക്ഷേത്രം.

മധ്യപ്രദേശിലെ ഇൻഡോറിൽ നിന്നും 80 കിലോമീറ്റർ അകലെ നർമ്മദ നദിയുടെ തീരത്ത് ഉയർന്ന കുന്നിൻ മുകളിലായാണ് ഓംകാരേശ്വര ജ്യോതിർലിംഗം സ്ഥിതി ചെയ്യുന്നത്.

ഓംകാറിൻ്റെ ആകൃതിയിലാണ് ഈ ജ്യോതിർലിംഗം, അതായത് ഓം. അതിനാൽ തന്നെ ഈ ജ്യോതിർലിംഗത്തെ ഓംകാരേശ്വർ എന്ന് വിളിക്കുന്നു. ശിവപുരാണത്തിൽ ഓംകാരേശ്വർ ജ്യോതിർലിംഗത്തെ പരമേശ്വര ലിംഗം എന്നും വിളിക്കാറുണ്ട്.

ശിവനും പാർവ്വതിയും രാത്രിയിൽ ഉറങ്ങാനായി ഈ ക്ഷേത്രത്തിലാണ് എത്തുന്നതെന്നും വിശ്വാസമുണ്ട്. ഇവിടെ ഇരുന്നാണ് ഇരുവരും പകിട കളിക്കുന്നതെന്നും വിശ്വസിക്കപ്പെടുന്നു. ശയന ആരതിക്ക് ശേഷം എല്ലാ ദിവസവും രാത്രി ശ്രീകോവിൽ അടച്ചിടും.

ഓംകാരേശ്വർ ജ്യോതിർലിംഗവുമായി ബന്ധപ്പെട്ട്ഇതിനു പിന്നിൽ മതപരമായ ഒരു കഥയുണ്ട്. അതനുസരിച്ച് ഒരിക്കൽ മന്ദാത രാജാവ് ശിവനെ കഠിനമായി തപസ്സുചെയ്‌തു. തുടർന്ന് മഹാദേവൻ പ്രസാദിച്ചു, രണ്ട് വരങ്ങൾ ചോദിക്കാനും ആവശ്യപ്പെട്ടു.

അതിനുശേഷം മാന്ധാത അദ്ദേഹത്തോട് ഈ സ്ഥലത്ത് ഇരിക്കാൻ ആവശ്യപ്പെട്ടു. രാജാവിൻ്റെ നിർദ്ദേശപ്രകാരം ഭോലേനാഥ് ശിവലിംഗ രൂപത്തിൽ ഇവിടെ ഇരിക്കുകയും, അന്നുമുതൽ പരമശിവൻ ഇവിടെ കുടികൊള്ളുന്നുവെന്നും വിശ്വസിക്കുന്നു. അതിനാൽ ഈ പ്രദേശം മാന്ധാത എന്നും അറിയപ്പെടുന്നു.