വ്യത്യസ്ത ലുക്ക് മാത്രമല്ല, ധാരാളം ആരോഗ്യഗുണങ്ങൾ കൂടി നൽകുന്ന ഒരു പഴമാണ് ഡ്രാഗൺ ഫ്രൂട്ട് അഥവാ പിത്തായ പഴം. ഫ്ലേവനോയ്ഡുകൾ, ഫിനോളിക് ആസിഡ്, ബീറ്റാസയാനിൻ തുടങ്ങിയ ആന്റിഓക്‌സിഡന്റുകളാൽ സമ്പുഷ്ടമാണ് ഡ്രാഗൺ ഫ്രൂട്ട്.
കള്ളിചെടി കുടുംബത്തിൽ നിന്ന് വന്ന ഒരു എക്സോട്ടിക്ക് പഴമായ ഡ്രാഗൺ ഫ്രൂട്ട് ഇന്ന് കേരളത്തിൻ്റെ പല ഭാഗങ്ങളിലും വലിയ രീതിയിൽ ഉത്പാദിപ്പിക്കുന്നുണ്ട്.
ഡ്രാഗൺ ഫ്രൂട്ട് വിറ്റാമിൻ സിയുടെയും അയണിൻ്റെയും നല്ല ഉറവിടമായതിനാൽ, പ്രതിരോധശേഷി വർധിപ്പിച്ച് ആരോഗ്യം നിലനിർത്താൻ സഹായിക്കുന്നു.
ഡ്രാഗൺ ഫ്രൂട്ടിൽ ധാരാളം നാരുകൾ അടങ്ങിയിരിക്കുന്നതിനാൽ ദഹനപ്രക്രിയ മെച്ചപ്പെടുത്താനും മലബന്ധം മാറാനുമെല്ലാം ഏറെ നല്ലതാണ്.
ഡ്രാഗൺ ഫ്രൂട്ടിൽ പൊട്ടാസിയും, കാത്സ്യം, മഗ്നീഷ്യം എന്നിവ ധാരാളം അടങ്ങിയിരിക്കുന്നതിനാൽ എല്ലുകളുടെ ആരോഗ്യം മെച്ചപ്പെടുത്താൻ സഹായിക്കുന്നു.
ഡ്രാഗൺ ഫ്രൂട്ടിന് ചുവന്ന നിറം നൽകുന്ന ഘടകമായ ബീറ്റാലെയ്ൻ അടങ്ങിയിരിക്കുന്നു. ഇത് ചീത്ത കൊളസ്ട്രോൾ (LDL കൊളസ്ട്രോൾ) കുറച്ച് ഹൃദയത്തിൻ്റെ ആരോഗ്യം സംരക്ഷിക്കുന്നു.
ധാരാളം നാരുകൾ അടങ്ങിയ ഡ്രാഗൺ ഫ്രൂട്ട് കഴിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു.
ഡ്രാഗൺ ഫ്രൂട്ടിൽ കൊളസ്ട്രോളും കലോറിയും വളരെ കുറവാണ്. അതിനാൽ ശരീരഭാരം കുറയ്ക്കാൻ ഡ്രാഗൺ ഫ്രൂട്ട് വളരെ നല്ലതാണ്.
ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. അത് സ്വീകരിക്കുന്നതിന് മുമ്പ് വൈദ്യോപദേശം സ്വീകരിക്കണം. സീ മലയാളം ന്യൂസ് അത് സ്ഥിരീകരിക്കുന്നില്ല