ഇന്ന് പലരും നേരിടുന്ന പ്രശ്നമാണ് ഉയർന്ന യൂറിക് ആസിഡ് മൂലമുണ്ടാകുന്ന സന്ധിവേദനയും മൂത്രത്തിൽ കല്ലും വൃക്കരോഗങ്ങളുമെല്ലാം. യൂറിസ് ആസിഡ് ശരീരത്തിൽ കൂടുതലായിട്ടുള്ളവർ ഡയറ്റിൽ നിന്നും ഒഴിവാക്കേണ്ട ഭക്ഷണങ്ങൾ ഇവയാണ്.
ബീഫ്, ലാമ്പ്, പോർക്ക് തുടങ്ങിയ റെഡ് മീറ്റുകളിൽ പ്യൂറൈൻ അമിതമായി അടങ്ങിയിരിക്കുന്നു. ഇത് യൂറിക് ആഡിഡ് കൂടാൻ കാരണമാകും. പ്യൂറൈൻ എന്ന രാസസംയുക്തം വിഘടിപ്പിക്കപ്പെടുമ്പോൾ ആണ് യൂറിക് ആസിഡ് ഉണ്ടാകുന്നത്.
ഞണ്ട്, ചെമ്മീൻ, കൊഞ്ച്, കൊഴുവ തുടങ്ങിയ കടൽമത്സ്യങ്ങൾ അമിതമായി കഴിക്കുന്നത് ശരീരത്തിൽ യൂറിക് ആസിഡ് വർധിക്കാൻ കാരണമാകും.
പഞ്ചസാര ധാരാളമടങ്ങിയ കാർബനേറ്റഡ് ഡ്രിങ്ക്സ്, എനർജി ഡ്രിങ്ക്സ്, ഫ്രൂട്ട് ഡ്രിങ്ക്സ് എന്നീ മധുരപാനീയങ്ങൾ കുടിക്കുന്നത് ശരീരത്തിൽ യൂറിക് ആസിഡിൻ്റെ തോത് കൂട്ടാൻ കാരണമാകും.
വൈറ്റ് ബ്രെഡിൽ ധാരാളമായി പ്യൂറൈൻ അടങ്ങിയിരിക്കുന്നു. ഇത് യൂറിക് ആസിഡ് കൂടുതലുള്ളവർ ഒഴിവാക്കുന്നതാണ് നല്ലത്. അതുപോലെ കുക്കീസ്, കേക്ക് എന്നിവ അമിതമായി കഴിച്ചാൽ ബ്ലഡ് ഷുഗർ കൂടുകയും അത് യൂറിക് ആസിഡ് വർധിക്കാൻ കാരണമാകുകയും ചെയ്യും.
ബേക്കൻ, സോസേജ്, ഹോട്ട് ഡോ‍ഗ് തുടങ്ങിയ സംസ്കരിച്ച ഭക്ഷണങ്ങളിൽ ധാരാളം പ്യൂറൈൻ അടങ്ങിയിട്ടുണ്ട്. ഇവ അമിതമായും നിരന്തരവും കഴിച്ചാൽ യൂറിക് ആസിഡ് കൂടാൻ കാരണമാകും.
മഷ്റൂമിൽ വലിയ തോതിൽ പ്യൂറൈൻ അടങ്ങിയിട്ടില്ലെങ്കിലും യൂറിക് ആസിഡ് കൂടി നിൽക്കുന്നവർ ഇത് ഒഴിവാക്കുന്നതാണ് നല്ലത്.
കോളിഫ്ലവർ, ബ്രോക്കൊളി എന്നിവയിൽ പ്യൂറൈൻ്റെ അളവ് കൂടുതലാണ്. ഇവ അമിതമായി കഴിക്കുന്നത് യൂറിക് ആസിഡ് വർധിക്കാൻ കാരണമാകും.
ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. അത് സ്വീകരിക്കുന്നതിന് മുമ്പ് വൈദ്യോപദേശം തേടുക