മീനും ഇറച്ചിയും കഴിക്കാത്തവരിൽ പലരും ചിലപ്പോൾ മുട്ട കഴിക്കാൻ ഇഷ്ടപ്പെടുന്നവരാകും. ശരീരത്തിന് ആവശ്യമായ നിരവധി പോഷകഗുണങ്ങളുള്ള ഒരു ഭക്ഷണമാണ് മുട്ട.
മുട്ടയിൽ പ്രോട്ടീൻ, വിറ്റമിൻ എ, വിറ്റമിൻ ബി12, കാത്സ്യം തുടങ്ങിയവ അടങ്ങിയിരിക്കുന്നു. ഒരു വ്യക്തിക്ക് ഒരു ദിവസം ശരീരത്തിൽ ലഭിക്കേണ്ട പ്രോട്ടീനിനേക്കാൾ 10 ശതമാനം കൂടുതലാണ് ഒരു മുട്ടയിൽ അടങ്ങിയിരിക്കുന്നത്.
ഒരു ആരോഗ്യ വിദ്ഗധനോട് മുട്ട എങ്ങനെ കഴിക്കണമെന്ന് ചോദിച്ചാൽ പുഴുങ്ങി തന്നെ കഴിക്കണം എന്നായിരിക്കും പറയുക. അതിന് നിരവധി കാരണങ്ങളും ഉണ്ട്.
പുഴുങ്ങിയ ഒരു മുട്ടയിൽ 77 ഗ്രാം കലോറി, 5 ഗ്രാം കൊഴുപ്പ്, 6 ഗ്രാം പ്രോട്ടീൻ എന്നിവ അടങ്ങിയിരിക്കുന്നു. ഇതിന് പുറമേ അയേൺ, ഫോസ്ഫറസ്, സെലേനിയം, ലൂട്ടേയ്ൻ, സിയസാന്തിൻ എന്നിവയും ഇതിൽ ഉണ്ട്.
നിശ്ചിത അളവിൽ ദിവസനേ നിങ്ങളുടെ ഡയറ്റിൽ മുട്ട ഉൾപ്പെടുത്തുന്നത് വളരെ നല്ലതാണ്. എന്നാൽ മുട്ടയിൽ 212mg കൊളസ്ട്രോൾ അടങ്ങിയിരിക്കുന്നതിനാൽ അമിതമായി കഴിക്കാതിരിക്കാനും ശ്രദ്ധിക്കണം.
മുട്ട കഴിക്കുമ്പോൾ നല്ല പോലെ വേവിച്ച് തന്നെ കഴിക്കണം. വേവ് കുറയുന്നതും കൂടുന്നതും നല്ലതല്ല. അതുപോലെ മുട്ട അമിതമായി കഴിച്ചാൽ അസിഡിറ്റി പോലെയുള്ള ദഹനസംബന്ധമായ പ്രശ്നങ്ങൾ ഉണ്ടായേക്കാം.
പുഴുങ്ങിയ മുട്ടയ്ക്കൊപ്പം ചീര, തക്കാളി, ഉരുളക്കിഴങ്ങ്, മധുരക്കിഴങ്ങ്, അവോക്കാഡോ തുടങ്ങിയവ കഴിക്കുന്നത് നല്ലതാണ്. ഓംലറ്റ് അല്ലെങ്കിൽ മുട്ട പൊരിക്കുമ്പോൾ ബട്ടർ, എണ്ണ, ചീസ് എന്നിവ ചേർക്കുമ്പോൾ കലോറിയും കൊഴുപ്പും കൂടുന്നു. ഇത് ആരോഗ്യത്തിന് നല്ലതല്ല.
മുട്ട പോഷകങ്ങളാൽ സമ്പന്നമായതിനാൽ തന്നെ ഇത് ഗർഭിണികൾക്ക് വളരെ നല്ലതാണ്. ഇതിൽ നല്ല കൊളസ്ട്രോൾ അടങ്ങിയിരിക്കുന്നതിനാൽ ഹൃദയത്തിന്റെ ആരോഗ്യം നിലനിർത്താൻ നിശ്ചിത അളവിൽ മുട്ട കഴിക്കുന്നത് നല്ലതാണ്.
ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. അത് സ്വീകരിക്കുന്നതിന് മുമ്പ് വൈദ്യോപദേശം തേടുക