തടി കുറയ്ക്കാൻ തക്കാളി സൂപ്പറാണ്
തടി കുറയ്ക്കാൻ എന്തൊക്കെയാ നമ്മൾ ചെയ്തു കൂട്ടുന്നത് അല്ലെ. പല തരത്തിലുള്ള പച്ചക്കറികൾ കഴിച്ചും, ജ്യൂസുകൾ കുടിച്ചുമൊക്കെ തടി കുറയ്ക്കാൻ പണിപെടുന്നുമുണ്ട്. എന്നാൽ നിങ്ങൾ എപ്പോഴെങ്കിലും തടി കുറയ്ക്കാൻ തക്കാളി കഴിച്ചിട്ടുണ്ടോ...
തക്കാളിയിൽ പ്രോട്ടീൻ, ധാതുക്കൾ, ഡയറ്ററി ഫൈബർ, വിറ്റാമിനുകൾ എന്നിവ ധാരാളം അടങ്ങിയിട്ടുണ്ട്. ഇത് മാത്രമല്ല തക്കാളി നിങ്ങളുടെ ചർമ്മത്തെ മിനുസപ്പെടുത്തുകയും തിളക്കമുള്ളതാക്കുകയും ചെയ്യും. ഇതിനെല്ലാത്തിനും പുറമെ തക്കാളി തടികുറയ്ക്കാനും ബെസ്റ്റാണ്
അമിതവണ്ണം കുറയ്ക്കാൻ തക്കാളി അടിപൊളിയാണ്. എങ്ങനെയെന്നറിയാം...
വിറ്റാമിനുകൾ, പ്രോട്ടീൻ, ധാതുക്കൾ, നാരുകൾ തുടങ്ങിയ പോഷകങ്ങളാൽ സമ്പുഷ്ടമാണ് തക്കാളി. എങ്കിലും ഇതിൽ കലോറി കുറവാണ് കേട്ടോ. ഒരു ഇടത്തരം തക്കാളിയിൽ 16 കലോറിയാൻ ഉളളത്. രണ്ട് തക്കാളി കഴിക്കുമ്പോൾ വയർ നിറയും. ഇത് നിങ്ങളുടെ ശരീരഭാരം കുറയ്ക്കാൻ സഹായിക്കും.
ലയിക്കുന്നതും ലയിക്കാത്തതുമായ നാരുകൾ ശരീരഭാരം കുറയ്ക്കുന്നതിൽ പ്രധാന പങ്ക് വഹിക്കുന്നുവെന്നത് എത്രപേർക്കറിയാം. ഇവ രണ്ടും അടങ്ങിയ തക്കാളി തടി കുറക്കാൻ നിങ്ങളെ സഹായിക്കുമെന്നതിൽ സംശയം വേണ്ട.
തക്കാളി കഴിക്കുന്നത് മെറ്റബോളിസം വർദ്ധിപ്പിക്കുമെന്നാണ് പറയുന്നത്. അതിലൂടെ നിങ്ങൾക്ക് തടി കുറയ്ക്കാം. എന്നാൽ തക്കാളി കഴിക്കുന്നത് കൊണ്ട് മാത്രം തടി കുറയില്ല കേട്ടോ ഒപ്പം ശരിയായ ഭക്ഷണവും വ്യായാമവും പിന്തുടരണം.