തടി കുറയ്ക്കാൻ ഈ പഴങ്ങൾ കിടുവാ..
ശരീരഭാരം കുറയ്ക്കാൻ നിങ്ങൾ ആഗ്രഹിക്കുന്നുവെങ്കിൽ ഫ്രൂട്ട് ഡയറ്റ് ശീലിക്കുന്നത് വളരെ നല്ലതാണ്. ഇത് ശരീരത്തിലെ ഫൈബറിന്റെ അളവ് വര്‍ധിപ്പിക്കും.
ഫ്രൂട്ട് ഡയറ്റ് ശരീരഭാരം കുറയ്ക്കാൻ സഹായിക്കും. എങ്കിലും എല്ലാ പഴങ്ങളും നിങ്ങൾ ഡയറ്റിൽ ഉൾപ്പെടുത്തല്ലേ.. പണികിട്ടും, അമിതമായി മധുരമോ ഉയര്‍ന്ന കലോറി ഊർജ്ജമോ ഇല്ലാത്ത പഴവർഗങ്ങള്‍ വേണം ഉപയോഗിക്കാൻ.
ശരീരഭാരം കുറയ്ക്കാൻ ഭക്ഷണത്തിൽ നിർബന്ധമായും ഉൾപ്പെടുത്തേണ്ട അഞ്ച് പഴങ്ങളെ കുറിച്ച് നമുക്കറിയാം...
ഉയര്‍ന്ന അളവിൽ നാരുകളും കുറഞ്ഞ കലോറിയും ഉള്ള ആപ്പിള്‍ നിങ്ങളുടെ ഭാരം കുറയ്ക്കാന്‍ സൂപ്പറാണ്
തണ്ണിമത്തനിൽ കുറഞ്ഞ കലോറിയാണുള്ളത്. വെള്ളം, ധാതുക്കൾ, വിറ്റാമിനുകൾ എന്നിവ തണ്ണിമത്തനിൽ ധാരാളം ഉണ്ട്. ഇത് ശരീരഭാരം കുറയ്ക്കാൻ സഹായിക്കും.
വാഴപ്പഴത്തില്‍ മാംഗനീസ്, പൊട്ടാസ്യം തുടങ്ങിയ പോഷകങ്ങളും അടങ്ങിയിട്ടുണ്ട്. ഇത് ശരീരത്തിന് നാരുകളും ധാരാളം ആന്റിഓക്സിഡന്റുകളും പ്രദാനം ചെയ്യുന്നു
മുന്തിരിയിൽ വൈറ്റമിന്‍ സി ധാരാളം അടങ്ങിയിട്ടുണ്ട്. പ്രതിരോധ ശേഷി വര്‍ധിപ്പിക്കാന്‍ ഇത് സൂപ്പറാണ്. ശരീരത്തിലെ കൊഴുപ്പ് കോശങ്ങളുടെ വളര്‍ച്ചയെ മന്ദഗതിയിലാക്കാന്‍ ചുവന്ന മുന്തിരിയിലെ എലിജിയാക് ആസിഡ് സഹായിക്കും
വിറ്റാമിന്‍ സി ധാരാളമായി അടങ്ങിയിട്ടുള്ള ഓറഞ്ച് ആന്‍റിഓക്സിഡന്‍റുകളുടെയും നാരുകളുടെയും മികച്ച സ്രോതസ് കൂടിയാണ്
നിങ്ങളുടെ വിശപ്പിനെ ചെറുക്കാന്‍ സഹായിക്കുന്ന പഴമാണ് അവക്കാഡോ. ഇത് കഴിച്ചാൽ വയറ് നിറഞ്ഞതായി അനുഭവപ്പെടും
കിവിയിൽ ധാരാളം നാരുകൾ അടങ്ങിയിട്ടുണ്ട്. ഇത് ശരീര ഭാരം കുറയ്ക്കാൻ സഹായിക്കും. ഇതിലെ ഫൈബർ വയർ നിറഞ്ഞിരിക്കുന്നതായി തോന്നും