എല്ലാവർക്കും സുപരിചിതമായ ഒരു പഴമാണ് സീതപ്പഴം. നാട്ടിൻപുറത്തും തൊടിയിലും വളരുന്ന ഈ പഴത്തിന് ആരോഗ്യ ഗുണങ്ങൾ ഏറെയാണ്
വിറ്റാമിനുകൾ, ധാതുക്കൾ, അയേൺ, കാത്സ്യം, പൊട്ടാസ്യം, മഗ്നീഷ്യം തുടങ്ങിയവയാൽ സമ്പന്നമാണ് സീതപ്പഴം എന്ന കസ്റ്റാർഡ് ആപ്പിൾ
ശ്വാസകോശത്തിന്റെ ആരോഗ്യത്തിനും ആസ്ത്മ അടക്കമുള്ള പ്രശ്‌നങ്ങൾക്കും സീതപ്പഴം വളരെ നല്ലതാണ്
ഇതിൽ ആൻറി ഇൻഫ്ളമറ്റോറി സംയുക്തങ്ങൾ ധാരാളമായി ഉള്ളതിനാൽ ശരീര വീക്കം കുറയ്ക്കുവാനും നല്ലതാണ്
നാരുകളും വൈറ്റമിനുകളും ധാതുക്കളും ധാരാളം അടങ്ങിയിട്ടുള്ള ഈ അസാധാരണ പഴം പ്രതിരോധശേഷി വർധിപ്പിക്കാനും നേത്ര ആരോഗ്യം മെച്ചപ്പെടുത്താനും നല്ലതാണ്
വിറ്റാമിൻ ബി 6 ന്റെ കലവറയായ സീതപ്പഴം കഴിക്കുന്നത് മാനസിക സമ്മർദ്ദം കുറയ്ക്കും
കലോറി കുറഞ്ഞ സീതപ്പഴം ശരീരഭാരം കുറക്കും. ചർമ സംരക്ഷണത്തിനും സീതപ്പഴം കിടുവാണ്
ഇതിൻറെ മാംസളമായ ഭാഗവും നാരങ്ങ നീരും കുഴമ്പുരൂപത്തിലാക്കി മുഖത്ത് പുരട്ടുന്നത് മുഖത്തെ കറുത്ത പാടുകൾ അകറ്റുവാനും, ചർമത്തിന് തിളക്കം നൽകുവാനും സൂപ്പറാണ്
ഇതിലടങ്ങിയിരിക്കുന്ന കോപ്പർ അകാലനര തടയും ഒപ്പം മുടിയുടെ ആരോഗ്യം മെച്ചപ്പെടുത്തും
മുലപ്പാൽ ഉൽപാദനം കൂട്ടുവാനും, ഗർഭസ്ഥ ശിശുവിന്റെ ചർമം, മുടി തുടങ്ങിയവയുടെ ആരോഗ്യത്തിനും ഇത് പൊളിയാണ്
ഗർഭിണികൾ സീതപ്പഴം കഴിക്കുന്നത് നല്ലതാണ് കാരണം ഇതിൽ ഇരുമ്പ് ധാരാളം അടങ്ങിയിട്ടുണ്ട്. ഇരുമ്പിന്റെ അംശം ഉള്ളതിനാൽ ക്ഷീണം, തളർച്ച തുടങ്ങിയ പ്രശ്നങ്ങൾ ഇല്ലാതാകും
സീതപ്പഴത്തിൽ ധാരാളമായി മെഗ്നീഷ്യം അടങ്ങിയിട്ടുണ്ട് ഇത് സന്ധിവേദന ഇല്ലാതാക്കും. സീതപ്പഴത്തിന്റെ ഉപയോഗം ടൈപ്പ് 2 പ്രമേഹ സാധ്യത കുറയ്ക്കുന്നു
സീതപ്പഴത്തിൽ അടങ്ങിയിരിക്കുന്ന നിയാസിൻ എന്ന ആൻറി ആക്സിഡൻറ് ശരീരത്തിലെ ചീത്ത കൊളസ്ട്രോൾ ഇല്ലാതാക്കും
നാരുകൾ ധാരാളം അടങ്ങിയിരിക്കുന്നതിനാൽ ദഹന സംബന്ധമായ പ്രശ്നങ്ങൾ അകറ്റാൻ ഇത് നല്ലതാണ്
ഇതിലെ ഫ്ലവനോയ്ഡ് സംയുക്തങ്ങൾ ആയ കാറ്റെചിൻ, എപികാടെക്കിൻ തുടങ്ങിയ ഘടകങ്ങൾ ക്യാൻസർ കോശങ്ങളുടെ വളർച്ചയെ തടയും
പൊട്ടാസ്യം ധാരാളം അടങ്ങിയിരിക്കുന്നതിനാൽ ഇത് ഹൃദയാരോഗ്യത്തെ മെച്ചപ്പെടുത്തും, രക്തസമ്മർദ്ദം നിയന്ത്രണവിധേയമാക്കും