ദിവസേന ഒരു ആപ്പിൾ കഴിക്കൂ, വെറുതേയല്ല കേട്ടോ..!
ദിവസേന ഒരു ആപ്പിൾ വീതം കഴിച്ചാൽ ഡോക്ടറെ ഒഴിവാക്കാം എന്നത് പണ്ട് മുതൽക്കേ നമ്മൾ കേൾക്കുന്ന ഒന്നാണ് അല്ലെ?
ആപ്പിൾ ലയിക്കുന്നതും ലയിക്കാത്തതുമായ നാരുകളുടെ ഉറവിടമാണ്. ഇത് ആരോഗ്യകരമായ ദഹനത്തിന് വളരെയധികം സഹായിക്കും.
ആപ്പിളിൽ ആന്റിഓക്‌സിഡന്റുകൾ, വിറ്റാമിനുകൾ, പ്രോട്ടീനുകൾ, കാർബോഹൈഡ്രേറ്റ്‌സ്, മഗ്നീഷ്യം, വിറ്റാമിൻ സി, കെ, കാൽസ്യം, വിറ്റാമിൻ ബി-6 തുടങ്ങിയ പോഷകങ്ങളും അടങ്ങിയിട്ടുണ്ട്
വിറ്റാമിൻ സി സസ്യഭക്ഷണങ്ങളിൽ നിന്ന് ഇരുമ്പ് ആഗിരണം മെച്ചപ്പെടുത്താൻ സഹായിക്കും. അതൊടൊപ്പം കൊളാജൻ ഉൽപാദനത്തിനും ആവശ്യമാണ്. ക്വെർസെറ്റിൻ, കാറ്റെച്ചിൻ, ക്ലോറോജെനിക് ആസിഡ്, എപികാടെച്ചിൻ എന്നിവയുൾപ്പെടെയുള്ള ഫൈറ്റോകെമിക്കലുകളും ആപ്പിളിൽ അടങ്ങിയിട്ടുണ്ട്.
ആപ്പിൾ കഴിക്കുന്നത് ടൈപ്പ് 2 പ്രമേഹത്തിനുള്ള സാധ്യത കുറക്കും. ആപ്പിളിൽ അടങ്ങിയിരിക്കുന്ന വിറ്റാമിൻ സി ആരോഗ്യകരമായ കൊളാജൻ ഉൽപാദനത്തിന് സഹായിക്കും. ഇത് ചർമ്മത്തിൻ്റെ ഇലാസ്തികതയും മൊത്തത്തിലുള്ള ആരോഗ്യവും നിലനിർത്തും
ആപ്പിൾ കഴിക്കുന്നത് ശ്വാസകോശത്തിൻ്റെ പ്രവർത്തനം മെച്ചപ്പെടുത്തുകയും ശ്വാസകോശ സംബന്ധമായ രോഗങ്ങളുടെ സാധ്യത കുറയ്ക്കുന്നതിനും സഹായിക്കും. ആപ്പിളിൽ പെക്റ്റിൻ അടങ്ങിയിട്ടുണ്ട്. ഇത് കുടൽ മൈക്രോബയോമിൽ ഒരു പ്രീബയോട്ടിക് ആയി വർത്തിക്കുന്ന ഫൈബർ ആണ്.
ആപ്പിളിലെ ആൻ്റിഓക്‌സിഡൻ്റുകൾ ശ്വാസകോശം, സ്തനാർബുദം, ദഹനനാളത്തിൻ്റെ അർബുദം എന്നിവയുൾപ്പെടെയുള്ള ചിലതരം കാൻസറുകൾക്കുള്ള സാധ്യതയും കുറയ്ക്കും.
ആപ്പിളിന്റെ തൊലിയിൽ ക്വെർസെറ്റിൻ എന്ന ആന്റിഓക്‌സിഡന്റ് അടങ്ങിയിട്ടുണ്ട്. ഇത് രോഗപ്രതിരോധത്തെ നിയന്ത്രിക്കാനും വീക്കം കുറയ്ക്കാനും സഹായിക്കും. കൂടുതൽ പച്ചക്കറികളും ആപ്പിൾ പോലുള്ള പഴങ്ങളും കഴിക്കുന്നത് മാനസികാരോഗ്യത്തിനും നല്ലതാണ്.