ഏതു പ്രായക്കാരും എതു കാലാവസ്ഥയിലും മുട്ട കഴിയ്ക്കണം. മുട്ടയില്‍ അടങ്ങിയിരിയ്കുന്ന വിറ്റാമിനുകളും ധാതുക്കളും പല ആരോഗ്യ പ്രശ്നങ്ങളിൽ നിന്നും നമ്മെ സംരക്ഷിക്കും.
വളരുന്ന പ്രായത്തില്‍ കുട്ടികള്‍ മുട്ട ദിവസവും കഴിച്ചിരിയ്ക്കണം. മുട്ടയില്‍ ധാരാളം പ്രോട്ടീന്‍ അടങ്ങിയിരിയ്ക്കുന്നു. ഇത് ആരോഗ്യത്തിന് മാത്രമല്ല, പേശികളെ ശക്തിപ്പെടുത്തുന്നതിനും ഏറെ ഉപയോഗപ്രദമാണ്.
മുട്ട ആരോഗ്യത്തിന് ഏറെ ഗുണം ചെയ്യുന്ന ഒരു സൂപ്പർ ഫുഡ് ആണെന്നതിൽ സംശയമില്ല, എന്നാല്‍, ഏറെ പോഷകങ്ങള്‍ അടങ്ങിയത് എന്ന് കരുതി മുട്ട അമിതമായി കഴിയ്ക്കുന്നതും ദോഷമാണ്.
പ്രോട്ടീനും വൈറ്റമിൻ ഡിയും ഉൾപ്പെടെ നിരവധി പ്രധാന പോഷകങ്ങളുടെ നല്ല ഉറവിടമായതിനാൽ മുട്ട നമ്മുടെ ദൈനംദിന ഭക്ഷണത്തിന്‍റെ ഒരു പ്രധാന ഉറവിടമാണ്. ആരോഗ്യകരമായ ജീവിതശൈലി നയിക്കാൻ, ഒരാൾ സാധാരണയായി ഒരു ദിവസം 2 പുഴുങ്ങിയ മുട്ടകൾ കഴിക്കണം.
മുട്ട പലര്‍ക്കും ഇഷ്ടമുള്ള ഒരു രുചികരമായ ഭക്ഷണമാണ്. അതിനാല്‍തന്നെ ചിലർ അമിതമായിമുട്ട കഴിയ്ക്കും. അമിതമായി മുട്ട കഴിയ്ക്കുന്നത് നിങ്ങളുടെ ശരീരത്തിന് ദോഷം ചെയ്യും.
നിങ്ങൾ ദിവസേന പരിധിയിൽ കൂടുതൽ മുട്ട കഴിക്കുകയാണെങ്കിൽ, നിങ്ങളുടെ ഭാരം വർദ്ധിക്കുകയും അത് ഹൃദ്രോഗ സാധ്യത വര്‍ദ്ധിപ്പിക്കുകയും ചെയ്യും.
ശരീരഭാരം നിയന്ത്രണത്തിലാക്കാൻ ശ്രമിക്കുന്ന ആളുകൾ, ഹൃദയ സംബന്ധമായ പ്രശ്‌നങ്ങളാൽ ബുദ്ധിമുട്ടുന്നവർ മുട്ട കഴിക്കുന്നതിൽ ജാഗ്രത പാലിക്കണം.
മുട്ടയുടെ അമിതമായ ഉപഭോഗം പ്രമേഹ സാധ്യത വർദ്ധിപ്പിക്കുകയും മെറ്റബോളിക് സിൻഡ്രോം ഉണ്ടാകാനുള്ള സാധ്യത വർദ്ധിപ്പിക്കുകയും ചെയ്യുമെന്നും ചില ഗവേഷണങ്ങൾ തെളിയിച്ചിട്ടുണ്ട്.
കാലാകാലങ്ങളിൽ മുട്ടയുടെ അളവ് നിയന്ത്രിക്കുക കൂടാതെ നിങ്ങളുടെ ഭക്ഷണത്തിൽ മറ്റ് പ്രോട്ടീൻ സ്രോതസ്സുകളും ഉൾപ്പെടുത്തുക. അതായത്, നിങ്ങൾക്ക് എത്ര പ്രോട്ടീനും വിറ്റാമിൻ ഡിയും ആവശ്യമാണ് എന്നതിനെ ആശ്രയിച്ച് മുട്ട കഴിക്കുക. .