ഏറെ തിരക്കേറിയ ദിവസം നിങ്ങളെ കൂടുതല്‍ ക്ഷീണിതരാക്കും. അത് നിങ്ങളുടെ മുഖത്ത് പ്രതിഫലിക്കുകയും ചെയ്യും. എളുപ്പത്തില്‍ ക്ഷീണം മാറ്റാന്‍ സഹായിയ്ക്കുന്ന ഭക്ഷണങ്ങള്‍ കഴിയ്ക്കുക എന്നതാണ് അതില്‍ പ്രധാനം.
നമ്മുടെ മുഖത്ത് പ്രകടമാവുന്ന ക്ഷീണം മാറ്റാന്‍ മറ്റ് ചില മാര്‍ഗ്ഗങ്ങള്‍കൂടി സ്വീകരിക്കാവുന്നതാണ്. അതില്‍ പ്രധാനമാണ് ഐസ് ക്യൂബ് പായ്ക്കുകൾ ഉപയോഗിക്കുക എന്നത്.
ഐസ്ക്യൂബ് ഉപയോഗിച്ച് മസാജ് ചെയ്യുന്നത് കണ്ണുകൾക്ക് താഴെയുള്ള വീക്കം, ടാനിംഗ് സുഖപ്പെടുത്തുക, മോയ്സ്ചറൈസിംഗ് മേക്കപ്പ് ബേസ് ആയി പ്രവർത്തിക്കുക എന്നിങ്ങനെ ഐസ് ക്യൂബ് നല്‍കുന്ന ഗുണങ്ങള്‍ നിരവധിയാണ്.
വെള്ളം കൊണ്ടുള്ള ക്യൂബിന് പകരം വ്യത്യസ്ത ചെരുവകളാല്‍ ചേര്‍ത്തും ഐസ് ക്യൂബ് നിര്‍മ്മിക്കാം. ഇത് സാധാരണ ഐസ് ക്യൂബിനേക്കാള്‍ ഇത് കൂടുതല്‍ പ്രയോജനം ചെയ്യും.
മേക്കപ്പ് നീക്കം ചെയ്യുകയും ചർമ്മത്തെ മോയ്സ്ചറൈസ് ചെയ്യുന്നതിനും സഹായകമാണ് റോസ് വാട്ടർ. റോസ് വാട്ടർ ഉപയോഗിച്ച് ഉണ്ടാക്കുന്ന ഐസ് ക്യൂബുകൾ ചര്‍മ്മത്തിന് തിളക്കവും ഉന്മേഷവും നല്‍കും
കറ്റാർ വാഴയും തുളസിയും ചേര്‍ത്ത് നിര്‍മ്മിക്കുന്ന ഐസ് ക്യൂബ് ചര്‍മ്മത്തിന് വളരെ ഗുണം ചെയ്യ്യും.
കുക്കുമ്പറും നാരങ്ങയും മികച്ച ആന്‍റിഓക്‌സിഡന്‍റുകളാണ്. ഇത് നിങ്ങളുടെ ചർമ്മത്തെ ശുദ്ധീകരിക്കാനും തിളങ്ങാനും സഹായിക്കുന്നു.
ചര്‍മ്മ സൗന്ദര്യത്തിന് ഏറെ പ്രാധാന്യം ഉണ്ട്. കുങ്കുമപ്പൂവ് ചേര്‍ത്ത ഐസ് ക്യൂബുകൾ പതിവായി ഉപയോഗിക്കുന്നത് ടാനിംഗ്, ഇരുണ്ട പാടുകൾ, മുഖക്കുരു, പിഗ്മെന്‍ന്‍റേഷൻ എന്നിവ ഇല്ലാതാക്കാൻ സഹായിക്കും. ഇത് ചർമ്മത്തിന് നിറവും നല്‍കും.
മഞ്ഞൾ ചര്‍മ്മത്തിന് പ്രായം തോന്നുന്നത് തടയും. ചുളിവുകൾ, നേർത്ത വരകൾ, കണ്ണിന് താഴെയുള്ള കറുപ്പ് നിറം പിഗ്മെന്‍ന്‍റേഷൻ തുടങ്ങിയ പ്രായവുമായി ബന്ധപ്പെട്ട ലക്ഷണങ്ങൾ കുറയ്ക്കാൻ മഞ്ഞൾ കൊണ്ട് നിർമ്മിച്ച ഐസ് ക്യൂബുകൾക്ക് കഴിയും.
ദീർഘകാലം നിങ്ങളുടെ ചര്‍മ്മം തിളക്കമുള്ളതാക്കി നിലനിര്‍ത്താന്‍ ഐസ് ക്യൂബ് ഉപയോഗിച്ചുള്ള ചർമ്മസംരക്ഷണം നിങ്ങളുടെ ദിനചര്യയുടെ ഭാഗമാക്കാം.