1990 മുതൽ 2012 വരെ ടാറ്റ ഗ്രൂപ്പ് ഓഫ് ഇൻഡസ്ട്രീസിന്റെ ചെയർമാനായി സേവനമനുഷ്ഠിച്ച രത്തൻ ടാറ്റ ലോകം കണ്ട ഏറ്റവും മികച്ച വ്യവസായി ആയിരുന്നു. 2024 ഒക്ടോബർ 9ന് ഈ ലോകത്ത് നിന്ന് വിട വാങ്ങിയെങ്കിലും അദ്ദേഹത്തിന്റെ പ്രവർത്തനങ്ങൾ എക്കാലവും ഓർമ്മിക്കപ്പെടും.
വ്യവസായി എന്നതിലുപരി തന്റെ ആരോഗ്യകാര്യങ്ങളിൽ അതീവ ജാഗ്രത പുലർത്തിയിരുന്നു വ്യക്തിയായിരുന്നു രത്തൻ ടാറ്റ. ആരോഗ്യത്തോടിരിക്കാൻ ഇതാ അദ്ദേഹത്തിന്റെ ചില ഫിറ്റ്നസ് രഹസ്യങ്ങൾ...
രാവിലെ നേരത്തെ ഉറക്കമെഴുന്നേൽക്കുന്ന സ്വഭാവക്കാരനായിരുന്നു രത്തൻ ടാറ്റ. ടാറ്റ സൺസിന്റെ പല മീറ്റിങ്ങുകളും 6 മണി മുതലേ ആരംഭിച്ചിരുന്നു എന്ന കാര്യത്തിൽ അതിശയപ്പെടാനൊന്നുമില്ല!
പ്രഭാതത്തിൽ കുറച്ച് സമയം അദ്ദേഹം നടക്കുകയും തുടർന്ന് സൂര്യ നമസ്കാരവും ചെയ്യുമായിരുന്നു. എത്ര തിരക്കുണ്ടെങ്കിലും ഈ രണ്ട് ശീലങ്ങൾ അദ്ദേഹം മുടക്കിയിരുന്നില്ല.
യോഗ, പ്രഭാതനടത്തം എന്നിവയോടൊപ്പം 30 മിനിറ്റ് മെഡിറ്റേഷനും അദ്ദേഹം ശീലിച്ചിരുന്നു. മെഡിറ്റേഷൻ മനസ്സിനെ ശാന്തമാക്കാൻ സഹായിക്കുമെന്നാണ് അദ്ദേഹത്തിന്റെ അഭിപ്രായം.
ശ്വാസകോശത്തെ ആരോഗ്യത്തോടെ സംരക്ഷിക്കാൻ ചെയ്യുന്ന ശ്വാസന വ്യായാമവും അദ്ദേഹത്തിന്റെ ഒരു ഫിറ്റ്നസ് രഹസ്യമാണ്.
ഭക്ഷണക്രമത്തിൽ കർശന നിയമങ്ങൾ പാലിച്ചിരുന്ന ആളായിരുന്നു രത്തൻ ടാറ്റ. വീട്ടിൽ പാകം ചെയ്‌ത ഭക്ഷണമായിരുന്നു അദ്ദേഹത്തിന് കൂടുതൽ ഇഷ്‌ടം. ജങ്ക് ഫുഡ്, ഫാസ്റ്റ് ഫുഡ് എന്നിവ അദ്ദേഹത്തിന്റെ നിഘണ്ടുവിലെ ഉണ്ടായിരുന്നില്ല.
ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്.