രാവിലത്തെ ചായ മുതല്‍ ആരംഭിക്കും നമ്മുടെ പഞ്ചസാരയോടുളള പ്രിയം. പഞ്ചസാര അധികം കഴിക്കുന്നത് ആരോഗ്യത്തിന് നല്ലതല്ലെന്നാണ് പഠനങ്ങള്‍ പറയുന്നത്.
ക്യാന്‍സര്‍ രോഗികള്‍ പഞ്ചസാര അധികം കഴിക്കരുത്. പഞ്ചസാര അമിതമായി കഴിയ്ക്കുന്നത് ക്യാന്‍സര്‍ സെല്ലുകള്‍ വളരാന്‍ സഹായിക്കുമെന്നാണ് പുതിയ പഠനങ്ങള്‍ പറയുന്നത്.
പഞ്ചസാര അമിതമായാല്‍, ഹൃദയപേശികളുടെ ആരോഗ്യത്തിന് ഉത്തമമായ പ്രോട്ടീനെ നശിപ്പിക്കുന്ന ഗ്ലൂക്കോസ് 6 ഫോസ്‌ഫേറ്റിന്‍റെ അളവ് കൂടാനും അതുവഴി ഹൃദ്രോഗം ഉണ്ടാകാനും ഇടയാകും.
അമിതമായി പഞ്ചസാര കഴിയ്ക്കുന്നത് ശരീരഭാരം വര്‍ദ്ധിക്കാന്‍ ഇടയാക്കും. ഇത് ശരീരത്തില്‍ അമിതമായി കലോറി എത്തിയ്ക്കും.
നമ്മുടെ പ്രതിരോധശേഷി നശിപ്പിക്കുന്ന എന്‍ഡോര്‍ഫിന്‍റെ അളവ് വര്‍ദ്ധിക്കാന്‍ പഞ്ചസാരയുടെ അമിത ഉപയോഗം കാരണമാകും.
പഞ്ചസാര അമിതമായി ശരീരത്തില്‍ എത്തുന്നത്‌, മുഖക്കുരുവിനും മറ്റ് ചര്‍മ്മ പ്രശ്നങ്ങള്‍ക്കും കാരണമാകും.
ഗര്‍ഭകാലത്ത് പഞ്ചസാര അമിതമായി ഉപയോഗിയ്ക്കുന്നത്‌ ഗര്‍ഭസ്ഥശിശുവിന്‍റെ പേശീവളര്‍ച്ചയെ സാരമായി ബാധിക്കും. ഇത് കുഞ്ഞിന്‍റെ അനാരോഗ്യത്തിന് കാരണമാകും.
പഞ്ചസാര അധികമുള്ള ഭക്ഷണം കഴിയ്ക്കുന്നത് വിഷാദരോഗ സാധ്യത വര്‍ദ്ധിപ്പിക്കുമെന്നാണ് പഠനങ്ങള്‍ പറയുന്നത്.
മധുരം അമിതമായി കഴിക്കുമ്പോൾ പല്ലിന് കേട് വരാനുള്ള സാധ്യത വളരെ കൂടുലാണ്.
പഞ്ചസാര അമിതമായി കഴിയ്ക്കുന്നത് ക്ഷീണത്തിനും ഊര്‍ജ്ജം കുറയുന്നതിലേയ്ക്കും നയിക്കും.