പേശീവലിവിനുള്ള പ്രധാന കാരണങ്ങളിലൊന്ന് നിർജലീകരണമാണ്. വ്യായാമം, ആർത്തവം എന്നിവ മൂലവും ഇത് സംഭവിക്കാം. പുരുഷന്മാരിലും സ്ത്രീകളിലും ഒക്കെ സംഭവിക്കുന്നതാണിത്. ചില ഭക്ഷണങ്ങൾ ഈ വേദന കുറയ്ക്കാൻ സഹായിക്കും.
വാഴപ്പഴത്തിൽ മഗ്നീഷ്യം, കാൽസ്യം, പൊട്ടാസ്യം എന്നിവ അടങ്ങിയിട്ടുണ്ട്. ഇവയെല്ലാം പേശീവലിവ് കുറയ്ക്കാൻ സഹായിക്കുന്നു. വേദന അനുഭവപ്പെടുമ്പോൾ ഒന്നോ രണ്ടോ വാഴപ്പഴം കഴിക്കുന്നത് വേദന കുറയ്ക്കും.
മധുരക്കിഴങ്ങിൽ കാൽസ്യം, മഗ്നീഷ്യം, പൊട്ടാസ്യം എന്നിവയും അടങ്ങിയിട്ടുണ്ട്. മധുരക്കിഴങ്ങിലെ കാൽസ്യത്തിന്റെ അളവ് വാഴപ്പഴത്തേക്കാൾ കൂടുതലാണ്. അവയിൽ ജലാംശവും വളരെ കൂടുതലാണ്. ഇത് വളരെ വേഗത്തിൽ റീഹൈഡ്രേറ്റ് ചെയ്യാൻ നിങ്ങളെ സഹായിക്കും.
പേശികളുടെ ആരോഗ്യത്തിന് വളരെ പ്രധാനപ്പെട്ട ഒരു പഴമാണ് അവോക്കാഡോ. ഇത് പേശിവലിവ് അകറ്റാനും ഹൃദയാരോഗ്യത്തിനും സഹായിക്കുന്നു.
തണ്ണിമത്തനിൽ വളരെ ഉയർന്ന അളവിൽ ജലാംശമുണ്ട്. പ്രത്യേകിച്ച് പേശിവലിവ് ഉള്ളപ്പോൾ ജലാംശം നിലനിർത്താൻ സഹായിക്കുന്നതാണ് തണ്ണിമത്തൻ.
പാലിൽ കാൽസ്യം അടങ്ങിയിട്ടുണ്ട്. ഇത് ശരീരത്തിലെ ജലാംശം വർധിപ്പിക്കാൻ സഹായിക്കും. ഇത് ക്രമേണ പേശിവലിവ് ലഘൂകരിക്കും.