വ്യത്യസ്ത വേഷങ്ങളിലൂടെ മലയാളികളെ അത്ഭുതപ്പെടുത്തിക്കൊണ്ടിരിക്കുകയാണ് മമ്മൂട്ടിയെന്ന അതുല്യ നടൻ. വരാനിരിക്കുന്ന ചിത്രങ്ങളെല്ലാം തന്നെ വലിയ പ്രതീക്ഷകൾ നൽകുന്നതാണ്. മമ്മൂട്ടിയുടെ ഏറ്റവും പുതിയ ചിത്രമാണ് ടർബോ.
മമ്മൂട്ടിയും ഹിറ്റ്മേക്കർ വൈശാഖും വീണ്ടും ഒന്നിക്കുന്ന ചിത്രമാണ് ടർബോ. മമ്മൂട്ടി കമ്പനിയുടെ അഞ്ചാമത്തെ ചിത്രമാണിത്. മിഥുൻ മാനുവേൽ തോമസാണ് ചിത്രത്തിന്റെ രചന നിർവഹിച്ചിരിക്കുന്നത്.
ടർബോ സിനിമയ്ക്കായുള്ള മമ്മൂട്ടിയുടെ പുത്തൻ ലുക്ക് ആരാധകർ ഏറ്റെടുത്ത് കഴിഞ്ഞു. ബിഗ് ബി എന്ന ചിത്രത്തിലെ ബിലാലിനെ ഓർമിപ്പിക്കുന്ന ലുക്കാണിത്.
ടർബോ കൂടാതെ ഭ്രമയുഗം, ബസൂക്ക, കാതൽ, തുടങ്ങി നിരവധി ചിത്രങ്ങൾ മമ്മൂട്ടിയുടേതായി റിലീസ് ചെയ്യാനുണ്ട്.