बॉलिवूड अभिनेत्री इंदिरा कृष्णननं 2003 मध्ये सलमान खानसोबत 'तेरे नाम' या चित्रपटामध्ये स्क्रीन शेअर केली होती. हल्लीच एका मुलाखतीत तिनं सलमानसंदर्भात वक्तव्य़ केलं.
युट्यूब चॅनलला दिलेल्या मुलाखतीत तिनं असाच एक किस्सा ऐकवला जिथं इंदिरानं सलमानला कानशिलात लगावण्याच्या दृश्याचं चित्रीकरण करायचं होतं.
सलमानने मात्र चित्रीकरण होण्यापूर्वीच इंदिराला इशारा दिला, किंबहुना ती एक थट्टाच होती.
'सलमान तेव्हा म्हणाला होता, मला थोडं जरी लागलं ना तर मी तमाशा घालेन', असं सलमान म्हणाला आणि इंदिरा चित्रीकरणाच्या वेळी घाबरलीच.
सलमानच्या कानशिलात लगावताना तिचे हात थरथरत होते. प्रत्यक्षात सलमान एक अतिशय चांगला व्यक्ती असल्याचंही इंदिरा म्हणाली.
यारोंका यार, सलमान याच्यासोबत काम करताना आपल्याला खुप सहजता वाटली, असंही तिनं सांगितलं.
थोडक्यात सलमान चित्रपटांच्या सेटवर अतिशय खेळीमेळीच्याच वातावरणात वावरतो हेसुद्धा इंदिराच्या वक्तव्यातून स्पष्ट झालं.